Filemon 1:4 - Deus Athi Kapapirani Hida

^4-5 Oigamina Filemom, ira onakaidivaki ho. Deu-ra vara oni'abakhiavini vani ira okava'ibodivarani'iki i. Deu-ra oni'aki: —Deus, ivani ijahaki i. Ikajoamorajahakiki ada oigamina Filemom. Okamitha'iki ida varani hina, kadaija'ari hahavi-ra va'ora nofijahakivini, bivakaijokajahakiki ada Jesus Cristo.

Filemon 1:4 Iomraidhean Croise

Romanos 1:8

Hari. A'onira onava'isohi'imidiavini hiki hida kodivarani Deu-ra vara oni'avini hiki. Jesus Cristo hora kakodiavini mani ida Deu-ra khai oni'avini hija. Khai oni'abakhiaki ida a'onira kajoamorajahakivini. Arabo ipohiki kaija'arinia vakamitha'iki ida Jesu-ra avavakaijoka'avini kavaranihi afojahaki, oniani ida khai hora ni'aja.

Eféios 1:16

Varani avihini-ra okamithavini vani Deu-ra vara oni'abakhiaja: —Deus, jahaki ida va'ora ikajoamoravini adani kadaija'ari Éfeso sidajia vahojaki — onibakhia'iki ho. Mahi hahavi Deu-ra okanikhariabakhia'iki ho avakadimoni.

Filipenses 1:3

A'onira okava'ibodivaranibakhiavini vani Deu-ra oni'abakhiaja: —Jahaki ida kadaija'ari Filipos sidajia vahojaki-ra va'ora ikajoamorabakhiavini — onibakhiaki ho.

Colossenses 1:3

Deu-ra vara ani'abakhiavini avakadimoni. Ani'aha: —Deus, ivani ijahaki i, va'ora ikajoamorajahakiki adani arigamina Colossos sidajia vahojaki — akhanihi. Akadika'da'di Jesus Cristo kaabi'i ada Deus. Akamitha'iki ida varani avihini Jesus Cristo-ra avavakaijokajahakivini, athi avanaabavini, va'ora avanakaidivavini jaboni adani Deus kaija'ari hahavi.

1 Tessalonicenses 1:2

Deu-ra vara ani'abakhia'iki hari avakadimoni: —Deus, ivani ijahaki i. Va'ora ikajoamorajahaki'iki adani arigamina Tessalônica sidajia vahojaki. Khai haria ni'aki ida ira vanofijahakivini. Va'ora kajoamora afo'iana bana — Deu-ra ani'abakhia'iki hari.

2 Tesssalonicenses 1:3

Arigamina, avava'ini bodini oavania avijavaja ida Deu-ra avavakaijokavini, avijavaki jaboni ida avaabononi avakanakaidivakhamavini. Nimania ida Deus a'onira kajoamorajahakivini afoha'oadaha, oniani ida Deu-ra ani'abakhiavini-ra najahaja: —Deus, avajahaki ida arigamina Tessalônica sidajia vahojaki-ra va'ora ikajoamorajahakivini — akhanibakhiaki hari.

2 Timóteo 1:3

Khai oni'abakhiaha ada Deus. Ni-hojaki ida nahina asohiriki ova'i kaabanahahani kania. Niki vania ohojana Deus hora honariavini hikia okabadanibakhiaja. Vakhanimanira adani jaboni kodija'ari avikhananavaki. Joma, mahi hikia Deu-ra vara oni'abakhia'iki ho: —Deus, ivani ijahaki i, Timóteo-ra ikajoamorabakhiaki i. Timóteo-ra okava'ihokivini hiki ijahani kidimoni ihini, oniani ida hora khai ni'aja — Deu-ra oni'abakhiaki ho.