۱-پطرس 1:4 - پنجابی نواں عہد نامہ نظرثانی شدہ چھپائی

⁴ پئی اِک وِرثہ جیہڑی نا ناس ہون والی نا نُقص والی تے نا کُملان والی اے۔

۱-پطرس 1:4 Iomraidhean Croise

متّی 25:34

تَد بادشاہ اپنے سَجّے پاسے والیاں نُوں آکھے گا اَے میرے باپ دے مُبارک لوکو آؤ۔ اوس بادشاہی دے وارث بنو جیہڑی دُنیا دے مُڈھوں ای تُہاڈے لئی تیار کِیتی گئی سی۔

مرقس 10:17

تے جد اوہ راہ وِچ لگا جاندا سی اِک بندہ اوہدے کول آیا۔ تے اوہدے اگّے گوڈے نواکے اوہنوں پُچھیا اَے نیک اُستاد مَیں کِیہ کراں پئی ہمیشہ دی زِندگی دا وارث ہوواں؟

اعمال 20:32

تے ہُن مَیں تُہانوں خُدا تے اوہدے کرم دے کلام دے سپُرد کرنا آں۔ کیوں جو اوہدے وِچ طاقت اے۔ پئی تُہانوں وَدھاوے تے سارے پاک لوکاں دے وِچ وِرثہ بخشے۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

رُومِیوں 8:17

تے جد بچّے ہوئے تے وارث وی یعنی وارث خُدا دے۔ تے وِرثے وِچ مسِیح نال شریک ایس شرط اُتّے پئی اسی اوہدے نال دُکھ وِچ بھوگِیئے پئی اوہدے نال سانُوں وی جلال لَبھّے۔

۱-کُرِنتھِیوں 9:25

تے ہر اِک پہلوان سبھ طرح دا پرہیز کر دا اے۔ اوہ لوک تے کُملان والا سِہرا لین لئی ایہہ کر دے نیں۔ پر اسی اوس سِہرے لئی کرنے آں۔ جیہڑا کُملاؤندا نئیں۔

گلتِیوں 3:18

کیوں جو جے وِرثہ شریعت دے سببّوں مِلدی اے۔ فیر وعدے دے سببّوں تے نا ہوئی۔ ابرہام نُوں خُدا وعدے دے سببّوں ای دِتّی۔

اِفسِیوں 1:11

اوسے وِچ اسی وی اوسے اِرادے دے سببّوں جیہڑا اپنی مرضی دی صلاح نال سبھ کُجھ کر دا اے۔ مُڈھوں ای مُقرّر ہو کے وِرثہ بنے۔

اِفسِیوں 1:14

اوہ ای خُدا دی ملکیّت دی رہائی واسطے ساڈے وِرثے دی سائی اے۔ تاں جو اوہدے جلال دی وڈیائی ہوئے۔

اِفسِیوں 1:18

تے تُہاڈے دِل دِیاں اَکھّیاں سوجاکھِیاں ہو جان۔ تاں جو تُہانوں پتا لگّے۔ پئی اوہدے سَدّن توں کیہو جیہی آس اے۔ تے اوہدی میراث دے جلال دی دَولت پاک لوکاں وِچ کیڈی کُو اے۔

کُلُسِّیوں 1:12

تے باپ دا شُکر کر دے رہو۔ جِس سانُوں ایس لائق کِیتا پئی چانن وِچ پاک لوکاں دے وِرثے دا حِصّہ پایئے۔

کُلُسِّیوں 1:5

اوس آس کِیتی ہوئی شے دے سببّوں جیہڑی تُہاڈے واسطے اسمان اُتّے رکھی ہوئی اے۔ جِہدا ذِکر تُساں اوس خُوشخبری دے سَچّے کلام وِچ سُنیا اے۔

کُلُسِّیوں 3:24

کیوں جو تُسی جان دے ہو پئی خُداوند ولّوں تُہانوں اوہدے بدلے وِرثہ مِلے گی۔ خُداوند مسِیح دی سیوا کرو۔

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

عِبرانیوں 10:34

تے تُساں قیدِیاں دا ورد کِیتا تے اپنے مال دا لُٹیا جانا وی خُوشی نال سہہ لیا۔ ایہہ جان کے پئی ساڈے کول ایدوں چنگی ملکیّت اے جیہڑی اوڑک تِیکر رہے گی۔

عِبرانیوں 9:15

تے ایسے سبّب اوہ نَوِیں عہد دا وچولا اے۔ تاں جو اوس مَوت دی راہِیں جو پہلے عہد دے قصوراں دی مُعافی لئی ہوئی اے۔ سَدّے ہوئے لوک وعدے دے سببّوں سدا دی وِرثہ پا لین۔

یعقُوب 1:11

کیوں جو سُورج چڑھدیاں ای لو وَگن لگدی اے۔ تے گھاہ نُوں سُکّا دیندی اے۔ تے اوہدا پَھل ڈِگّ پَیندا اے تے اوہدا رُوپ جاندا رہندا اے۔ ایسے طرح دَولتمند وی اپنے راہاں وِچ ٹُردیاں ٹُردیاں مِٹّی وِچ رَل جائے گا۔

۱-پطرس 3:9

بدی دے بدلے بدی نا کرو۔ تے گال دے بدلے گال نا دیو۔ سگوں برکت منگو۔ کیوں جو تُسی برکت دے وارث ہون لئی سَدّے گئے ہو۔

۱-پطرس 5:4

تے جدوں وَڈا آجڑی ظاہر ہوئے گا۔ تے تُہانوں جلال دا اجیہا سِہرا مِلے گا جیہڑا کُملاؤندا نئیں۔

مُکاشفہ 21:27

تے اوہدے وِچ کوئی پلِیت شے یا کوئی جَنا جیہڑا گندا کمّ کر دا یا جُھوٹھیاں گلّاں گھڑدا اے۔ کدی داخل نا ہوئے گا۔ سگوں اوہ ای داخل ہون گے جِنہاں دے ناں لیلے دی زِندگی دی کتاب وِچ لِکھے ہوئے نیں۔