Lʉkas 9:41 - Kálara Zyɛ̌m Edwán é mpʉ̌n

⁴¹ Yesʉs ntɔʼ lɛɛ ó: «Bɨn ozyɛhozyɛh o bʉr o ndɨ akpɛl buʼla ɛ! Me ódiibe é sama yin, to pyal é yáa jɔʼ? Me kaʼ dihbe bɨn, to fiʼ é yáa gumo? Ntaʼ e mwan go wâ.»

Kálar Nzyɛ̌m : Ejwán é Sáá

⁴¹ Yésʉs ntɔ̂ʼ lɛ́ɛ ó: «Bɨ̌n onzyɛ́h ó bʉ̂r o dí abûʼla bâ! Me ókǎ báʼǎ di ɨ́ sɔ́má yɨ́n, tó pyâl ɨ́ yáǎ jɔʼ ɛ̌? Me ódûhwo bɨ́n, tó swîʼ yáǎ sûm ɛ̌? Ntáʼ e mwân gǒ wâ!»

Lʉkas 9:41 Iomraidhean Croise

Mataos 11:28

«Ntaʼ ga boo me, bʉr bɨbɛh mu si cyɛʼ lé enkɛɛ bɨdiledile mɨmbeʼ e. Me ódwe bɨn egbala.

Mataos 12:39

Nye ze bɨha e be ó: «A bebe bʉr o mya wiʼ ɛ! Odul be ozyɛm ofih! Bé ejɨ bee dweʼle nkul wam lé elɛʼle mbi mʉr me ndɨ ɨ. Bé ákwoʼ lɛʼlɔ dweʼle nkul gwar, alaa ó yaa yé a syɛɛlɨ é tiʼ mo ngwiha mɨlɔb Yonas ɨ.

Mataos 12:45

Yé ntɔʼ ze bâʼle to, to nʉa mɨsisim mɨfih tambɛl, myaa ndɨ é laŋle bebe e. Myé e boo nɔɔ ntɔʼ bula nye ye, ze komlɔ odia wɔɔ é mʉr waa tʉŋlʉ. É jɔʼ nɨ, tiʼ mʉr waa a sia e ye e, yé óbula bebe-bebe beba, laa mbi yaa efoʼ, yé a taare be e. Mbi ngwar e ngwar waa nteme ó, yé óbe é l'efu e bɨbɨbla bɨ bʉr o mya wiʼ ɨ.»

Mataos 16:4

A bebe bʉr o mya wiʼ ɛ! Odul be ozyɛm ofih! Bé ejɨ bee dweʼle nkul wam lé elɛʼle mbi mʉr me ndɨ ɨ. Bé ákwoʼ lɛʼlɔ dweʼle nkul gwar, alaa ó yaa yé a syɛɛlɨ é tiʼ mo Yonas ɨ.» Jɔʼ Yesʉs a sil lwib no e, bé e l'ompʉn be ntɔʼ kable é byɛl, toŋɔ.

Mataos 17:17

Yesʉs ntɔʼ lɛɛ e be ó: «Bɨn ozyɛhozyɛh o bʉr o ndɨ akpɛl buʼla ɛ! Me kaʼ diibe é sama yin, to pyal é yáa jɔʼ? Me ódihbe bɨn, to fiʼ yáa gumo? Ntaʼ ga me e mwan nɨ wâ.»

Mataos 23:36

Me elɛɛ bɨn cyecye ó nɛɛ: mobebe mɨmɛh maa, mé ópyal bʉr o mya wi!»

Mataos 3:7

No ó, mpʉ Yʉanes a bee oFarizyɛŋ bé e l'oSadwisyɛŋ é buobuo lé eze, ó nye dùʼo be e modibe e, nye ze lɛɛ e be ó: «Kampaŋa bɨgurokɔɔ yi, zé a pa kʉ lɛɛ e bɨn ó, bɨn bé e nkul ecɨŋ empime mo Zyɛm é jɔʼ nye ókpaa le e bɨn ɨ?

Markus 10:14

Mpʉ Yesʉs a bee no e, nye ntɔʼ joʼo be ebebe. Nye e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bé e.

Markus 10:49

Yesʉs ze cyɛb. Nye e be ó: «Jeba ga me nya.» Bé ze jebe ntim. Bé e nye ó: «Tʉmɨ nyʉl, mʉŋa si. Nye ejebe go!»

Markus 9:19

Yesʉs ntɔʼ lɛɛ e be ó: «Bɨn bʉr o ndɨ akpɛl buʼla ɛ! Me kaʼ diibe é sama yin, to pyal é yáa jɔʼ? Me ódihbe bɨn, to fiʼ yáa gumo? Ntaʼ ga me e mwan nɨ wâ.»

Lʉkas 8:25

Yesʉs, nye e l'ompʉn be ó: «Buʼo yin, yé nko?» Bé ze joʼo bʉa le ejehe nye é buobuo, ntɔʼ lɛɛla paʼra wɔɔ ó: «Wáa mbi mʉr wi, waa ndɨ, ǃnye si gba twii mojwɨʼa nɛʼɛ, nkuo le modibe mo maŋ, byé ebana sa nye mojoʼo nwa?»

Lʉkas 9:40

Me a be ó si jwɨʼla e l'ompʉn bo ó, bé dwihɨ nye wa, bɨbɛh kar, akoʼo.»

Lʉkas 9:42

É jɔʼ mwan a kʉ pyal kunokuno e Yesʉs ɨ, eleme laa ntɔʼ ncyeŋ nye é guʼ-guʼ-guʼ, nkɛŋ nye si. Yesʉs ze bâm e bɨbla sisim yaa, yé ntɔʼ duho. Yesʉs ze tiʼ mwan, ntɔʼ timle sɔŋ nya.

Yʉanes 14:9

Yesʉs ze bɨha e nye ó: «A bɛa bɨna bɨ di ga! No ó, Filip, go dina ó apa gʉa me? Mʉr mu si bee me e, nyi bee nteme Sɔŋ wam. A, ebe yé go lɛɛ ó: “Lɛʼla bɨh Sɔŋ go” e?

Yʉanes 20:27

Nye e Tomas ó: «Ntaʼ, ze laʼ dine yo wâ. Go à dwɛʼ mokœh mam. Go òfwam mbo go é mpah yam. Gwaʼa mosono. Buʼla.»

Mɨlʉmlʉ 13:18

Nye ze dihbe bebebebe ebò e cyen lɔɔ, lɛŋ mɨmbu kwoʼ be mowʉm monâ, é feha si.

Mɨlʉmlʉ 2:40

Pyɛr ze bâʼle boʼlo be myʉʉ mɨlɔb é buobuo, to le egba be nkul é monyʉl. Nye ó: «Kpɛŋɨ ga efie! Syɛhla ga ozyɛhozyɛh o bʉr o mya wi.»

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

Ebrœ̂ 3:19

Ebe no ó bɨna ndɨ ebee ga ó, bé a baani é l'egbala le e. Yé a be ó, ebe, bé a baajyɛʼ taa buʼo yɔɔ boo nye.

Ebrœ̂ 4:11

Ebe no, bɨna gbaʼ ga monyʉl lé eni é l'egbala laa. Bɨn bé amu sa ebɨh lé ekœʼ ebò e cyen bɨmpam ga bina, bɨn ntɔʼ lɨŋa é buʼo.

Ebrœ̂ 4:2

Bɨna bé a be ga ó, si joʼo Mbɨambɨa Lɔɔ jwɨʼ gwar e gwar e bɨmpam ga bina. Sa gwar, bé a joʼo we ó, mbɛh, ebe, bé a baabuʼla. Ejoʼo lɔɔ, lé a baadib lɔɔ waa zi ó, wé niʼe be é mɨleme.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.