Lucas 16:2 - Deus Athi Kapapirani Hida

² Hari. Oniaroa, ka'da'dia bihonariaha ada kidihonai abono khana. Bini'aha: “Vahoariha vara ira vavani'avini kodijiniro-ra inakavithimavini-ra vakahivini. Ni-iakadava'ajahakiki ida kodijiniro. Inajiri bana ida papira, va'ora oogara kaimoni adani ija'ari kodijiniro-ra variha'iki. Jiniro abosiriki kapapirani-ra onokivini naothinia, ni-onofijanaki ida kodihonai abono ihini.” Niha ada ka'da'di.

Lucas 16:2 Iomraidhean Croise

Mateus 12:36

—Deus ija'ari-ra nasohivini kamahini, Deua binava'ihokiki bana ida ija'ari hahavi afohanana varani jaharikia vakavaraninanaki. Deu-ra vananamithavini hiki bana ida varani hahavia vakavarani'ina.

Mateus 20:8

Hari. Mithani vani ka'da'dia bini'aha ada kidisiroi akadava'ava abono: “Va'ora baranaha adani honai abono mahija va'ora inaabosivini vakadibadani abosinia. Va'ora naabosi'imidia adani makhira kodisiroia avikhaki safini ajorana. Safini aadosina vakadibadani kama'daki maina-ra va'ora naabosi bana. Safini khanomananina vakadibadani kama'daki maina-ra va'ora naabosi bana. Va'ora naabosisiaga adani mahi oadani bada vakhaniki.” Niha ada ka'da'di. Oniaroa, siroi avakadava'ava abonoa binaabaki ida athi.

Lucas 12:20

Oniaroa, Deua bini'aha: “Iva'ini bajadidi'oamanija! Ikava'ibodivaranika'oaki ida kadanahina ahapini. Hihida joma iabiniki bana i. Ni-ivahojajanaki bana ida kadanahina inaibavijahajahaki'iki. Hoariha gahinani hiki bana ida kadanahina.”

Lucas 12:42

Oniaroa, Jesua bigathani'ihi ida kidina'dohi: —A'onivani honai abono jahaki fori vihi'a bana! Hovani honai abono kaka'da'di fori ohiki ho. Vara a'onira oni'avini hiki bana ada honai abono ogahaki, kidika'da'di athi-ra naabaki ada. Kidika'da'dia bihonariaha: “Iakadava'a bana hida ogorana. Va'ora no'a bana adani kodihonai abono vahoariha vakadi'baia mahi hahavi.” Niha ada ka'da'di. Ajihi'aha.

Lucas 16:1

Hari. Oniaroa, Jesus va'ora vara ni'aha adani kidipohi rajomi kavaranihia: —Hojaki ada ka'da'di kanahina'ahapikiki. Hojaki jaboni ada ka'da'di kahonai abono, ovaria biakadava'ahahavi'iki ida kidika'da'di kanahina, inisika hiki. Hari. Ija'ari vahoariha vani'aha ada ka'da'di: “Kadahonai abonoa binakavithimaki ida kadajiniro.”

Lucas 16:3

Hari, honai abonoa bikava'ibodivarani'ihi ida kidika'da'di athi. Abono-ra ni'aha: “Kodika'da'dia ni-binofijanaki ida kidinahina oakadava'avini. Niha oniki koda ho? Odanorina mani ida badani khanaki-ra okaabokaravini hija. Ni-okaabokaki ida nami khorahani kabadanihi. Vahoariha vakadiania jiniro-ra okanikhariavini ova'i-ra anaipahihiki bana ho. Niha oniki koda ho?

Romanos 14:12

Harivani afohahavi Deu-ra ananamithavini hiki bana ida afohanana akadivarani, akadibadani, akadihojai hiki niha ninini.

1 Coríntios 1:11

Oigamina, Cloe gorana kaija'arini hora vakanamonivini hi'iki ida avaabononi avarakanaathidanoararikhamavini.

1 Coríntios 4:2

Ija'aria vanokivini vanofiki ida honai abono vakaijokavahaki kidika'da'di kabadania kabadanijahakini.

1 Coríntios 4:5

Akadika'da'di Jesus joina viahania hari'a vara vavani'ajora ida honai abono kabadani asohiki asohirikia kabadanina. Anokhava ida joina kamahini aogaja kaimoni. Ovaria binanokiaki bana ida ija'ari vakadiva'ibodivarani ahojaki, nahina ija'aria bikava'inofinofiki va'ini bodinia. Binanokiaki jaboni ida nahina kaimoni Deus kabadania kabadanini. Oniania, Deus vania vara bini'aja bana ida kidija'ari afohanana. Kidibadani jahahi; bivajahavini bikahihi.

2 Coríntios 5:10

Harivani afohahavi arihojaki bana Cristo viaha afohanana, haria nava'isohira kaimoni akadihojai abosinia. Asohihi ida akadibadani araboa arihojana oadani; agathanihi ida abosini jahaki. Asohirihi ida akadibadani; agathaniki ida abosini nahina jaharikia. Asohika'oaki ida niha ninini Cristo haria naabosivini.

1 Timóteo 4:14

'Bo'dakari Deus athi namoniva abonoa vara vavani'a'iki ida varani ihini, Jesus kaija'ari vanava'isohiva abono i'da'dini a'ani namania vasa'a-ra vakanaibavi'iki i jaboni. Jesus varani hina-ra iananamithaonivini ira avanahoarihavini hiki, oniani ida Deus ira no'avini hija kidi'ogahai danoki bada ini'aja kaimoni ida Deua binofiki. Hari'a bana ikava'ipahini ida Deus ka'ogahai danoki.

1 Timóteo 5:24

Nokiaki ida Jahari kabadani ija'ari vahoarahanana vakadibadani hiki. Deus ija'ari kahojai-ra naabosivini kamahini viahania nokiajahakiki ida vakadihojai asohiriki. Ahojaki ida ija'ari vahoariha vakadihojai asohiriki. Ni-nahina biogaki kaho. Deus ija'ari kahojai-ra naabosivini kamahini, bona, nokiaki bana ida vakadihojai asohiriki, ni-ahojajanaki.

1 Pedro 4:10

Arigamina, Deus a'onira no'avini hi'iki ida kidi'ogahai danoki pa'itxi hoarahanana. A'onira ohonariavini hiki ida ogahai danokia avakabadanihananani afojahaki, vahoariha-ra va'ora avakajoamoraja kaimoni.

1 Pedro 4:5

Hari. Vakava'ihoki bana ida namithaki kaimoni vakadiania, Deus ija'ari vahokiki, ija'ari vaabini'iki vihiki-ra naabosivini kamahini. Deu-ra vananamithavini hiki bana ida afohanana vakadivarani, vakadibadani, vakadihojai hiki niha ninini, naothinia vagathaniki bana ida nahina jahariki, vakadihojai asohiriki abosini.

Apocalipse 20:12

Oniaroa, va'ora onokiki jaboni adani ija'ari kohana. Ka'da'di vihiki, ka'da'di vihiriki jaboni, Deus kavithi ibavini viahania vigaakosoana afohanana. Oniaroa, Deus ibavi kaija'arinia biarabikhaihi ida ija'ari onini kapapirani ipohiki. Deua binajiri'iki ida ija'ari mahi anokhomirikia gahinaki kidiania vaonina kapapirani. Deus ibavi kaija'arinia biarabikhaihi ida papira hoariha. Papira jiriki kania hoja'iki ida ija'ari vakadihojai, vakadivarani, vakadibadani hiki hahavi vanamonaha'iki vaabinirina oadani, oniani ida hojai abosini-ra vagathanihananavini hija.