۱-پطرس 4:8 - پنجابی نواں عہد نامہ نظرثانی شدہ چھپائی

⁸ ساریاں نالوں پہلاں ایہہ چنگی گلّ اے پئی آپو وِچ بڑی مُحبّت کرو۔ کیوں جو مُحبّت بُہتے گُناہاں اُتّے پردہ پا چھڈ دی اے۔

۱-پطرس 4:8 Iomraidhean Croise

کُلُسِّیوں 3:14

تے اوہناں ساریاں اُتّے مُحبّت پا لوؤ۔ کیوں جو اوہ کمال دی پیٹی اے۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

یعقُوب 5:20

تے اوہ ایہہ جانے پئی جیہڑا کِسے گُناہی نُوں اوہدے گُھس جان توں فیر لیاوے گا۔ اوہ اِک جان نُوں مَوت توں بچائے گا۔ تے بتھیرے گُناہاں اُتّے پردہ پائے گا۔

۱-کُرِنتھِیوں 13:1

جے مَیں بندیاں تے فرِشتیاں دِیاں زباناں بولاں تے مُحبّت نا رکھاں تے کھڑکھڑ کرن والا پِتّل تے چَھن کن والی کھڑتال آں۔

۱-تھِسّلُنِیکوں 3:12

تے خُداوند کرے پئی جیویں سانُوں تُہاڈے نال مُحبّت اے اوسے طرح تُہاڈی مُحبّت وی آپو وِچ تے ساریاں بندیاں نال بُہتی ہوئے۔ تے وَدھے۔

عِبرانیوں 13:1

بھراواں نال مُحبّت قیم رکھو۔

۱-تِیمُتِھیُس 1:5

حُکم دا مطلب ایہہ اے پئی پاک دِلی تے نیک نِیتی تے سَچّے اِیمان نال مُحبّت ہوئے

۲-تھِسّلُنِیکوں 1:3

بھراؤ! تُہاڈے ولّوں ہر ویلے خُدا دا شُکر کرنا ساڈے اُتّے فرض اے تے چاہیدا وی اے۔ کیوں جو تُہاڈا اِیمان بُہت وَدھدا جاندا اے۔ تے تُہاڈی ساریاں دی مُحبّت آپو وِچ بُہت وَدّھدِی جاندی اے۔

۳-یُوحنّا 1:2

پیارے۔ مَیں ایہہ دُعا کرنا آں پئی جیویں تُوں رُوحانی ترقی کرنا ایں اوسے طرح تُوں سارِیاں گلّاں وِچ ترقی کریں تے تگڑا رہَیں۔

یعقُوب 5:12

پر میرے بھراؤ! ساریاں توں وَدّھ کے ایہہ اے۔ پئی سَونہہ نا کھاؤ۔ نا اسمان دی نا زمین دی نا کِسے ہور شے دی۔ سگوں ہاں دے تھاں ہاں کرو۔ تے نا دے تھاں نا۔ تاں جو سزا دے لائق نا ہوؤ۔

۱-کُرِنتھِیوں 13:4

مُحبّت صبر کرن والی اے۔ تے مہربان اے۔ مُحبّت وِچ ساڑا نئیں۔ مُحبّت شیخی نئیں مار دی تے پُھلدی نئیں۔