۱-پطرس 1:1 - پنجابی نواں عہد نامہ نظرثانی شدہ چھپائی

¹ یِسُوع مسِیح دے رسُول پطرس ولّوں اوہناں کھِلّرے ہوئے پردیسیاں نُوں جیہڑے پُنطُس۔ گلِتیہ۔ کَپّدُکیہ۔ آسِیہ تے بتُھنیہ وِچ نیں۔

۱-پطرس 1:1 Iomraidhean Croise

متّی 10:2

تے باراں رسُولاں دے نال ایہہ نیں۔ پہلا شمعُون جیہڑا پطرس اکھواؤندا اے۔ تے اندریاس اوہدا بھرا۔ زبدی دا پُتر یعقُوب تے یُوحنّا اوہدا بھرا۔

متّی 24:22

تے جے اوہ دِن گھٹائے نا جاندے تے اِک جی وی نا بچدا پر چُنیاں ہویاں دی خاطر اوہ دِن گھٹائے جان گے۔

متّی 4:18

تے گلِیل دے سمُندر دے کنڈھے پِھردیاں ہویاں اوس دو بھراواں نُوں اِک شمعُون جیہڑا پطرس اکھواؤندا ایہہ تے اوہدے بھرا اندریاس نُوں سمُندر وِچ جال پاندیاں ویکھیا۔ کیوں جو اوہ مچھّیاں پھڑن والے سن۔

لُوقا 18:7

خُدا اپنے چُنیاں ہویاں لوکاں دا جیہڑے دِنیں راتِیں اوہنوں فریاد کر دے نیں نیاں نا کرے گا؟ کِیہ اوہ اوہناں دا چوکھا چِر لاؤندا اے؟

یُوحنّا 11:52

تے صرف اوس قوم دے بدلے نئیں۔ پر ایس گلّے وی پئی خُدا دے پُتراں نُوں جیہڑے کھِلّرے پُلّرے نیں اکٹّھیاں کر کے اِک بنا دے۔

یُوحنّا 7:35

تَد یہُودی آپو وِچ آکھن لگّے پئی اوہ کِتّھے جائے گا۔ پئی اسی اوہنوں نا لَبّھ سَکاں گے۔ اوہ اوہناں کول جائے گا جیہڑے یُونانِیاں وِچ کھِلّرے ہوئے نیں۔ تے یُونانِیاں نُوں سکھالے گا؟

اعمال 18:2

تے اوتھے اَکوِلہ کر کے اِک یہُودی اوہنوں مِلیا۔ جِہدا جنم پُنطُس دا سی۔ تے تھوڑا چِر ہویا پئی اوہ اپنی بیوی پرسِکّلہ دے نال اِطالِیہ توں آیا سی کیوں جو کلَودِیُس نے حُکم دِتّا سی پئی سارے یہُودی رُومہ توں ٹُر جان۔ سو اوہ اوہناں دے کول گیا۔

اعمال 18:23

تے کُجھ چِر اوتھے رہ کے ٹُر پیا۔ تے گلِتیہ تے فرُوگیہ دے دیس وِچ دی لنگھدیاں ہویاں ساریاں شاگِرداں نُوں تگڑا کر دا گیا۔

اعمال 19:10

ایہہ دو ورھیاں تِیکر ہوندا رہیا۔ ایتھوں توڑی پئی آسِیہ دے سارے رہن والیاں نیں یہُودِیاں تے یُونانِیاں نیں وی خُداوند دا کلام سُنیا۔

اعمال 6:9

تَد اوس جماعت وِچوں جیہڑی لِبرتیِنیاں دی اکھواؤندی اے۔ تے کُرینی تے اِسکندریہ دے لوکاں وِچوں۔ تے اوہنوں وِچوں وی جیہڑے کِلِکیہ تے آسِیہ توں آئے ہوئے سن۔ کئی بندے اُٹھ کے ستِفنُس نال بحث کرن لگّے۔

اعمال 8:4

سو اوہ جیہڑے کھِلّر گئے سن کلام دی خُوشخبری سُناندے پِھرے۔

۱-کُرِنتھِیوں 16:19

آسِیہ دِیاں کلِیسیاواں تُہانوں سلام آکھدیاں نیں اَکوِلہ تے پرسِکّلہ اوس کلِیسیا سَنے جیہڑی اوہناں دے گھر وِچ اے۔ تُہانوں خُداوند وِچ بُہت بُہت سلام آکھدے نیں۔

۲-کُرِنتھِیوں 1:8

بھراؤ! اسی نئیں چاہندے پئی تُسی اوس مُصِیبت توں ناواقِف رہو۔ جیہڑی آسِیہ وِچ ساڈے اُتّے پئی۔ تے اسی حدّوں وَدّھ تے طاقتوں باہر تنگ ہوگئے۔ ایتھوں توڑی پئی اساں اپنی جانوں وی ہتّھ دھوئے۔

گلتِیوں 1:2

تے ساریاں بھراواں ولّوں جیہڑے میرے نال ہَین گلِتیہ دِیاں کلِیسیاواں دے ناں۔

اِفسِیوں 2:12

اگلے زمانے وِچ مسِیح توں وکھرے تے اِسرائیل دی بادشاہی وِچوں خارج تے ایہناں دے وعدے والے عَہداں توں ناواقِف سو تے نااُمید تے دُنیا وِچ بے خُدا سو۔

اِفسِیوں 2:19

سو ہُن تُسی پردیسی تے راہی نئیں۔ سگوں پاک لوکاں دے وطنی تے خُدا دے ٹبّر دے اوہ۔

۲-تِیمُتِھیُس 1:15

تے تُوں ایہہ جاننا ایں پئی آسِیہ دے سارے لوک میرے ولّوں پھر گئے جِنہاں وِچوں فُوگلُس تے ہرمُگِنیُس نیں۔

عِبرانیوں 11:13

ایہہ سارے اِیمان وِچ مر گئے تے وعدے دِیاں شیواں نئیں ساں لَیاں سگوں دُوروں ای ویکھ کے اوہناں نُوں چاء چڑھیا تے مَن لیا پئی اسی دُنیا اُتّے پردیسی تے راہی آں۔

یعقُوب 1:1

خُدا دے تے خُداوند یِسُوع مسِیح دے غلام یعقُوب ولّوں اوہناں باراں قبیلیاں نُوں جیہڑے تھائِیں تھائِیں رہندے نیں سلام۔

۱-پطرس 2:11

پیاریو مَیں تُہاڈی مِنّت کرنا آں۔ پئی تُسی اپنے آپ نُوں پردیسی تے مُسافر جان کے اوہناں جِسم دِیاں خواہشاں توں بچے رہو جیہڑیاں رُوح نال لڑائی رکھدیاں نیں۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

مُکاشفہ 1:11

پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔