۱-تِیمُتِھیُس 1:16 - پنجابی نواں عہد نامہ نظرثانی شدہ چھپائی

¹⁶ میرے اُتّے ایس لئی رَحم ہویا پئی یِسُوع مسِیح میرے سببّوں جیہڑا موہرلا ہاں سارا صبر وکھائے پئی جِنہاں لوکاں سدا دی زِندگی لئی اوہدے اُتّے اِیمان لیاؤنا اے اوہناں لئی مَیں نمونہ بناں۔

۱-تِیمُتِھیُس 1:16 Iomraidhean Croise

لُوقا 15:10

ایسے طرح مَیں تُہانوں آکھنا آں پئی خُدا دے فرِشتیاں دے اگّے اِک تَوبہ کرن والے گُنہگار دی بابت بُہت خُوشی ہوندی اے۔

لُوقا 23:43

یِسُوع اوہنوں آکھیا مَیں تینُوں سَچ آکھنا آں پئی اَج تُوں میرے نال بہشت وِچ ہوئیں گا۔

لُوقا 7:47

ایس لئی مَیں تینُوں آکھنا آں اوہدے گُناہ جیہڑے بُہت نیں مُعاف ہوئے۔ کیوں جو ایس وَدّھ پیار کِیتا۔ پر جِہدے تھوڑے مُعاف ہوئے اوہ تھوڑا پیار کر دا اے۔

یُوحنّا 20:31

پر ایہہ لِکھیاں گِئیاں نیں تاں جو تُسی اِیمان لیاؤ پئی یِسُوع جو اے اوہو مسِیح خُدا دا پُتر اے۔ تے اِیمان لیا کے اوہدے ناں توں تُہانوں زِندگی مِلے۔

یُوحنّا 3:36

جیہڑا پُتر اُتّے اِیمان لیاؤندا اے سدا دی زِندگی اوہدی اے۔ پر جیہڑا پُتر نُوں نئیں مَندا اوہ تے زِندگی نئیں ویکھے گا سگوں خُدا دا قَہر اوہدے اُتّے رہندا اے۔

یُوحنّا 5:24

مَیں تُہانوں سَچ سَچ آکھنا آں پئی اوہ جیہڑا میرا کلام سُندا اے تے اوہدے اُتّے جِس مَینُوں گھلّیا اے اِیمان لیاؤندا اے سدا دی زِندگی اوہدی اے۔ تے اوہ عدالت وِچ نئیں آؤندا سگوں مَوت توں لنگھ کے اوہ زِندگی وِچ جا اَپڑیا اے۔

یُوحنّا 6:37

سبھ کُجھ جو باپ مَینُوں دیندا اے میرے ولّ آوے گا تے جیہڑا میرے کول آؤندا اے اوہنوں مَیں کَدے وی باہر نا کڈھاں گا۔

یُوحنّا 6:40

کیوں جو میرے باپ دی ایہہ مرضی اے پئی جیہڑا پُتر نُوں ویکھدا اے تے اوہدے اُتّے اِیمان لیاؤندا اے سدا دی زِندگی اوہنوں مِلے۔ تے اخِیری دِن مَیں اوہنوں فیر زِندہ کراں گا۔

یُوحنّا 6:54

اوہ جیہڑا میرا گوشت کھاندا تے میرا لہو پَیندا اے سدا دی زِندگی اوہدی اے۔ تے اخِیری دِن مَیں اوہنوں زِندہ کراں گا

اعمال 13:39

تے اوسے دی راہِیں ہر اِک اِیماندار سارِیاں گلّاں توں بَری ہوندا اے۔ جِنہاں گلّاں توں مُوسیٰ دی شریعت نال تُسی بَری نئیں ہو سکدے سو۔

رُومِیوں 15:4

کیوں جو جو کُجھ اگّے لِکھیا گیا سی ساڈی تعلِیم دے لئی لِکھیا گیا۔ تے جو اسی صبر نال تے پاک کتاب دی تسلّی نال آس رکھیے۔

رُومِیوں 6:23

کیوں جو گُناہ دی مزدُوری مَوت اے۔ پر خُدا دی بخشِش ساڈے خُداوند یِسُوع مسِیح وِچ ہمیشہ دی زِندگی اے۔

۱-کُرِنتھِیوں 7:25

تے کوارِیاں لئی میرے کول خُداوند دا کوئی حُکم نئیں پر ایس کر کے۔ پئی میرے اُتّے دیانتدار ہون لئی اجیہا خُداوند ولّوں رَحم ہویا۔ مَیں ایہہ صلاح دینا آں۔

۲-کُرِنتھِیوں 4:1

سو جد ساڈے اُتّے اجیہا رَحم ہویا پئی سانُوں ایہہ خِدمت مِلی۔ تاں اسی ہِمّت نئیں ہار دے۔

اِفسِیوں 1:12

ایس کر کے پئی اسی جیہڑے پہلاں توں مسِیح دی آس وِچ ساں اوہدے جلال دی وڈیائی دا سبّب ہوئے۔

اِفسِیوں 1:6

تاں جو اوہدے اوس فضل دے جلال دی وڈیائی ہوئے جیہڑا اوس سانُوں اوس پیارے وِچ مُفت دِتّا۔

اِفسِیوں 2:7

ایس کر کے پئی اوہ آؤن والیاں زمانیاں وِچ اپنے فضل دی باہلی دَولت وکھائے جیہڑا مسِیح یِسُوع وِچ ساڈے اُتّے مِہربانی نال ہویا سی۔

۲-تھِسّلُنِیکوں 1:10

ایہہ اوس دِن ہوئے گا۔ جدوں اوہ اپنے پاک لوکاں وِچ جلال پان تے ساریاں اِیمان لیاؤن والیاں لئی اچرج دسن لئی آوے گا۔ کیوں جو تُساں ساڈی گواہی اُتّے اِیمان لیاندا۔

۱-تِیمُتِھیُس 1:13

بھانویں مَیں پہلاں کُفر آکھن والا تے ستان والا تے بے عِزّت کرن والا ساں تَد وی میرے اُتّے رَحم ہویا ایس واسطے پئی مَیں بے اِیمانی دی حالت وِچ نادانی نال ایہہ کمّ کِیتے سن۔

عِبرانیوں 7:25

ایس واسطے جیہڑے اوہدے راہِیں خُدا کول آوندے نیں اوہ اوہناں نُوں پُوری نجات دے سکدا اے۔ کیوں جو اوہ اوہناں دی سفارِش لئی ہمیشہ جِیوندا اے۔

۱-پطرس 3:20

جیہڑیاں اوس اگلے زمانے وِچ نافرمان سن۔ جدوں خُدا نُوح دے ویلے صبر کر کے اوڈِیکدا رہیا سی تے اوہ بیڑی تیار کِیتی جاندی سی جِہدے اُتّے سوار ہو کے تھوڑے جیہے بندے یعنی کُل اَٹھ جاناں پانی دی راہِیں بچِئیاں۔

۲-پطرس 3:15

تے ساڈے خُداوند دے صبر نُوں نجات سمجھو جیویں ساڈے پیارے بھرا پَولُس وی اوس حِکمت دے سببّوں جیہڑی اوہنوں مِلی تُہانوں لِکھیا اے۔

۲-پطرس 3:9

خُداوند اپنے وعدے وِچ چِر نئیں لاندا جیویں بعضے سمجھدے نیں۔ سگوں تُہاڈی بابت صبر کر دا اے۔ ایس لئی پئی اوہ کِسے دی ہلاکت نئیں چاہندا۔ سگوں ایہہ چاہندا اے۔ پئی سارے تَوبہ کرن۔