۱-تِیمُتِھیُس 1:1 - پنجابی نواں عہد نامہ نظرثانی شدہ چھپائی

¹ پَولُس ولّوں جیہڑا ساڈے نجات دین والے خُدا تے ساڈی آس۔ مسِیح یِسُوع دے حُکم نال مسِیح یِسُوع دا رسُول اے۔

۱-تِیمُتِھیُس 1:1 Iomraidhean Croise

لُوقا 1:47

تے میری رُوح میرے بچان والے خُدا توں خُوش ہوئی۔

لُوقا 2:11

پئی داؤد دے شہر وِچ اَج تُہاڈے لئی اِک نجات دین والا پَیدا ہویا اے جو مسِیح خُداوند اے۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 1:1

پَولُس ولّوں جیہڑا یِسُوع مسِیح دا غلام سدّیا ہویا رسُول تے خُدا دی خُوشخبری لئی وَکھ کِیتا گیا۔

۱-کُرِنتھِیوں 1:1

پَولُس ولّوں جیہڑا خُداوند دی مرضی نال یِسُوع مسِیح دا رسُول ہون لئی سدّیا گیا تے بھرا سوستِھینس ولّوں۔

۱-کُرِنتھِیوں 9:17

کیوں جو جے اپنی مرضی نال ایہہ کرنا آں۔ تے میرے لئی بدلہ اے تے جے اپنی مرضی نال نئیں کر دا۔ تے مُختیاری میرے سپُرد ہوئی اے۔

۲-کُرِنتھِیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ تے بھرا تِیمُتِھیُس ولّوں خُدا دی اوس کلِیسیا دے ناں جیہڑی کُرِنتِھس وِچ اے۔ تے کُل اَخیہ دے ساریاں پاک لوکاں دے ناں۔

گلتِیوں 1:1

پَولُس ولّوں جیہڑا نا بندیاں ولّوں تے نا بندیاں دی راہِیں پر یِسُوع مسِیح تے خُدا باپ ولّوں جِس اوہنوں مُردیاں وِچوں جوالیا رسُول اے۔

گلتِیوں 1:11

بھراؤ مَیں تُہانوں دس چھڈناں آں۔ پئی جیہڑی خُوشخبری مَیں تُہانوں سُنائی اوہ بندے وانگر نئیں۔

کُلُسِّیوں 1:27

جِنہاں اُتّے خُدا ظاہر کرنا چاہندا سی۔ پئی غیر قوماں وِچ اوس بھیت دے جلال دی دَولت کیہو جیہی اے۔ تے اوہ ایہہ اے۔ پئی مسِیح جیہڑا جلال دی آس اے۔ تُہاڈے وِچ رہندا اے۔

۲-تھِسّلُنِیکوں 2:16

ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔

۱-تِیمُتِھیُس 1:12

مَیں اپنے طاقت دِین والے مسِیح یِسُوع دا ایس لئی شُکر کرنا آں۔ پئی اوس مَینُوں دیانتدار جان کے اپنی سیوا لئی مُقرّر کِیتا۔

۱-تِیمُتِھیُس 2:3

ایہہ ساڈے نجات دین والے خُدا نُوں پسند تے چَنگا لگدا اے۔

۱-تِیمُتِھیُس 2:7

مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۱-تِیمُتِھیُس 4:10

کیوں جو اسی ایسے واسطے محنت تے جتن کرنے آں۔ پئی ساڈی آس اوس جِیوندے خُدا توں اے جیہڑا سارے بندیاں نُوں نجات دین والا اے۔ تے خاص کر اِیمان والیاں نُوں۔

طِطُس 1:3

پر اپنے ویلے سِر اپنے کلام نُوں اوس سنیہے وِچ اُگھیڑیا۔ جیہڑا ساڈے نجات دین والے خُدا دے حُکم دے سببّوں میرے سپُرد ہویا۔

طِطُس 2:10

چوری تے چالاکی نا کرن۔ سگوں پُوری دیانتداری نُوں چنگی طرح ظاہر کرن۔ پئی اوہ سارِیاں گلّاں وِچ ساڈے نجات دین والے خُدا دی تعلِیم نُوں سنگارن۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

طِطُس 3:4

پر جد ساڈے نجات دین والے خُدا دی مِہربانی تے بندیاں نال اوہدی مُحبّت دِس پئی۔

طِطُس 3:6

جِہنُوں اوس ساڈے نجات دین والے یِسُوع مسِیح دی راہِیں ساڈے اُتّے چوکھا ڈوہلیا۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

۱-پطرس 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس یِسُوع مسِیح دے مُردیاں وِچوں جی اُٹھن دا سبّب اپنی بڑی رحمت نال سانُوں زِندہ آس دین لئی نَوِیں سِریوں پَیدا کِیتا۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

۱-یُوحنّا 4:14

تے اساں ویکھ لیا اے تے گواہی دینے آں پئی باپ پُتر نُوں دُنیا دا نجات دین والا ہون واسطے گھلّیا۔

یہُوداہ 1:25

اوس اِکّو خُدا دا جیہڑا ساڈا نجات دین والا اے۔ ساڈے خُداوند یِسُوع مسِیح دی راہِیں جلال تے عِزّت تے حکُومت تے قُدرت مُڈھوں وی اے تے ہُن تے اوڑک تِیکر ہوئے۔ آمِین۔