Lʉkas 9:43 - Kálara Zyɛ̌m Edwán é mpʉ̌n

⁴³ Bɨbɛh, bé a si di é jehe lé ebee bɨsyɛɛla bɨnɨnɨ mo Zyɛm. Bʉr bɨbɛh, bé a be tina ó lé ekʉ jehe bɨsyɛɛla bibyɛh Yesʉs a sa ɛ. Yesʉs ntɔʼ lɛɛ e l'ompʉn be ó:

Kálar Nzyɛ̌m : Ejwán é Sáá

⁴³ Ekɛ̂n, lé á si swɨɨ bɨ́bɛ̂h ɨ́ nyʉ̂l ɨ́ lɔ̌b mbeá bé á bee baánɨ̂nɨ̂n o bísyɛ́ɛla mé Nzyɛ̌m wɨ́. Bʉr bɨ́bɛ̂h, bé á be náǎ ó lɨ́ ekâm bísyɛ́ɛla bíbyɛ̂h Yésʉs á sâ bí. Yésʉs ntɔ̂ʼ lɛ́ɛ le ompʉ́n bé ó:

Lʉkas 9:43 Iomraidhean Croise

Mataos 17:22

É jɔʼ bé a be, bé dina lé ekœʼ é lal Galɨle e, Yesʉs, nye e be ó: «Mwan mo Mʉr mu ó kunokuno le ekɛhɔ é mobo mo bʉr.

Markus 6:51

Nye ze to kable é byɛl nko bé a be e, pubo ntɔʼ sie. Ompʉn be ze laŋle jehe sa yaa é buobuo,

Lʉkas 18:43

Cye e cye yaa, nye ntɔʼ bana bee, ze du Yesʉs é koo pihe, lé edwe Zyɛm kum. Bʉr baa bɨbɛh, é jɔʼ bé a bee syɛɛla yaa ɛ, bé ntɔʼ dwe nteme nye kum.

Lʉkas 4:36

Bʉr bɨbɛh ze jehe, taare lé elwibla paʼra wɔɔ ó: «Wáa mbi mokan ndɨ mpʉʼ wi? Nye ó e nkul mojwɨ̀ʼa ndɨ ó, ǃnye si lɛɛ e bɨbɨbla mɨsisim ó: “Duha nye é nyʉl” nɛʼɛ, byé ntɔʼ bana duho!»

Lʉkas 5:26

Bʉr bɨbɛh, bé a si jehe syɛɛla yaa, ntɔʼ dwiibɨ Zyɛm, le ebil ekɛn. Bé ó: «Bɨna bɨ bee ga bɨsa bɨ jehe muh!»

Lʉkas 5:9

Simɔn a be ó lé ejehe bim ofu bé a jʉ ɨ, bé e bʉr o bé e boo nɔɔ, bé a be e.

Lʉkas 8:25

Yesʉs, nye e l'ompʉn be ó: «Buʼo yin, yé nko?» Bé ze joʼo bʉa le ejehe nye é buobuo, ntɔʼ lɛɛla paʼra wɔɔ ó: «Wáa mbi mʉr wi, waa ndɨ, ǃnye si gba twii mojwɨʼa nɛʼɛ, nkuo le modibe mo maŋ, byé ebana sa nye mojoʼo nwa?»

Lʉkas 9:42

É jɔʼ mwan a kʉ pyal kunokuno e Yesʉs ɨ, eleme laa ntɔʼ ncyeŋ nye é guʼ-guʼ-guʼ, nkɛŋ nye si. Yesʉs ze bâm e bɨbla sisim yaa, yé ntɔʼ duho. Yesʉs ze tiʼ mwan, ntɔʼ timle sɔŋ nya.

2 Pyɛr 1:16

Bɨh ó b'a sa ó, bɨn gʉŋa mpʉ Tî ga wina Yesʉs-Krɨst a nyin e buobuo nkul ɨ. Yé a baabe ebe pɨʼ bɨh bé a nʉa, duho é bɨkɨkɛna bɨ mpʉl ɨ. Sa yé a sa ó, bɨh lɛʼla bɨn no e, yé a be ó bɨh bé a si bee mpwaʼ we e mih mɨh.