۱-تِیمُتِھیُس 1:9 - پنجابی نواں عہد نامہ نظرثانی شدہ چھپائی

⁹ یعنی ایہہ سمجھ کے پئی شریعت راست لوکاں لئی مُقرّر نئیں ہوئی سگوں بے شریعت تے کھبّے لوکاں تے بے دِیناں۔ تے گُناہِیاں تے پِلیتاں تے بے اِیمان تے ماں پئیو دے قتل کرن والیاں تے خُونِیاں۔

۱-تِیمُتِھیُس 1:9 Iomraidhean Croise

متّی 10:21

بھرا بھرا نُوں مَوت لئی پھڑوائے گا تے پئیو پُتر نُوں تے پُتر اپنے ماپیاں دا سامنا کرن گے تے اوہناں نُوں مروا سُٹّن گے۔

رُومِیوں 1:30

بُرا آکھن والے۔ خُدا اگّے نفرتی۔ طعنے مارن والے گُھمنّڈی۔ گپّی۔ بدیاں دے بانی۔ ماپیاں دا آکھا نا مَنّن والے۔

رُومِیوں 4:13

کیوں جو ایہہ وعدہ پئی دُنیا تیری وِرثہ اے شریعت دی راہِیں ابرہام یا اوہدی نسل نال نئیں سی کِیتا گیا پر اِیمان دی راستبازی دی راہِیں کِیتا گیا۔

رُومِیوں 5:20

تے شریعت نال ای آوڑِی تاں جو قصور بُہتا ہوئے۔ پر جِتّھے گُناہ بُہتا ہویا۔ اوتھے فضل حدّوں باہر وَدّھ ہویا۔

رُومِیوں 6:14

کیوں جو گُناہ دا تُہاڈے اُتّے وَس نا چلّے گا۔ ایس کر کے پئی تُسی شریعت دے ہیٹھ نئیں پر فضل دے ہیٹھ ہو۔

گلتِیوں 3:19

تَد شریعت کاہدی رہی۔ اوہ قصوراں دے سببّوں اوس نسل دے آؤن تِیکر دِتّی گئی جِہدے نال وعدہ کِیتا گیا سی۔ تے اوہ فرِشتیاں دے وسیلے اِک وچولے دی راہِیں مُقرّر کِیتی گئی۔

گلتِیوں 5:18

تے جے تُسی رُوح دے طَور نال ٹُردے ہو۔ تے شریعت دے ہیٹھ نئیں رہے۔

گلتِیوں 5:21

بُغض۔ نشے بازی۔ ناچ رنگ تے ہور ایہو جیہے۔ ایہناں دی بابت تُہانوں اگیترا دس دیناں آں جیویں پہلاں وی دسیا سی۔ پئی اجیہے کمّ کرن والے خُدا دی بادشاہی دے وارث نا ہون گے۔

گلتِیوں 5:23

حلِیمی پرہیزگاری اے۔ اجیہاں کمّاں دے برخلاف کوئی شریعت نئیں۔

۲-تھِسّلُنِیکوں 2:8

تے فیر اوہ بے دِین بندہ جِہنُوں خُداوند یِسُوع اپنے مُنھ دی پُھوک نال ہلاک تے اپنے آؤن دے جَلوے نال فنا کرے گا ظاہر کِیتا جائے گا۔

۱-تِیمُتِھیُس 4:7

پر بے اِیمانی دِیاں تے بُڈِّھیاں دِیاں کہانِیاں توں لانبھے رہو۔ تے دِینداری لئی مشق کریا کر۔

۱-تِیمُتِھیُس 6:20

اَے تِیمُتِھیُس ایس امانت نُوں چنگی طرح رکھ۔ تے جیہڑے عِلم نُوں عِلم آکھنا ای نئیں چاہیدا۔ اوہدی واہیات بکواساں تے مخالفتاں اُتّے دھیان نا کر۔

۲-تِیمُتِھیُس 2:16

پر واہیات بکواس توں پرہیز کر۔ کیوں جو اجیہے بندے ہور وی بیدینی وِچ وَدھن گے۔

۲-تِیمُتِھیُس 3:2

پئی بندے خود غرض پَیسے دے پیارے شیخی مارن والے مغرُور بُرا آکھن والے ماں پئیو دے نافرمان ناشکرے تے ناپاک۔

طِطُس 1:10

کیوں جو بتھیرے لوک نافرمان تے بیُہودہ گلّاں کرن والے تے دھوکھے باز نیں خاص کر سُنت والیاں وِچوں۔

طِطُس 1:16

اوہ خُدا دی پچھان دا دعویٰ کر دے نیں۔ پر اپنے کمّاں نال اوہدا اِنکار کر دے نیں۔ کیوں جو اوہ مکرُوہ تے نافرمان نیں تے کِسے نیک کمّ دے لائق نئیں۔

طِطُس 1:6

جیہڑے بے الزام تے اِک زنانی دے گھر والے ہون۔ تے اوہناں دی اولاد اِیمان والی ہوئے تے بدچلنی تے سرکشی دے سبّب بدنام نا ہوئے۔

طِطُس 3:3

کیوں جو اسی وی پہلاں نادان۔ نافرمان۔ دھوکھا کھان والے تے بُریاں خواہشاں تے خُوشیاں دے غلام ساں۔ تے دُکھ۔ تے ساڑا کر دے ساں۔ نفرت دے لائق ساں تے آپو وِچ وَیر رکھدے ساں۔

عِبرانیوں 11:31

اِیمان دی راہِیں راحب کسبی نافرماناں نال ہلاک نا ہوئی۔ کیوں جو اوس جاسُوساں نُوں آرام نال رکھیا سی۔

عِبرانیوں 12:16

متے کوئی زنائی تے عیسَو وانگر بے دین ہوئے جِس اِک ڈنگ دے کھان بدلے اپنا پلیٹھی دا حق ویچ چھڈیا۔

۱-پطرس 2:7

سو تُہاڈے اِیمان لیاؤن والیاں لئی تے اوہ قِیمتی اے۔ پر نا مَنّن والیاں لئی اوہ پتّھر جِہنُوں راجاں نیں رَدّ کِیتا اوہ ای نُکّر دے سِرے دا پتّھر ہوگیا۔

۱-پطرس 3:20

جیہڑیاں اوس اگلے زمانے وِچ نافرمان سن۔ جدوں خُدا نُوح دے ویلے صبر کر کے اوڈِیکدا رہیا سی تے اوہ بیڑی تیار کِیتی جاندی سی جِہدے اُتّے سوار ہو کے تھوڑے جیہے بندے یعنی کُل اَٹھ جاناں پانی دی راہِیں بچِئیاں۔

۱-پطرس 4:18

جے راستباز بندے مَساں نجات پان گے تے بے دین تے گُنہگار کِتّھے کھلون گے۔

یہُوداہ 1:15

پئی سارے بندیاں دی عدالت کرے تے بے دِیناں نُوں اوہناں دی بے دِینی دے سارے کمّاں پِچّھے قصور وار ٹھہرائے جیہڑے اوہناں بے دِینی نال کِیتے نیں۔ تے اوہناں سارِیاں ڈاہڈِیاں گلّاں دے پِچّھے جیہڑیاں بے دِین گُناہِیاں اوہدے برخلاف کِیتیاں سن۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔

مُکاشفہ 22:15

پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔