Apáh Baih 17:9 - Pacoh Cado

⁹ “Cóq he bôn callong tubáiq ki-náq têq chom te callong ndô. Tupul lám plô la acám te tupul plô cóh. Cán ngki ticu tớq tupul plô cóh. Alứng tupul plô ngki la acám te tupul náq puo hơ.

Apáh Baih 17:9 Iomraidhean Croise

Mathie 13:11

Yê-su ôi nha-án idô: “Co Yang Arbang-pilŏ́ng khoiq dyôn inha chom máh parnai catốq te Yang Arbang-pilŏ́ng cơt sút, ma án lớiq dyôn máh ticuoi ngki chom.

Mathie 24:15

“Urớh inha hôm máh nốh ndon Daniel la ticuoi tang ngcang Yang Arbang-pilŏ́ng khoiq tông te inớh. Daniel tông acớiq, la bôn ticuoi dông dŏq crơng prớq nga Dúng Sang Pưt ndon Yang Arbang-pilŏ́ng lớiq ính me. (Ticuoi mmo dŏc parnai ndô, cóq parngíh dyôn simớt.)

Apáh Baih 13:1

Cua ngki cư hôm mui lám pannán pla ngốh sớr te dơq ving-cavang. Pannán ngki bôn mui chít lám tangcoi alứng tupul lám plô. Cứp ưllám tangcoi pưng vom puo, alứng tớq cứp plô, ngai khoiq taran parnai pamat Yang Arbang-pilŏ́ng.

Apáh Baih 13:18

Callong ndô sru lư. Ticuoi mmo tubáiq, ngki têq án chom arlớih te sôq pannán pla, co sôq ndô tang nốh mui náq ticuoi. Sôq ndô la tupát culám tupát chít tupát.

Apáh Baih 17:18

“Cán ndon mái khoiq hôm la acám te puo vel pưt ndon cơt sút máh puo tớq cúc cuteq ndô.”

Apáh Baih 17:3

Dyơ Arvai Yang Arbang-pilŏ́ng cơt sút lư tớq mít cannính cư, alứng án dông cư pôq nga ntúq aih. Át ngki cư hôm munáq cán ticu tớq crŏ́ng pannán pla cusáu ngut. Pannán pla ngki bôn tupul lám plô alứng bôn mui chít lám tangcoi; án tacoi tớq cháq án a-ưi parnai pamat Yang Arbang-pilŏ́ng.

Apáh Baih 17:7

Ma tarneng Yang Arbang-pilŏ́ng plốh cư idô: “Co imo mái sáng dut? Hoi-ndô cư ính mái chom te ngê catốq te cán ndô alứng te pannán pla ndon tardông án, la pannán ndon bôn tupul lám plô alứng bôn mui chít lám tangcoi.