۱-تِیمُتِھیُس 2:7 - پنجابی نواں عہد نامہ نظرثانی شدہ چھپائی

⁷ مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۱-تِیمُتِھیُس 2:7 Iomraidhean Croise

یُوحنّا 7:35

تَد یہُودی آپو وِچ آکھن لگّے پئی اوہ کِتّھے جائے گا۔ پئی اسی اوہنوں نا لَبّھ سَکاں گے۔ اوہ اوہناں کول جائے گا جیہڑے یُونانِیاں وِچ کھِلّرے ہوئے نیں۔ تے یُونانِیاں نُوں سکھالے گا؟

اعمال 14:27

تے اوتھے اَپڑ کے کلِیسیا نُوں اکٹّھا کِیتا۔ تے اوہناں نُوں خبر دِتّی۔ پئی خُدا نے ساڈی راہِیں کِیہ کِیہ کمّ کِیتے۔ تے غیر قوماں دے اگّے اِیمان دا بُوہا کھول دِتّا۔

اعمال 22:21

تَد اوس مَینُوں آکھیا۔ ٹُرپَو۔ کیوں جو مَیں تینُوں دُراڈے سارے غیر قوماں ولّ گھلاں گا۔

اعمال 26:20

پر پہلاں دمِشق تے یرُوشلِیم دے رہن والیاں نُوں تے یہُودیہ دے سارے دیس وِچ تے غیر قوماں نُوں وی دسدا رہیا۔ پئی تَوبہ کرو تے خُدا ولّ پھر کے تَوبہ دے لائق کمّ کرو۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 1:9

تے خُدا جِہدی بندگی مَیں اپنی رُوح نال اوہدے پُتر دی خُوشخبری سُنان وِچ کرنا آں۔ میرا گواہ اے پئی کِس طرح ہرویلے تُہانوں یاد رکھنا آں۔

رُومِیوں 10:14

فیر جِہدے اُتّے اِیمان نئیں لیائے۔ اوہ اوہدا ناں کِیویں لین گے؟ تے جِہدی بابت اوہناں سُنیا ای نئیں۔ اوہدے اُتّے کِیویں اِیمان لیاؤن؟ تے منادی کرن والے باہجوں کِیویں سُنن۔

رُومِیوں 11:13

پر مَیں تُساں غیر قوماں نال گلّ کرنا آں۔ سو جِس حال وِچ مَیں غیر قوماں دا رسُول آں مَیں اپنی خِدمت نُوں وڈیاناں آں۔

رُومِیوں 15:16

پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔

رُومِیوں 9:1

مسِیح وِچ ہو کے مَیں سَچ آکھنا آں۔ جُھوٹھ نئیں آکھدا میرا دِل پاک رُوح وِچ میرے نال ایہو گواہی دیندا اے۔

۱-کُرِنتھِیوں 9:1

کِیہ مَیں اَزاد نئیں؟ مَیں رسُول نئیں؟ مَیں یِسُوع نُوں نئیں ویکھیا۔ جیہڑا ساڈا خُداوند اے؟ تُسی خُداوند وِچ میرے لئی بنائے ہوئے نئیں؟

۲-کُرِنتھِیوں 11:31

خُداوند یِسُوع دا خُدا تے باپ جِہدی سدا تِیکر حمد ہوئے۔ جان دا اے۔ پئی مَیں جُھوٹھ نئیں آکھدا۔

گلتِیوں 1:16

پئی اپنے پُتر نُوں میرے دِل وِچ ظاہر کرے۔ ایس کر کے پئی غیر قوماں وِچ مَیں اوہدی خُوشخبری دیاں۔ تے نا مَیں گوشت تے لہو کولوں صلاح پُچھی۔

گلتِیوں 1:20

جیہڑیاں گلّاں مَیں تُہانوں لِکھناں آں ویکھو خُدا نُوں گواہ کر کے آکھنا آں۔ پئی اوہ جُھوٹھیاں نئیں۔

گلتِیوں 2:16

تَد وی ایہہ جان کے پئی بندہ شریعت دے کمّاں نال نئیں سگوں نِرا یِسُوع مسِیح اُتّے اِیمان لیاؤن نال راستباز ٹھہردا اے۔ اساں آپ وی مسِیح یِسُوع اُتّے اِیمان لیاندا۔ ایس کر کے پئی اسی مسِیح اُتّے اِیمان لیاؤن نال راستباز سمجھے جائیے نا شریعت دیاں کمّاں نال۔ کیوں جو شریعت دیاں کمّاں نال کِسے راستباز نئیں ٹھہرنا۔

گلتِیوں 2:9

تے یعقُوب تے کیفا تے یُوحنّا نے جیہڑے کلِیسیا دے سرپَینچ سمجھے جاندے سن۔ جدوں اوس فضل نُوں جیہڑا مَینُوں مِلیا سی معلُوم کِیتا تے سانجھداری دا سَجّا ہتّھ دے کے مَینُوں تے برنباس نُوں جوڑی دار بنا لیا۔ پئی اسی غیر قوماں ولّ جائیے۔ تے اوہ سُنتِیاں ولّ۔

گلتِیوں 3:9

ایس لئی جیہڑے اِیمان والے نیں اوہ اِیماندار ابرہام نال برکت پاندے نیں۔

۲-تِیمُتِھیُس 1:11

جِہدے لئی مَیں مَنّاد تے رسُول تے اُستاد بنیا آں۔

۲-پطرس 2:5

تے نا پہلی دُنیا نُوں چھڈیا سگوں جِس ویلے بے دِین دُنیا اُتّے طوفان گھلّیا راستبازی دی منادی کرن والے نُوح نُوں ہور ستّاں بندیاں سَنے بچا لیا۔