Lʉkas 9:44 - Kálara Zyɛ̌m Edwán é mpʉ̌n

⁴⁴ «Bɨn bɛɛ, bɨn bé à kʉ gʉa mɛr ekan me muno ze lɛɛ bɨn é bananaʼ lɨ: Mwan mo Mʉr mu ó kunokuno le ekɛhɔ é mobo mo bʉr.»

Kálar Nzyɛ̌m : Ejwán é Sáá

⁴⁴ «Bɨ̌n bɨɛ, bɨ̌n e kʉ́ gwá mɛ̂r gá ekǎn mé mû lɨ́ elɛ́ɛ bɨ́n ɨ́ báánâʼ lɨ̂: yɨ́ lîʼ njɨ mâ jɔʼ tîtííǎ, ó Mwân mé Mʉr bɛ́mɔɔ kwá bʉr o ngá jʉ̂ nyé bá.»

Lʉkas 9:44 Iomraidhean Croise

Mataos 16:21

É dobo laa ó Yesʉs a lɛɛ ompʉn be ebe yé, yé ókʉ jala ó, nye toʼ ɨ Yerʉsalɛm ɨ. Nye sia e mɨtuu é buobuo é mobo mo otamabʉr o lal bé e l'ojwɨɨ be opara ndwe e l'oyeʼle o motie. Nye nteme ójʉŋɔ. Nye òbula pàh é l'elu elɛl.

Mataos 26:2

«Bɨn bé egʉa ó, ebʉʼ e Paska, lɨ ka liʼ molu moba ó, lé pyala. No ó Mwan mo Mʉr óze kɛhɔ, ó bé cyèlɨ nye é klos kʉ.»

Markus 8:31

Yesʉs ze taare lé eyeʼle ompʉn be. Nye ó: «Yé ókʉ be me é nere-nere ó, me sia e mɨtuu é buobuo, mɛm, Mwan mo Mʉr. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Markus 9:31

ebe, nye a be ó lé eyeʼle ompʉn be. Nye ó: «Mwan mo Mʉr ókɛhɔ é mobo mo bʉr. Bé ójʉ nye. No ó, é jɔʼ bé óbe si jʉ nye é moho lɛl pie tɨʼ ɨ, nye ópàh!»

Lʉkas 1:66

Bʉr o b'a joʼo e, ze baʼle mɨlɔb myaa é mɨleme myɔɔ. Bé ze dîila paʼra wɔɔ ó: «Mwan nwaʼ óbe wâʼ wáa mbi mwan ɛ?» Bʉr ntɔʼ dweʼe mojwɨʼ é tiʼ mo Yʉanes, le egʉa ó, nkul mo Da a kʉ be ó é nye.

Lʉkas 18:31

Yesʉs ze nʉa Esama le ompʉn ewʉm e l'oba é bʉm. Nye e be ó: «Mbe ga: bɨna mu ó lé eto ga Yerʉsalɛm ó yi. Bɨsa bibyɛh ogwiha o mɨlɔb bé a tile é Kalara Zyɛm, tiibe e Mwan mo Mʉr ɨ, byé ódira.

Lʉkas 2:19

Maaria nyɛɛ ze baʼle mɨlɛa myaa mimyɛh é leme we, ze taare lé epahle mye é puuu.

Lʉkas 2:51

No ó, bé e boo nɔɔ, bé a fiʼ, toŋɔ Nazarɛt. Nye a be ó si sa be mojoʼo. Nyɔŋ a be ó lé ebaʼle-baʼle mɨlɔb myaa mimyɛh é leme we tʉŋlʉ.

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

Lʉkas 9:22

Nye ze lɛɛ e be ó: «Yé ekʉ jala ó, Mwan mo Mʉr, nye sia e mɨtuu é buobuo. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Yʉanes 16:31

Yesʉs ze lɛɛ e be ó: «Bɨn bɨ ka buʼla lɔɔ wam!

Yʉanes 16:4

Mɨ bal bɨn ó nɨ, ebe, é jɔʼ ewala laa, lé óbe si pyal ɨ, bɨn nkʉʼ toŋlo ó: “Eee, yé ó bana kʉ be sa nye a bɛa lɛɛ bɨna ga ɛ!”» «Me a baataare lɛɛ bɨn lɔb nɨ ó, ebe, bɨna ga ó b'a be.

Yʉanes 19:11

Yesʉs, nye e nye ó: «Nkʉ nkul mo Zyɛm a be ó be, apyal boo go nɛʼɛ, mpa go abe e nkul é me. Ebe no, mʉr lé ekɛha me, cen me é mobo mo e, nyɛɛ ó b'a bul sa syem, laa go.»

Mɨlʉmlʉ 2:23

Zyɛm a bɛa gʉa ó, bɨn bé ókɛha nye é mobo mo bʉr o ndɨ entaa motie e. Bɨn bé a kʉ du ó, mpʉ nye a bɛa tiʼe é leme we e. Bé ze cyèl nye é klos kʉ, jʉŋɔ nye.

Ebrœ̂ 2:1

Ebe no ó bɨna lé ejala le egʉa joʼlo sikʉlʉ bé a taare ntɛŋ bɨna ga ɛ, é l'efu ó, bɨna beʼ ga l'aka lɨŋa é buʼo.