Apocalipse 3:8 - Deus Athi Kapapirani Hida

⁸ A'onira ooga'oamanija, jahaki ida avakadibadani. Avadanoni ahapirini kaba'i, avanaabajahakiki ida oathi, hora avakava'ipahinipa'itxirihi. Okavarajomiki ida kodibadania avakabadanini bakatha fori hini. Oakarabikhaiki bana ida bakatha avari'oija kaimoni, ni-nahina hoariha bikana'bovini biakaabokaki ida bakatha.

Apocalipse 3:8 Iomraidhean Croise

1 Coríntios 16:9

Hihida Éfeso sidajia ohojana oadani okaabokabakhiaki ida ija'ari vaipohiki-ra va'ora okanamonivini Jesus monina. Vanaabavini vanofiki hida Jesus athi. Vahoariha vani adani kodibadani-ra vakanajajorivini-ra vanofibakhiara.

Colossenses 4:3

Deu-ra vakanikharia bana jaboni akadimoni. Deu-ra vani'a bana: —Deus, va'ora kajoamora bana adani Paulo mahija ibavi ipohikia iathini-ra avanamonionivini. Va'ora kajoamora bana mahija vahoariha va'ora vanadabaravini. Pauloa vanofiki ida ija'ari vaipohiki Cristo monina-ra vakamithavini. Ni-aviga'iaki ida Cristo monina — Deu-ra avakanikhariavini vakhani bana akadimoni. Cristo monina-ra oanamonioni'avini mani ida cadeia hora avibaivini hija.

Apocalipse 3:7

Jesus Cristo kaija'ari Filadélfia sidajia vahojaki vakadimoni hida papira athini. Jesus hora honariavini va'ora vaka'da'diki okajirihivini, va'ora nava'isohira kaimoni hihida athia. Jesus Cristo va'ora ni'aha: —Ojahaka'oaki ho, ka'oahihahaviki hida oathi. Hovani Davi kohana kahanodi namitharonisiagaki ho. Davi kohana 'bo'dakari ija'ari-ra va'ora vaka'da'divini vani fori ohija, ija'ari hahavi-ra va'ora ovaka'da'divini jaboni. Nahina-ra onofihi; ohonariahi. Ni-nahina bikaabokaki ida hora nadabavini. Ni-ova'ahaki ida ija'ari oathi-ra kajonivini.

2 Coríntios 2:12

Hari. Trôade sidaji-ra oanikhaha'ihi Jesus Cristo monina jahaki-ra onamonija kaimoni. Okaikahina viahania akadika'da'di Jesua binaibavijaha'iki ida kidibadani kodibadani kaimoni. Okaikahina vani va'ora okaraga'ara adani ija'ari vaipohiki kodivarani-ra vakamithavini-ra vanofiki.

Atos 14:27

Oniaroa, Antioquia da Síria vakaikahi'aha adani Paulo, vajoroni'aha adani Jesus Cristo kaija'ari vaipohiki, vakamithaja kaimoni ida ibavi ipohikia avaadahaoni'ina kavaranihi. Paulo va'ora nanamithahahavi'aha: —Oigamina, Deus akadiania hojana mani ida haria kajoamorabakhiavini hija. Haria kakodiavini mani ida kidibadani bada ani'avini hija. Deus va'ora kajoamora'iki adani judeus kaija'ari vihiriki vaipohiki. Jesus kania vaabono gahinai vaniha'iki adani — va'ora vani'aha.

Filipenses 4:13

Cristo danona hora no'avini mani ida nahina hahavi kodiania namithaki-ra okaabokavini hija.

Lucas 12:9

Ija'ari kodija'ari hirini-ra kahihi vahoariha vaviaha; kodija'ari hirini okahihi jaboni bana Deus ibavi kaija'arini vaviaha.

Apocalipse 2:13

Oogaki ida avaibavini. Avavahojaki kasidajinia hojaki ida Jahari kavithi ibavini va'ora vaka'da'diki kaimoni adani ija'ari. Hora avavakaijokaha'oadahaki a'oni. Ni-hora avakava'ipahiniki. Avakadiania hoja'iki ada Antipas kohana oniki. Kodipohi ada. Omonina a'onira kanamonibakhia'iki ada. Hora kava'ipahiniravini mani ida vanaabinivini hi'ia. Jahari ibavi ida Antipas bivaabini'iki kasidajini. Abinina avanokivini kaba'i, ni-hora avakava'ipahini'iki.

João 17:6

Ija'ari hahavi vahararana vahojaki adani ija'ari hora ino'avini vihi'iki, va'ora oakadava'ara kaimoni. Va'ora inamonaha'iki adani, hora ino'avini vihi'iki adani, kodija'ari vihira kaimoni. Va'ora oanigahi'iki adani, niha ini'inini ira avigara kaimoni. Iathini-ra vanaaba'iki adani.

Apocalipse 3:15

Oogaki ida avakadihojai, ni-ovajahaki. Va'ora okavarajomiki adani ija'ari, paha. Paha afaki fori vihiki adani ija'ari hora vanofijahakiki. Paha pahisiriki fori vihiki adani ija'ari hora avigariki. Paha daradarahaki fori vihiki adani ija'ari hora vanofijahakivini-ra vakahi'badaraki. A'onivani paha daradarahaki fori avihiki a'oni, oniani ida a'onira oka'bivini hija bana. Hora avanofijahakiravini mani ida a'onira onahokahivini hija bana. Ovajahaki ida paha afaki. Ovajahaki jaboni ida paha pahisiriki. Paha daradarahaki vani hora na'biaja.

Apocalipse 22:7

Oniaroa, Jesua bini'aha: —Vakamithajahaki'a bana! Jorakia ojoiki bana ho avakadiania! Deus va'ora kajoamoraki bana adani oathi-ra vanaabajahakiki va'ora onava'isohijora'iki, hihida papira hojakia — niha ada Jesus Cristo.

Apocalipse 3:10

Vahoariha a'onira vanajahariharivini kaba'i, ni-hora avakava'ipahiniki, ni-va'ora avarakaihamahiki. Nini vani avanaaba'ia ida a'onira ohonariavini hiki. Oathi-ra avanaabajahakivini mani ida a'onira oakadava'avini hija bana. Deua bikaronaki bana ida mahi jahariki ija'ari hahavi vakadiania, ija'ari va'ini-ra ami ani'akarahoki va'ora vakaijo'ara kaimoni. Va'i ami inini karaho kamahini vani, a'onira oakadava'ajahakija bana.

1 Timóteo 5:8

Ija'ari kidina'arihavi, kidisai, igamini vihiki-ra va'ora kaijahitarihi; Deus athi akajari'dariki-ra kava'ipahinihi. Asohiri'oamanija ida Jesus kaija'ari kidina'arihavi-ra kajoamorariki kabadani. Biaradamiki ida Jesu-ra nofiriki kahojai asohiriki.

2 Timóteo 4:7

Bada oniha'oadaha'iki ho oadodoha'oadahana, bada oni'ajahakija kaimoni ida hahavi Deus hora honariavini hi'iki. Onabadanihahavi'iki ida Deua binofiki bada oni'avini. Ojoiribanirina vani Deus athi-ra onaaba'ia.

Apocalipse 3:1

Jesus Cristo kaija'ari Sardes sidajia vahojaki vakadimoni hida papira athini. Jesus hora honariavini va'ora vaka'da'diki okajirihivini, va'ora nava'isohira kaimoni hihida athia. Jesus va'ora ni'aha: —Kodiania hojaki ada Deus Ma'onahana. 7 hiki ida Ma'onahai Jahaki kahojai danoki. Hovani ovahojaki ada 7 boviri ipohina. Oogaki ida avakadihojai. Jahaki avavanihaki ida avakadimahi. Avahokini kaba'i a'onira onokivini aba'oki fori avihiki a'oni, abiniki ida avama'onahani.

Apocalipse 2:2

A'onira ooga'oamanija, jahaki ida avakadibadani, karahoki ida. Nahina jahariki namithani kaba'i avakadiania, ni-hora avakava'ipahini'iki. Ni-va'ora avava'ahaki adani ija'ari hojai jaharikia vakahojaibakhiaki avakadiania vahojana. Deus athi avikhava abono vihina-ra vakahi'badaraki adani. A'onivani avakaijo'aki ida vakadivarani, oniani ida korijanahi abono vihina va'ora avarigavini hija.

João 15:20

Vakava'ihoki bana hida kodivarani. Ka'da'dia bivaka'da'diki ada honai abono. Ni-honai abonoa bivaka'da'diki ada vaka'da'dina hiki. Ija'aria binaibavijahajahakiha ada ka'da'di; binaibavijahajahakiha jaboni ada ka'da'di kahonai abono. Deu-ra vanofiriki hora vanajaharihariha; a'onira vanajaharihariha jaboni. Vahoariha oathi-ra vanaabaha; avaathini-ra vanaabaha jaboni.