Lʉkas 9:51 - Kálara Zyɛ̌m Edwán é mpʉ̌n

⁵¹ É jɔʼ elu Yesʉs a jala ó, nye pʉʼa é si nwaʼ, lé a be, lé mu lé ekunbo e, nye ze tiʼe é leme we ó, nye to ó Yerʉsalɛm.

Kálar Nzyɛ̌m : Ejwán é Sáá

⁵¹ Jɔʼ mélú Yésʉs á jala ó, nye pʉ́ʼaa ɨ́ sí yɨ̂ʼ má, mé á be, mé mû lɨ́ esîhle yɨ́, nye nzě tíʼe ɨ́ lémé wé ó, nyě tó ó Yerʉ́zalɛm.

Lʉkas 9:51 Iomraidhean Croise

Markus 16:19

No ó, é jɔʼ Da Yesʉs a be, nye osi lwib e be no e, nye ze bɨnɔ é jobo kʉ, ntɔʼ to nʉa dia ye é mbo ejʉm mo Zyɛm Sɔŋ.

Lʉkas 12:50

Me a ze ó, me nʉŋa ndubo wam. Leme wam, wé ó kʉ é cyèl, to pyal é jɔʼ ndubo waa, wé óbe si syɛɛlɨ ɨ.

Lʉkas 13:22

Yesʉs a be ó lé etiʼbe bɨnkana e bɨnkana, le mokwar e mokwar, lé eto le eyeʼle bʉr zi e zi lé eto Yerʉsalɛm.

Lʉkas 17:11

É cyen Yesʉs a be lé eto Yerʉsalɛm ɨ, nye a be ó lé edu mpaʼa wé a be paʼra lal Samari le Galɨle e.

Lʉkas 18:31

Yesʉs ze nʉa Esama le ompʉn ewʉm e l'oba é bʉm. Nye e be ó: «Mbe ga: bɨna mu ó lé eto ga Yerʉsalɛm ó yi. Bɨsa bibyɛh ogwiha o mɨlɔb bé a tile é Kalara Zyɛm, tiibe e Mwan mo Mʉr ɨ, byé ódira.

Lʉkas 19:11

É jɔʼ bʉr, bé a be, bé mu si joʼo mokan monɨ ɨ, Yesʉs ze bâʼle sa be yʉʉ kɨkɛna. Mpʉ nye a be, nye mu kunokuno e Yerʉsalɛm ɨ, bʉr ntɔʼ jwɨʼ ó, Zyɛm a be ó, nye mu kunokuno le ecyel jwɨ̀ʼa ye cyecye.

Lʉkas 19:28

É jɔʼ nye a sil lwib no e, Yesʉs ntɔʼ samle, lé eto Yerʉsalɛm.

Lʉkas 24:51

Ngbaa le eka be, nye dina lé esʉ be mocyɛʼ mo mpom nɛʼɛ, nye ze duho gumo bé a cyɛb ɨ, ze bɨnɔ é jobo kʉ.

Lʉkas 9:57

Mpʉ Yesʉs bé e l'ompʉn be, bé a be, bé mu temezi ɨ, nuu mʉr ntɔʼ lɛɛ e Yesʉs ó: «Da, me ódu go gumo yiyɛh go óto e.»

Yʉanes 13:1

Yé a be ó, yé mu moho ebʉʼ e Paska. Yesʉs a be ó si bɛa gʉa ó, ewala, lɨ pyal, jɔʼ nye duha é si nwa, to boo Sɔŋ ɨ. Nye a be ó si bul kpɛl nkɔb bʉr bé a be baa be, baa bé a liʼ di é si nwaʼ ɛ. Nye a kpɛl be ó, to pyal é l'efehle.

Yʉanes 16:28

Me a si kʉ duho nye ye, ze pyal kaʼ é si nwa. Me óbula mʉa, liʼe si nwa, bere nko Sɔŋ wam ndɨ ɨ.»

Yʉanes 16:5

Banana, me muno ze bere nko mʉr a ntɨh me e, ndɨ ɨ. Dam be no, mʉr é l'esama lɨn, nye adî e me ó: “Go lé eto nko?”

Yʉanes 17:11

«Me aka be kaʼ é si nwa. Bɛɛ ó dina é nye. Me mu ó lé eze nko go ndɨ ɨ. Sɔŋ wam, go ó ndɨ ti. Baʼla bʉr baa é nkul die lo go a dwe me e. Saʼ ó, bé diʼe sa gwar mpʉ bɨna e go ndɨ sa gwar ɨ.

Yʉanes 6:62

A yé óka sa bɨn nyá é jɔʼ bɨn bé óbee Mwan mo Mʉr lé ebula, fiʼ, to nko nye a taare be e?

Mɨlʉmlʉ 1:2

to pyal é moho nye a bɨnɔ é jobo kʉ ɨ. Nye l'apa to é jobo kʉ, nye a si cyel mɨpɛha mɨlʉmlʉ mye mompene é zi mo Mbɨambɨa Sisim.

Mɨlʉmlʉ 1:9

Jɔʼ Yesʉs a sil lɛɛ mɨlɔb myaa ɛ, nye ze bɨnɔ é jobo kʉ é mih mɔɔ. Mɨnkur ze buuro nye. Nye ntɔʼ dim be é mih.

Éfɛsɔs 1:20

Mpwaʼ nkul we, nye esea é bɨna ga tʉŋlʉ, mpʉ nye a taare sea nteme é Krɨst é jɔʼ Sɔŋ a pɛ̀h nye é foo, dil nye é jobo kʉ é mbo ejʉm we e.

Filipi 3:14

Me egba nyʉl lé eto dolo, to pyal é l'odumo. Me egwɨm mompɔʼ mo Zyɛm. Nye ejebe bɨna ga ó, bɨna toʼ, to bi ga mompɔʼ me é zi mo Yesʉs-Krɨst. Mɛɛ, mé ó koma é jobo kʉ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Ebrœ̂ 6:20

É tiʼe yaa ó Yesʉs a ni ɨ. Nye a si ni efoʼ e bɨna ga, ze to é mih mo Zyɛm é l'efu ga lɨna. Nye mu bɨna ga ó Njwɨɨ opara é l'esama le opara mo Mɛlkisedɛk. Nye ódi nteme ó no njʉmdia e njʉmdia.

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.