Lʉkas 9:18 - Kálara Zyɛ̌m Edwán é mpʉ̌n

¹⁸ É lʉʉ dobo, Yesʉs a be ó lé ejwɨʼla e Zyɛm nye ome é l'empàh. Ompʉn be ze pyal. Nye ntɔʼ dî e be ó: «Bʉr, bé epa kʉ lɛɛ wâʼ ó, me zé?»

Kálar Nzyɛ̌m : Ejwán é Sáá

¹⁸ Ɨ́ lʉ́ʉ́ dʉ́o, Yésʉs á be ó lɨ́ ejɨʼla e Nzyɛ̌m nye omér lɨ́ empah. Ompʉ́n bé, nzě pyâl. Nye ntɔ̂ʼ dî e bé ó: «Bʉr, bé lɛ́ɛ́ ó, me nzé?»

Lʉkas 9:18 Iomraidhean Croise

Mataos 14:23

Jɔʼ nye a be si buulo be e, nye ntɔʼ ze bere é l'ecwɨʼ kʉ, lé eto jwɨʼla e Zyɛm. Mpʉ dobo, lé a be, lé mu si lɨŋa ɛ, nye a kʉ ka liʼ gʉʼ ó nye ome.

Mataos 26:36

Pie tɨ, Yesʉs ze to e l'ompʉn be gumo bé lé ejebe ó, Getsemane e. Nye e be ó: «Diʼe ga wâʼ si, cye yiyɛh me dina gʉʼ lé esa mɨnjwɨʼla ɛ.»

Lʉkas 11:1

É lʉʉ dobo, Yesʉs a be ó yʉʉ gumo lé ejwɨʼla e Zyɛm. É jɔʼ nye a sil jwɨʼla ɛ, nuu mpʉn we ntɔʼ lɛɛ e nye ó: «Da, yeʼla bɨh esa mɨnjwɨʼla é mpʉ Yʉanes a yeʼle ompʉn be e.»

Lʉkas 3:21

É mpʉ ntuntuma bʉr, yé a be si fwal lé eze nʉa ndubo e, Yesʉs nteme a si ze, lé eze nʉa we. Mpʉ nye a be si sil dùŋɔ ɛ, jɨh tɨʼ nye a kʉ sil jwɨʼla e Zyɛm, jobo ntɔʼ ze bɔa,

Lʉkas 6:12

É jɔʼ yaa, Yesʉs ntɔʼ bere é l'ecwɨʼ kʉ, lé eto jwɨʼla e Zyɛm. Pum waa wiwɛh ntinɨ, wé a sie ó, njɨ nye lé ejwɨʼla e Zyɛm.

Lʉkas 9:19

Ompʉn, bé ntɔʼ bɨha ó: «Baʼ, bé elɛɛ ó, go ó Yʉanes Ndubʉr. Bʉʉ, bé ó, go ó Élie. Bʉʉ nteme, bé elɛɛ ó, go ó nuu ngwiha mɨlɔb a bɛa dwè, ntɔʼ bula pàh ɛ.»

Lʉkas 9:28

Yesʉs ze nʉa Pyɛr bé e Yʉanes ndwe e Jacques, ntɔʼ bere é l'ecwɨʼ kʉ, lé eto jwɨʼla e Zyɛm, é jɔʼ yaa, nye osi lwib mokan monɨ e molu mwom.

Lʉkas 9:29

É jɔʼ Yesʉs a be, nye mu lé ejwɨʼla e Zyɛm ɨ, mpom we ndwe e mɨkan mye ntɔʼ siila. Bibyɛh mu kʉ be njɨ é pan-pan mpʉ ndweh mpie.