Yʉ̂d 1:1 - Kálara Zyɛ̌m Edwán é mpʉ̌n

¹ Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

Kálar Nzyɛ̌m : Ejwán é Sáá

¹ Yé ó mɛm Yʉ̂d, syɛ̂l mesâ mé Yésʉs-Krîst, mɨ́ɔɔ́ mé Jacques ó dí ecɛma bɨ́n mekaná mâ. Mě cɛmá ó, bɨ̌n bʉr ó Nzyɛ̌m Sɔ́ŋ á kpɛl, baá nyé á jébe le ebaʼle mbɨ̂mbɨá ɨ́ nzɨ̌ mé Yésʉs-Krîst bá.

Yʉ̂d 1:1 Iomraidhean Croise

Mataos 10:3

Filip bé e Bartelemi, Tomas bé e Mataos, mʉr a taare be nwɨa tœa ɛ, Jacques, mwan mo Alfe bé e Tade,

Mataos 13:55

Ntʉʼ mwan mo kabina nwaʼ ɛ? Ntʉʼ nyɔŋ we ndɨ die Maaria ɛ? Ntʉʼ nye ndɨ mɨɔ mo Jacques bé e Yoseb, ndwe e Simɔn, ka kɛl Yʉd ɨ?

Markus 3:18

Nye a si cyel é l'esama laa nteme ó, Andreas bé e Filip e Bartelemi ndwe e Mataos bé e Tomas e Jacques, mwan mo Alfe, ndwe e Tade bé e Simɔn, mʉr Kanan,

Markus 6:3

Ntʉʼ nye be-be kabina ɛ? Ntʉʼ mwan mo Maaria nwaʼ ɛ? Ntʉʼ nye ndɨ mɨɔ mo Jacques bé e Yose, ndwe e Yʉd, ka kɛl Simɔn ɨ? Ntʉʼ bɨna ga e l'okɛl be lé etiʼe wâʼ ɛ?» Syɛɛla yaa ze kol be ebɔʼ bé a bɨm é mɨleme e.

Lʉkas 6:16

bé e Yʉdas, mwan mo Jacques, le Yʉdas Iskariot, mʉr a be ó, nye ókɛha nye e.

Yʉanes 12:26

ǃƗ mʉr si gwɨm sea e me nɛʼɛ, yé ekʉ jala ó, nye duʼo me. Gumo me ndɨ ɨ, gumo yaa ó syɛl mosa wam nteme, nye ódi ɨ. Waa nyiwɛh ósea e me e, Sɔŋ wam ókʉ seʼle nye.»

Yʉanes 14:22

Yʉd (abe yɛɛ Yʉdas yaa Iskariot), nye e nye ó: «Da, ebe yé go ópyal njɨ boo bɨh, aka pyal boo bʉr o si nwaʼ ɛ?»

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Yʉanes 17:15

Me ajwɨʼla ó, go pɛʼɛ be é si nwa. Me ekʉ ka jwɨʼla ó njɨ go kamla e be é nko paʼ mo Bɨbla-mʉr.

Yʉanes 17:17

Saʼ ó, bé diʼe mɨsaŋ mɨ bʉr bo é l'ocyecye. Lwib yo, yé ó cyecye.

Yʉanes 17:19

Me etimle go tiʼ yam yiyɛh ó, bé nkʉʼ be mɨsaŋ mɨ bʉr bo, é l'ocyecye tʉŋlʉ.

Yʉanes 6:39

To kœb ó, mʉr a ntɨh me e, nye egwɨm ó, me l'ayi dimle mʉr ngwar é sama bʉr nye a ntɨh me e. Nye egwɨm ó, me pɛ̀hɛ be é mofoo é moho epihe, ntible-bɨkaŋa,

Mɨlʉmlʉ 1:13

É jɔʼ bé a pyal gʉʼ ɨ, bé ze bere é tiʼe toloŋo mbɛr bé a di ɨ. Bé a be ó: Pyɛr, Yʉanes, Jacques ndwe e Andreas, Filip ndwe e Tomas, Bartelemi ndwe e Mataos, Jacques, mwan mo Alfe, Simɔn, mʉr a jebɔ ó, Mʉr ndɨ ekamle e bʉr o lal ɨ, ndwe e Yʉdas, mwan mo Jacques.

Mɨlʉmlʉ 20:32

«No ó, banana, me etimle bɨn é mobo mo Zyɛm. Nyi lɛʼle bɨn ncwɨncwɨa we é zi mokan me. Nye baʼla bɨn e mokan maa. Mé ó e nkul egba bɨn nkul é monyʉl ndwe le edwe bɨn tiʼ molu mo mpoʼ mɨmɛh jwɨʼ gwar e gwar e mɨsaŋ mɨ bʉr be bɨbɛh.

Mɨlʉmlʉ 27:23

ebe, muh e pum wi, nuu engles si ze gumo me be e. Nye duho ó, boo Zyɛm, waa me lé egumo e nye, waa me lé edwiibɨ ɨ.

Rôm 1:1

Mɛm Pol, syɛl mosa mo Yesʉs-Krɨst ó lé etile bɨn kalara nwa. Zyɛm a jebe me ó, me diʼe lʉmlʉ we, le ecyel me é syɛɛ ó, me toʼ le elɛɛ Mbɨambɨa Lɔɔ we.

Rôm 1:6

Bɨn nteme, bé ó é bʉr baa, bɨn bʉr o b'a jebɔ, dumo e Yesʉs-Krɨst ɨ.

Rôm 16:18

Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

Rôm 8:30

Baa nye a bɛa tiile é leme ó, bé ópɛhɔ ɛ, bé ó nye a jebe e. Baa nye a jebe e, bé ó nye a dwe mokebe é mih me e. Bʉr nye a dwe mokebe e, bé nteme ó nye a kab kum we e.

Rôm 9:24

Sama bʉr baa, bé ó baa Zyɛm a pɛh ɛ. Nye a baapɛh-pɛh njɨ é kul bʉr oYʉden tʉŋlʉ. Nye a pɛh bʉr ó, é bɨkul bɨfih!

1 Korɛnt 1:2

Bɨh bé etile ó, bʉr o mbɛr Zyɛm ndɨ ɨ Korɛnt ɨ. Yesʉs-Krɨst a si pubo bɨn. Zyɛm a jebe bɨn ó, bɨn diʼe mɨsaŋ mɨ bʉr be, bɨn e bʉr bɨbɛh ndɨ esa Tî ga wina Yesʉs-Krɨst mɨnjwɨʼla bɨgumo bɨgumo e. Nye ó Tî ga wina boo nɔɔ.

1 Korɛnt 6:11

No nteme ó, bʉʉ bʉr o mbɛr Zyɛm win, bé a be-be e! Sa gwar, bɨn bé a si sohlɔ, pubɔ. Bɨn bɨ bi mokebe é mih mo Zyɛm lé ejyɛʼ taa buʼo yin boo Da Yesʉs-Krɨst, cwɨɨ é zi Mbɨambɨa Sisim.

Éfɛsɔs 5:26

Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.

1 Tesalonika 2:12

Bɨh bé a si tɨe bɨn, le esa ó, bɨn tʉmɨ nyʉl ndwe le eboʼlo ó, bɨn bé ejala le ekœʼ ebò e cyen Zyɛm lé ekpɛl ó, bʉr kœʼœ œ. Tiʼa ga no, ebe, nye a jebe bɨn ó, bɨn niʼe é jwɨ̀ʼa ye, gumo kum we ndɨ epan ɨ.

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Jacques 1:1

Jacques, syɛl mosa mo Zyɛm bé e Da Yesʉs-Krɨst ó lé etile bɨn kalara nwa. Me esoho bɨn, bʉr o moveh ewʉm e moba mo Zyɛm, mu si myɛʼa, jala si nwaʼ nyiwɛh ɛ.

1 Pyɛr 1:2

Zyɛm Sɔŋ ó b'a pɛh bɨn, bʉr o nye a bɛa gʉa ɛ. Jɨh tɨʼ nye a kʉ pɛh bɨn, Sisim we, wé ntɔʼ ze pubo bɨn. Wé a pubo bɨn ó, lé emyɛʼ bɨn e motié mo Yesʉs-Krɨst é l'efu ó, bɨn saʼ nye mojoʼo. Mocyɛʼ mo mpom le motala mo Zyɛm, mé swɨŋɨ é bɨn é ntuʼ-ntu-ntuʼ.

1 Pyɛr 1:5

Zyɛm mu ó lé ebaʼle bɨtiʼ bin e nkul we é zi buʼo. Nye ebaʼle bɨn no ó, é l'efu le edwe bɨn tiʼ molu mo mpoʼ mɨmɛh ndɨ ebono bɨn zi dolo e. Nye ólɛʼle bʉr bɨbɛh ya ó, é l'esie e mbi jɔʼ yi.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Yʉ̂d 1:21

Gbaʼ ga monyʉl lé edi é kpɛl mo Zyɛm. Bona ga dobo Tî ga wina Yesʉs-Krɨst óbula ze e. Nye óze ó, ze jwɨʼ bɨna ga nkoo, le eliʼle bɨn, to pyal é tiʼ molu mo mpoʼ mɨmɛh.

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.