Yʉ̂d 1:4 - Kálara Zyɛ̌m Edwán é mpʉ̌n

⁴ Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

Kálar Nzyɛ̌m : Ejwán é Sáá

⁴ Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

Yʉ̂d 1:4 Iomraidhean Croise

Mataos 13:25

Yé a ze be ó, é guu pum, bʉr bɨbɛh bɨdwo e bɨdwo. Nuu mʉr dɔm we ze pyal é peme yaa é nyololo, ze bè mpœʼ bɨka ndɨ abe e mpi ɨ, gumo mɨmpaŋ mompœʼ mé a bèŋɔ ɛ, bè é bè bè, ntɔʼ laa, to.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Mɨlʉmlʉ 11:23

É jɔʼ nye a pyal gʉʼ ɨ, nye a ka bee mpʉ Zyɛm a bul cwɨa e l'ompʉn ɨ. Nye ntɔʼ soho, ze tɨe be ó, bé diʼe twii é zyɛŋa wɔɔ boo Da Yesʉs.

Mɨlʉmlʉ 15:24

Bɨh bé etile bɨn ó, ebe, bɨh bé ejoʼo ó, bʉʉ bʉr o sama yih, bé a si mʉa kaʼ, ze gʉʼ bɨn ye, ze ntɨʼ mɨsisim min e mopɨʼ mɔɔ, abe ó, bɨh bé a si lomo be ó, bé saʼ no.

Galásia 2:4

Bʉʉ bʉr o nkɔm waa, bé a be ó okristen o bɨkʉʉŋʉ. Bé a niŋle monyʉl é mbɛr Zyɛm ga wina é nyololo ó, lé ejɨ bee nkʉ bɨna ga mu ó é dia otî é zyɛŋa ga wina boo Yesʉs-Krɨst. Bé a bà jwɨʼ ó, bé óbɛm bâʼle liŋ bɨna molʉa.

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

1 Timotɛ 5:8

ǃƗ nuu mʉr kʉ sa ncɨr, bene lé ebaʼle mɨmbyɛl mye, kʉ bul be bʉr o mbɛr bʉr we nɛʼɛ, nye mʉr tɨ, nyi tumo koo e buʼo ga yina. Nye é bebe, laa mʉr ndɨ abe mbuʼla ɛ.

2 Timotɛ 2:12

ǃBɨna si dihbe ga mɨtuu wa, bɨna bé ódi ga nteme ó ojwɨɨ. ǃBɨna si lɛɛ ga ó, bɨna bé agʉa ga nye wa, nye ólɛɛ nteme ó, nye a baagʉa bɨna ga.

2 Timotɛ 3:6

Bʉr o sama yɔɔ, bé óni é mɨmbɛr mɨ bʉr myoonkan é myaaa, lé esaa ekwab bʉba ndɨ luʼo pɨʼ ɨ, le edilɔ be molʉa mɔɔ. Bʉba baa, bé a si sa syem é buobuo, bé ntɔʼ liʼ e bɨjyɛʼ é nyʉl é luu-lu-luu. Bé óbe ó molʉa, bɨgwɨma byɔɔ lé ejwɨʼ be mɨmbi mimyɛh.

1 Pyɛr 2:16

Zyɛm a sa ó, bɨn diʼe é dia otî. É dia otî yin yaa, yé ajala le efuʼla sa bɨn buuro ebɨ-leme lɨn e tɨʼ ɨ. Kœʼœ ga ebò e cyen lé elɛʼle mpʉ bɨn ndɨ molʉa mo Zyɛm ɨ.

1 Pyɛr 2:8

Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.

1 Pyɛr 4:18

Ebe, yé ó tila ó: «Ocɨcyel o bʉr pa taare bee mokɔbla lé ebi tiʼ molu mo mpoʼ mɨmɛh, a dwɛʼra e bʉr o ndɨ adwaabe Zyɛm ɨ, ndwe bʉʉ osyɛl o mɨsyem ofih!»

2 Pyɛr 2:10

Nye ókʉ bul kab bɨntɨʼa ó, dwe bʉr o ndɨ edu bɨgwɨma bɨ nyʉl bɨpuno wɔɔ ɛ, bɛɛ nteme lé epyeh mojwɨ̀ʼa mo si le maa mo kʉ. Mɨmpʉmpʉl mɨ oyeʼle me lé etaŋle bɨn lɔb wɔɔ ɛ, myé ajoʼo bʉa dam be é jɔʼ bé lwɨɨ beengles ndɨ é lal bɨna ndɨ egumlo e.

2 Pyɛr 2:7

To kœb ó, nye a be ó si syɛb Lot, cɨcyel mʉr, é bim efie laa tʉŋlʉ. Mbea Lot a bee-bee ontɔɔ o motie lé esa bɨmala zam e l'ekomo e, nye a be ó e tuu é leme,

2 Pyɛr 3:7

Lwib mo Zyɛm gwar e gwar yaa ó ndɨ ebaʼle jobo, le ejyoo le si nwa. Yé ódɨ baʼle bye ó, to pyal é dobo le etiʼ e mɨlɔb. Byé òdiʼɔ. Bʉr o ndɨ adwaabe Zyɛm ɨ, bé ódim cyecye é moho waa.

1 Yʉanes 2:22

Zé nyɛɛ ndɨ mpʉmpʉl? Nye ó waa nyiwɛh ndɨ ekɛla ó, Yesʉs, nye abe Lœma mulo mo Zyɛm. Mʉr dɔm mo Krɨst ó nɨ! Nye ó mʉr lé ekɛla Zyɛm Sɔŋ, bâʼle kɛla Mwan mo Zyɛm ɨ.

Yʉ̂d 1:15

é l'efu ó, nye tiʼa bʉr bɨbɛh mɨlɔb le edwe bʉr bɨbɛh ndɨ adwaabe nye e, mobe. Mɨsyem myɔɔ, myé enyin é bɨsyɛɛla bɨ ebebe byɔɔ bibyɛh. Zyɛm ólɛʼle osyɛl o mɨsyem, baa ndɨ adwaabe nye e, mpʉ bé a sa syem lé elwib bɨlwib bɨ mpyoo, tiibe e nye e.»

Yʉ̂d 1:18

Bé a lɛɛ e bɨn ó: «É l'esie e mbi jɔʼ yi, yé óbe ó e bʉr o pyeh, baa lé ekpɛl kœʼ ebò e cyen lé edu mpʉ bɨgwɨma byɔɔ ndɨ ɨ.»

Mɨngwiha 15:4

Da, bʉr bɨbɛh, bé ódwiibɨ go ndwe le eseʼle die lo. Go ome ó ndɨ Mʉr ndɨ ti ɨ. Bʉr o bɨkul bibyɛh, bé ótɨbla é bɨgumo byɔɔ, zeŋɔ go ye. Bé ódwiibɨ go, ebe, bɨ bee é sʉlʉlʉ ó, gɨ kebe é bɨsyɛɛla go lé esa bʉr ɨ.»