Lʉkas 9:26 - Kálara Zyɛ̌m Edwán é mpʉ̌n

²⁶ Mʉr nyiwɛh lé ejoʼo fwon lé eboʼlo e bʉr ó, nye ó mpʉn wam, le waa lé ejoʼo fwon lé emɛʼle sikʉlʉ yam ɨ, Mwan mo Mʉr ójoʼo nteme fwon lé ejoʼo mʉr waa lé egban nye é dobo nye óze é moncɛnba me, zyɛŋa e maa mo Sɔŋ we, ndwe e maa beengles ndɨ mɨsaŋ ɨ.

Kálar Nzyɛ̌m : Ejwán é Sáá

²⁶ Mʉr nyɨnyɛ̂h jéʼé mê, jóʼo mílɛ́ʼlá myâm sôn nyá, Mwân mé Mʉr ójéʼe ntémé mʉr waá ɨ́ dʉ́ó nyé ngá nze ɨ́ mentyɛnwa mé, le maá me Sɔ́ŋ wé, le maá bééngeles mé Nzyɛ̌m yɨ́.

Lʉkas 9:26 Iomraidhean Croise

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Mataos 25:31

«É jɔʼ Mwan mo Mʉr óze é moncɛnba me, bé e beengles bɨbɛh ɛ, nye ódi é dia taʼa ye, yaa ndɨ é ncyɛn-nti-ncyɛn ɨ.

Mataos 26:64

Yesʉs ntɔʼ bɨha e nye ó: «Yé ó mpʉ go lɛɛ nɨ. Me elɛɛ bɨn, pie jɔʼ yi, bɨn bé óbee Mwan mo Mʉr, “ndindil é nko paʼ mbo ejʉm mo Zyɛm Nkul nyiwɛh”. Bɨn bé óbee nye lé eze é nkur tʉŋlʉ.»

Markus 8:38

Bʉr o mya wi, bé ó kʉ be odul be ozyɛm ofih! Mʉr nyiwɛh lé ejoʼo fwon lé eboʼlo e bʉr ó, nye ó mpʉn wam, le waa lé ejoʼo fwon lé emɛʼle sikʉlʉ yam teme bɨbɨbla bɨ bʉr o mya wiʼ ɨ, Mwan mo Mʉr ójoʼo nteme fwon lé ejoʼo mʉr waa lé egban nye é dobo nye óze é moncɛnba mo Sɔŋ we, moncɛnba me zyɛŋa e maa beengles ndɨ mɨsaŋ ɨ.»

Yʉanes 12:43

Baanya-bʉa onɨ, bé a si sa no, ebe, bé a kpɛl-kpɛl ó, bʉr seʼla be, laa ó, Zyɛm seʼla be.

Yʉanes 5:44

Bɨn bé ebul kpɛl bi kum ó, njɨ paʼra win. Bɨn bé akpɛl bi kum lé eduho boo Zyɛm nye ome e. Yé be no nɛʼɛ, a, bɨn bé ójyɛʼ taa buʼo yin boo Zyɛm nyá ɛ?

Mɨlʉmlʉ 10:22

Bé ntɔʼ bɨha ó: «Bɨh ze ó, é lʉmlʉ mo njwɨɨ nter bɨzima wih, die le Kɔrnɛl. Nye ó cɨcyel mʉr lé edwaabe Zyɛm ɨ. Nye é bul jwɨ̂ʼlɨ e bɨsyɛɛla bɨ ncwɨncwɨa nye lé elɛʼle oYʉden bɨbɛh ɛ. Nuu engles mo Zyɛm tɨe nye ó, nye baŋla go, go toʼ, to pyal nye ye, ó nye joʼla sa go ólɛɛ nye e.»

Rôm 1:16

Me abe e nkul ejoʼo ba fwon lé elɛɛ Mbɨambɨa Lɔɔ, ebe, wé ó nkul mo Zyɛm é l'efu le etiʼ mʉr nyiwɛh óbuʼla we e, taare é l'oYʉden, to pyal é baa ndɨ abe oYʉden ɨ.

2 Korɛnt 12:10

Ebe no ó me ndɨ e bɨsʉhʉ é leme ó, me diʼe cyɛʼ-bol, me lwɨɔ, me sia e mɨtuu, ó me tíilɔ, le ebi mosono é l'efu mo Krɨst ɨ, ebe, é jɔʼ me ndɨ é l'ecyɛʼ ɛ, é jɔʼ gwar e gwar yaa ó me ndɨ e nkul nteme.

Galásia 6:14

Yé l'ayi kunbo ba e me ó, me doʼa e sa fih. Me ódoʼo njɨ e Tî ga wina Yesʉs-Krɨst, le mpʉ nye a cyèlɔ é klos kʉ, ntɔʼ dwè e. Efie le laa, lé ó b'a sa ó, bɨsa bɨ jobo yi, byé diʼe me mpʉ sa yé a bomlɔ é klos kʉ ɨ. Bʉr o si nwa, bé mu ó lé ebee me ó, mpʉ mʉr a cyèlɔ é klos kʉ ɨ.

1 Timotɛ 5:21

Me entɛŋ go mɨnkɛla é mih mo Zyɛm, le maa mo Yesʉs-Krɨst bé e beengles Zyɛm a pɛh ɛ, ó go baʼla motɨɨ ma. Atiʼe lɔb e nkar ngwar. Ato mʉr é nkɔm ebe nduula bɨn e nɔɔ ndɨ e we e.

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

2 Timotɛ 2:12

ǃBɨna si dihbe ga mɨtuu wa, bɨna bé ódi ga nteme ó ojwɨɨ. ǃBɨna si lɛɛ ga ó, bɨna bé agʉa ga nye wa, nye ólɛɛ nteme ó, nye a baagʉa bɨna ga.

Ebrœ̂ 11:26

Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Ebrœ̂ 13:13

Ebe no ó bɨna lé ejala le eduho ga é mompaʼ maa, to pyal ga nko Krɨst ndɨ é mompaʼ kʉl ɨ, bɨna ga e boo nɔɔ nkʉʼ lwɨɔ jwɨʼ gwar,

Yʉ̂d 1:14

Enɔk a be ó mwan mo nura mo Adam. Nye a si gwih mɨlɔb mo Zyɛm lé etiibe e bʉr baa ɛ. Nye a lɛɛ ó: «Paʼ joʼo ga: Da óze ó e mɨsaŋ beengles be mowʉm mo otɔɔyin,

Mɨngwiha 1:7

Mbe ga: nye ó ma ze é nkur tʉŋlʉ nɨ! Bʉr bɨbɛh, to kumo kuma e baa b'a kar nye ekʉa é bɨmpah ɛ, bé óbee nye. Bʉr o moveh mo si nwaʼ bɨbɛh, bé ósa efie le. Eee, yé óbe ó no! Amɛn!

Mɨngwiha 20:11

No ó, me ze bee dia taʼa nɨnɨ, yé a be é pumo-pumo e. Me ze bee nteme waa a be tɨʼ ndindil ɨ. Si nwaʼ ndwe e jobo, byé a si dim é mih me.

Mɨngwiha 21:8

Baabʉbʉa bɛɛ ndwe e bʉr o ndɨ abuʼla Zyɛm ɨ, bʉr o ndɨ efœʼ monyʉl mɔɔ ɛ, ojʉl o bʉr, e l'osyɛl o mɨfyɛba, oleme ndwe e baa lé edwiibɨ bɨbaŋabaŋa bɨdweʼle e, ndwe e baanya-bɨkʉʉŋʉ bɨbɛh, bɛɛ, bé ókʉ ka kœb odia wɔɔ ó njɨ é Bɨ-siʼe. Yé ó lwɨŋla e siʼe ndwe e pir. Tɨʼ ó bʉr lé edwè efie emba ɛ.»

Mɨngwiha 3:5

Mʉr nyiwɛh óbe si ntaa, bula e l'esaa é koo e, me óbœr nye kan pumo. Me aŋa cyam die le é kalara tiʼ. Me ólɛɛ Sɔŋ wam, bé e beengles be ó: Waa wam ó nwa!