Apocalipse 6:1 - Deus Athi Kapapirani Hida

¹ Hari. Oniaroa, Deus ibavia onokiki ada Ovilia Dorona oniki. Bianihi ida athanani hoarani imidia kanamajaki papira roaroani akarani. Oniania, okamitha'ihi ida athi 'barakia bahi taararahaki fori hiki. Ija'ari fori hiki hokikia hoarana nihani: —Kha'a!

Apocalipse 6:1 Iomraidhean Croise

João 1:29

Ka'afokajomani vani João Batista bianokiha ada Jesus kidiania kha'ina. Niha ada João: —Ada vani hi'ada ovilia dorona fori hiki Deua bikaronaki. Hojai Deua bivajahariki abosini ida ija'ari abinini. Ovilia dorona-ra anaabinihi; ija'ari-ra akava'ijoaha. Onivani fori hija bana ida ovilia dorona fori hiki abinina, haria akava'ijoara kaimoni. Ovaria bianiki bana ida ija'ari hahavi vakadihojai asohiriki.

Atos 4:20

Anokibakhiaki ada Jesus. Athi akamithabakhiaki jaboni ada. Ni-jahapa'itxiki ida Jesus monina-ra vara avani'aravini — niha ada Pedro.

Apocalipse 11:19

Hari. Oniaroa, arabikhajahaki ida Deus gorana kaathani nama hojaki. Deus gorana bodinia nokiaki ida ouro kacaixahi arca oniki. Deus kava'iponahi karajomihi hida. Oniaroa, araboja onokiki ida bahi banabanahana, okamithaki jaboni ida athii, okamithaki jaboni ida bahi tararahana. Ho'doho'doki ida arabo. Kharariki ada bahi karaho ja'di itxani fori hiki araboa. Niki bana hida namithaki kaimoni.

Apocalipse 13:8

Oniaroa, ija'ari hahavi araboa vahojakia vakanamasiviha ada paha katapo'ijani, vavakaijokaki ada. Vakadiva'ibodivarani va'ora korijanaha'oamanira adani. Deus vavanihaki ada paha katapo'ijani. Niki bana hida namithaki kaimoni. Hari. Hahavi amonahani kari Deua binajiri'iki ida kidija'ari vihiki kaimoni vaonina kidipapira kania. Ovilia Dorona oniki kapapira ida. Ovari abono-ra va'aha'iki abinina kidija'ari vakadimoni. Kidipapira kania hojahi ida ija'ari onini; bivahojahi bana ida kidimahi anokhomiriki Deus kania. Hojarihi ida ija'ari onini; ni-bivahojaki bana ida kidimahi anokhomiriki Deus kania. Hari. Paha katapo'ijani-ra vakanamasiviki adani ija'ari mahi anokhomiriki-ra vavahojariki.

Apocalipse 14:2

Oniaroa, okamitha'ihi ida athii 'baraki nama. Paha karaho gororofoniki fori hiki ida athii ithoni, bahi taararahaki fori hiki jaboni ida. Ija'ari vakadiharpa ithoki fori hiki ida athii ithoni okamithaki.

Apocalipse 19:6

Hari. Oniaroa, okamithaki ida ija'ari vaipohiki vaathi 'barani fori hiki. Paha karaho gororofoniki fori hiki ida athii ithoni. Bahi taararahaki fori hiki ida athii. Nihi ida athii: “Deu-ra khai vani'a bana! Danoki ada Deus, bikaabokaki ida hahavi binofiki. Ka'da'di vakadika'da'di ada!

Apocalipse 4:8

Ija'ari fori vihiki vahokikia vavahojananaki ida 6 vabihi ipohini afohanana. Kanokhoi'ba'danihananaki ida vabihi namani hahavi, nabo'ani hahavi hiki. Mahi oadani, joma oadani vaahiaha'oadahaki adani. Vakadimoro kaathi hiki: “Jahaka'oaki, jahaka'oaki, jahaka'oaki ada Deus, ka'da'di vakadika'da'di ada. Bikaabokaki ida hahavi binofiki. Nahina hojarini kari hojaki ada Deus ovari miro'a. Asia hojaki ada Deus. Ni-hoarihapa'itxiki ida hojana. Khaki bana ada.”

Apocalipse 5:1

Hari. Oniaroa, Deus ibavia onokiki ida papira roaroaki. Ka'da'di vakadika'da'di kavithi ibavini vithikia bigathivini ida papira sa'a ka'aniajania. Jiriki ida papira hahavi namanija, nabo'ania afohanana. Akaraki ida papira roaroaki. 7 hiki ida papira roaroaki athanani.

Apocalipse 5:12

Vaahiana va'ora okamithaki adani. Athii 'barakia vaahiaha: “Sohika'oaki ada Ovilia Dorona oniki jahana akavaranina vahoariha vaviaha. Ija'aria vanaabini'iki ada ovari, hokiki ada. Danoki ada. Bikaabokaki ida hahavi binofiki. Kidimoni ida nahina hahavi hojaki. Karaho ida kidi'ogahai danoki. Khai ani'aki ida jahana danona vagana.” Nimania ida Deus ibavi kaija'arini vakadimoro kaathi, Jesus jahana vaabono vakanava'isohikhamavini.

Apocalipse 5:8

Papira-ra gathanivini naothinia, ija'ari fori vihiki vahokiki avako'bamahakhamaki Ovilia Dorona oniki viaha vakajo'atharari'aha. Ka'da'di 24 vihiki vaipohina vakajo'atharariki jaboni viaha. Vavahojahananaki ida harpa oniki, ithohi kaimoni ida. Vavahojahananaki jaboni ida ouro kabavihi incensoa dainanaki. Mitxaki ida incenso. Athii Deus kania kidija'aria vakanikhariabakhiavini athini fori hiki ida incenso.

Apocalipse 6:3

Naothinia, Ovilia Dorona onikia biani'ianahi ida athanaki papira roaroani akarani hoariha. Oniaroa, okamithahi ida ija'ari fori hiki hokiki hoariha, nihani: —Kha'a!

Apocalipse 6:5

Hari. Ovilia Dorona onikia biani'ianahi ida papira roaroani akarani hoariha. Oniaroa, okamithahi ida ija'ari fori hiki hokiki hoariha, nihani: —Kha'a! Vada onina kaba'i, kha'aha ada cavalo pororoki maina. Cavalo-ra vaadahakia sa'a bivahojaki ida nahina khanaki karajomini.

Apocalipse 6:7

Naothinia, Ovilia Dorona onikia biani'ianahi ida papira roaroani akarani hoariha. Oniaroa, okamithaki ida ija'ari fori hiki hokiki hoariha nihani: —Kha'a!

Apocalipse 8:1

Hari. Oniaroa, Deus ibavia onokiha ada Ovilia Dorona oniki papira roaroani hoariha akarani-ra anivini. Biarabikhai'ianaki ida ahoaranini. Hari. Oniania, viso vakhaniha adani Deus ibavia vahojaki afo'imidia, ni-vavaravaraki kaho. Mitihini va'ora onoki'aha adani Deus ibavi kaija'arini 7 vihiki vaipohina vigaakosoana Deus viaha. Vagathanihananahi ida trombeta hoarahanana.