۱-تِیمُتِھیُس 2:8 - پنجابی نواں عہد نامہ نظرثانی شدہ چھپائی

⁸ ایس لئی مَیں چاہناں آں پئی مرد سبھنیں تھائِیں غُصیّوں تے جھگڑے بِناں پاک ہتّھ چُک کے دُعا منگیا کرن۔

۱-تِیمُتِھیُس 2:8 Iomraidhean Croise

متّی 21:21

مَیں تُہانوں سَچ آکھنا آں پئی جے کر یقِین کرو تے شک نا کرو تے تُسی نِرا ایہو ای نا کرو گے جیویں ہنجیر دے بُوٹے نال ہویا۔ پر جے ایس پہاڑ نُوں وی آکھو گے پئی اُٹھ تے سمُندر وِچ جا پَو تے ہو جائے گا۔

متّی 5:44

پر مَیں تُہانوں آکھنا آں پئی دُشمناں نال پیار کرو تے جیہڑے تُہانوں دُکھ دین اوہناں دی خَیر منگو۔

متّی 6:12

تے ساڈیاں قصوراں نُوں بخش دے جیویں اساں اپنے قصورواراں نُوں بخش دِتّا اے۔

لُوقا 23:34

تے یِسُوع آکھیا اَے پئیو ایہناں نُوں مُعاف کر۔ کیوں جو ایہہ نئیں جان دے پئی کِیہ کر دے نیں۔ تے اوہناں اوہدے کپڑے ونڈ کے گُنے پائے۔

لُوقا 24:50

تَد اوہ اوہناں نُوں شہروں باہر بَیت عَنِیاہ دے سامھنے لے گیا تے اپنے ہتّھ چُک کے اوہناں نُوں برکت دِتّی۔

یُوحنّا 4:21

یِسُوع اوہنوں آکھیا بی بی! میری گلّ مَن۔ اوہ ویلا آؤندا اے جدوں نا ایس پہاڑ اُتّے تے نا یرُوشلِیم وِچ تُسی باپ دی بندگی کرو گے۔

اعمال 10:2

اوہ اپنے سارے گھرانے سَنے دِیندار تے خُدا کولوں ڈردا سی۔ تے لوکاں نُوں بُہت خَیرات دیندا تے نِت خُدا کولوں دُعا منگدا سی۔

اعمال 10:31

آکھدا اے۔ اَے کُرنِیلِیُس تیری دُعا سُنی گئی۔ تے تیری خَیرات دی خُدا دی درگاہ وِچ یاد ہوئی۔

اعمال 10:4

اوس اوہدے ولّ دھیان کر کے ویکھیا۔ تے ڈر کے آکھیا۔ اَے خُداوند کِیہ اے؟ اوس اوہنوں آکھیا۔ تیریاں عرضاں تے تیریاں خَیراتاں یادگیری لئی خُدا دی درگاہ وِچ اَپڑ گِئیاں نیں۔

اعمال 21:5

تے جد اساں اوہ دِن پُورے کِیتے تَد ٹُرپَئے۔ تے سارے لوک اپنیاں وَوہٹِیاں تے بال بچّیاں سَنے شہر دے باہر تِیکر ساڈے نال آئے تے سمُندر دے کنڈھے اُتّے اساں گوڈے نواکے دُعا منگی۔

اعمال 7:60

فیر اوس گوڈے نواکے آکھیا۔ پئی اَے خُداوند ایہہ گُناہ ایہناں دے پیٹے نا پا۔ تے ایہہ آکھ کے اوہ سوؤں گیا۔

۱-کُرِنتھِیوں 1:2

خُدا دی اوس کلِیسیا نُوں جیہڑی کُرِنتِھس وِچ اے۔ یعنی اوہناں نُوں جیہڑے مسِیح یِسُوع دی راہِیں پاک کِیتے گئے تے پاک لوک ہون دے لئی سَدّے گئے نیں تے اوہناں ساریاں نُوں وی جیہڑے سبھنیں تھائِیں ساڈے تے اپنے خُداوند یِسُوع مسِیح دا ناں لَیندے نیں۔

۱-کُرِنتھِیوں 7:7

پر مَیں ایہہ چاہناں آں پئی جیہا مَیں آں اوہو جیہے سارے بندے ہون۔ پر ہر اِک نُوں خُدا ولّوں خاص خاص توفِیق مِلی اے۔ کِسے نُوں کِسے طرح دی کِسے نُوں کِسے طرح دی۔

۲-کُرِنتھِیوں 2:14

پر خُدا دا شُکر اے۔ جیہڑا مسِیح وِچ سانُوں سدا قیدِیاں وانگُوں گشت کراندا اے۔ تے اپنے عِلم دی خُوشبوئی ساڈی راہِیں ہر تھاں پَھیلاؤندا اے۔

فِلِپّیوں 1:12

تے بھراؤ! مَیں تُہانوں دسنا چاہناں آں پئی جو کُجھ میرے اُتّے بِیتیا اوہ خُوشخبری دی ترقی ای دا سبّب بنیا۔

۱-تھِسّلُنِیکوں 1:8

کیوں جو تُہاڈے کولوں نا نِرا مَکِدُنیہ تے اَخیہ وِچ خُداوند دے کلام دی پُکار ہوئی سگوں تُہاڈا اِیمان جیہڑا خُدا اُتّے اے ہر تھاں اجیہا دُھم گیا۔ پئی ساڈے آکھن دی کوئی لوڑ نئیں۔

۱-تِیمُتِھیُس 5:14

سو مَیں چاہناں آں۔ پئی مُٹیار رَنڈِیاں ویاہ کر لین۔ تے اولاد جمّن تے گھر دا بندوبست کرن۔ تے کوئی وَیری بھلا بُرا نا آکھ سکے۔

طِطُس 3:8

ایہہ گلّ سَچ اے۔ تے مَیں چاہناں آں پئی تُوں ایہہ گلّاں بڑا پَکّ کر کے دسیں۔ تاں جو جِنہاں خُدا نُوں مَنّیا اے۔ اوہ چنگے کمّاں وِچ لگّے رہن دا خیال رکھن۔ ایہہ گلّاں بندیاں لئی چَنگیاں تے فائدے والِیاں نیں۔

عِبرانیوں 10:22

تے فیر اسی سَچّے دِل تے پُورے اِیمان نال تے دِل دے الزام نُوں دُور کرن لئی دِل اُتّے چھٹّے مار کے تے بدن نُوں سُتھرے پانی نال صاف کر کے خُدا دے کول چلّئے۔

یعقُوب 4:8

خُدا دے نیڑے جاؤ تے اوہ تُہاڈے نیڑے آوے گا۔ گُناہیو۔ اپنے ہتّھاں نُوں صاف کرو تے دو دِلیؤ اپنے دِلاں نُوں پاک کرو۔

۱-پطرس 3:7

گھر والیو! تُسی وی اپنیاں زنانِیاں نال عقل نال وسّیا کرو تے زنانی نُوں کمزور جان کے اوہدی عِزّت کرو تے ایسے طرح سمجھو پئی اسی دونویں زِندگی دی نِعمت دے وارث آں۔ تاں جو تُہاڈیاں دُعاواں رُک نا جان۔