۱-پطرس 1:3 - پنجابی نواں عہد نامہ نظرثانی شدہ چھپائی

³ ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس یِسُوع مسِیح دے مُردیاں وِچوں جی اُٹھن دا سبّب اپنی بڑی رحمت نال سانُوں زِندہ آس دین لئی نَوِیں سِریوں پَیدا کِیتا۔

۱-پطرس 1:3 Iomraidhean Croise

یُوحنّا 1:13

اوہ نا لہو توں نا بدن دی چاہ توں نا اِنسان دی چاہ توں پر خُدا توں پَیدا ہوئے سن۔

رُومِیوں 12:12

آس وِچ خُوش رہو۔ تنگی وِچ صبر کرو۔ دُعا منگن وِچ لگّے رہو۔

رُومِیوں 15:13

ہُن اوس آس دا خُدا تُہاڈے اِیمان لیاؤن دے سبّب ساری خُوشی تے چَین نال تُہانوں بھر دیوے تاں جو تُسی پاک رُوح دی قُدرت نال آس وِچ وَدھدے جاؤ۔

رُومِیوں 4:25

جیہڑا ساڈیاں قصوراں دے لئی حوالے کِیتا گیا۔ تے سانُوں راستباز ٹھہران لئی جوایا گیا۔

رُومِیوں 5:10

کیوں جو جے اسی وَیری ہو کے خُدا نال اوہدے پُتر دی مَوت دی راہِیں مِلائے گئے تے ہُن جد میل ہوگیا اسی اوہدی زِندگی وِچ ضرُور ای بچائے جاواں گے۔

رُومِیوں 8:11

پر جے اوہدا رُوح جِس یِسُوع نُوں مُردیاں وِچوں جوالیا تُہاڈے وِچ وَسدا اے تے اوہ جِس مسِیح یِسُوع نُوں مُردیاں وِچوں جوالیا تُہاڈیاں مرن والیاں بدناں نُوں وی اپنے رُوح دی راہِیں جیہڑا تُہاڈے وِچ وَسدا اے جوا لے گا۔

رُومِیوں 8:24

پئی اسی تے آس نال بچ گئے ساں۔ پر اوہ آس جیہڑی دِسدی اے آس نا رہی کیوں جو جیہڑی شے نظر آوے اوہدی کون آس رکھّے؟

۱-کُرِنتھِیوں 13:13

سو اِیمان اُمّید مُحبّت تِنّے سدا رہن والِیاں نیں پر اوہناں وِچوں وَدّھیا مُحبّت اے۔

۱-کُرِنتھِیوں 15:20

پر سَچ مُچ مسِیح تے مُردیاں وِچوں جی اُٹھیا اے تے اوہناں وِچوں جیہڑے سَوں گئے نیں پہلا پَھل ہویا۔

۲-کُرِنتھِیوں 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے جیہڑا رحمتاں دا باپ تے ہر طرح دی تسلّی دا خُدا اے۔

گلتِیوں 6:16

تے جِنّے ایس قاعدے اُتّے ٹُرن اوہناں اُتّے تے خُدا دے اِسرائیل اُتّے تسلّی تے رَحم ہوئے۔

اِفسِیوں 1:17

پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔

اِفسِیوں 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس سانُوں مسِیح وِچ اسمانی تھانواں اُتّے ہر طرح دی رُوحانی برکت دِتّی۔

اِفسِیوں 1:7

اسی اوہدے وِچ اوہدے خُون دی راہِیں رہائی یعنی قصوراں دی مُعافی پانے آں۔ اوہدے اوس فضل دی دَولت دے سببّوں۔

اِفسِیوں 2:4

پر خُدا اپنے رَحم دی دَولت نال اوس وڈّی مُحبّت دے سببّوں جیہڑی اوس ساڈے نال کِیتی۔

اِفسِیوں 3:20

ہُن جیہڑا اِنج قُدرت والا اے۔ پئی اوس قُدرت دے سببّوں جیہڑی ساڈے وِچ اثر کر دی اے۔ ساڈی درخواست تے خیال توں بُہت وَدّھ کر سکدا اے۔

کُلُسِّیوں 1:23

ایس شرط نال پئی تُسی اِیمان دی نِینّھ اُتّے قیم تے پکّے رہو۔ تے اوس خُوشخبری دی آس نُوں جِہنُوں تُساں سُنیا اے۔ نا چھڈو۔ جِہدی منادی اسمان دے ہیٹھ ساری خلقت وِچ کِیتی گئی۔ تے مَیں پَولُس اوسے دا نوکر بنیاں۔

کُلُسِّیوں 1:27

جِنہاں اُتّے خُدا ظاہر کرنا چاہندا سی۔ پئی غیر قوماں وِچ اوس بھیت دے جلال دی دَولت کیہو جیہی اے۔ تے اوہ ایہہ اے۔ پئی مسِیح جیہڑا جلال دی آس اے۔ تُہاڈے وِچ رہندا اے۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۱-تھِسّلُنِیکوں 4:13

پر بھراؤ! اسی نئیں چاہندے۔ پئی تُسی اوہناں ولّوں نا واقف رہو۔ جیہڑے سَوں جاندے نیں۔ تاں جو تُسی ہورناں وانگر جیہڑے نا آس نیں غم نا کرو۔

۲-تھِسّلُنِیکوں 2:16

ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔

۱-تِیمُتِھیُس 1:14

تے ساڈے خُداوند دا فضل اوس اِیمان تے پیار دی راہِیں جیہڑا مسِیح یِسُوع وِچ اے بُہت وَدّھ کے ہویا۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 3:6

پر مسِیح پُتر وانگر اوہدے سارے گھر دا مُختِیار اے۔ تے اوہدا گھر اسی آں۔ پر ایہہ شرط اے۔ پئی اپنی دلیری تے آس دا فخر اوڑک تِیکر قیم رکھیے۔

یعقُوب 1:18

اوس اپنی مرضی نال سَچّے کلام دی راہِیں سانُوں پَیدا کِیتا تاں جو اوہدی خلقت وِچوں اِک طرح دے پہلے پَھل ہوئیے۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

۱-پطرس 1:23

کیوں جو تُسی جِسمانی تُخم توں نئیں۔ سگوں رُوحانی توں۔ خُدا دے کلام دی راہِیں جیہڑا جِیوندا تے قیم اے نَوِیں سِریوں جمّے ہو۔

۱-پطرس 2:2

نَوِیں جمّیاں ہویاں بچّیاں وانگر کلام دے نَروَیر رُوحانی دُدّھ دی چاہ رکھو۔ پئی اوہدی راہِیں نجات پان لئی وَدھدے جاؤ۔

۱-پطرس 3:15

سگوں مسِیح نُوں خُداوند جان کے اپنے دِلاں وِچ پاک سمجھو۔ تے جیہڑا تُہاڈے کولوں تُہاڈی آس دا سبّب پُچھے اوہدا جواب دین لئی ہر ویلے تیار رہو پر حلِیمی تے خَوف نال۔

۱-پطرس 3:21

تے ٹھیک اوسے پانی وانگر بپتِسمہ وی یِسُوع مسِیح دے جی اُٹھن دی راہِیں ہُن تُہانوں بچاندا اے۔ اوہدے توں جِسم دی مَیل دُور کرنا نئیں پر چنگی نِیّت نال خُدا دا طالب ہونا مُراد اے۔

۱-پطرس 3:5

تے پِچّھلے زمانے وِچ وی خُدا اُتّے آس رکھن والِیاں پاک زنانِیاں اپنے آپ نُوں ایسے طرح سنگار دِیاں تے اپنے اپنے گھر والیاں دے حُکم وِچ رہندیاں سن۔

۱-یُوحنّا 2:29

جے تُسی ایہہ جان دے ہو۔ پئی اوہ راستباز اے تے ایہہ وی جان دے ہو۔ پئی جیہڑا راستبازی کر دا اے۔ اوہ اوہدے توں جمّیا اے۔

۱-یُوحنّا 3:3

تے جیہڑا اوہدے توں ایہہ آس رکھدا اے اپنے آپ نُوں تِہا ای پاک کر دا اے۔ جِہیو جِہیا اوہ پاک اے۔

۱-یُوحنّا 3:9

جیہڑا خُدا توں جمّیا اے۔ اوہ گُناہ نئیں کر دا۔ کیوں جو اوہدا بی اوہدے وِچ رہندا اے سگوں اوہ گُناہ کر ای نئیں سکدا کیوں جو اوہ خُدا توں جمّیا ہویا اے۔

۱-یُوحنّا 4:7

پیاریو! اسی اِک دُوجے نُوں مُحبّت کریئے۔ کیوں جو مُحبّت خُدا ولّوں اے تے جیہڑا مُحبّت کر دا اے اوہ خُدا توں جمّیا اے تے خُدا نُوں جان دا اے۔

۱-یُوحنّا 5:1

جِہدا اِیمان اے۔ پئی یِسُوع ای مسِیح اے۔ اوہ خُدا توں جمّیا اے۔ تے جیہڑا کوئی جمان والے نال مُحبّت کر دا اے۔ اوہ اوہدے جمّیاں نال وی مُحبّت کر دا اے۔

۱-یُوحنّا 5:18

اسی جاننے آں پئی جیہڑا خُدا توں جمّیا اے اوہ گُناہ نئیں کر دا سگوں اوہدی راکھی اوہ کر دا اے۔ جیہڑا خُدا توں جمّیا اے۔ تے اوہ شریر اوہنوں نئیں چھوندا۔

۱-یُوحنّا 5:4

جیہڑا خُدا توں جمّیا ہویا اے اوہ دُنیا نُوں جِت لَیندا اے۔ تے اوہ فتح جِہدے نال دُنیا جِتّی گئی اے ساڈا اِیمان اے۔