Lʉkas 9:16 - Kálara Zyɛ̌m Edwán é mpʉ̌n

¹⁶ Yesʉs ntɔʼ nʉa bɨbler bɨtɛn e l'ofu oba, bɨn mih kʉ, ze dwe Zyɛm ekiba é lɔb mode maa, ze pɛ̂ʼ me bɨpeh, timle ompʉn be, ó bé kaba bʉr bya.

Kálar Nzyɛ̌m : Ejwán é Sáá

¹⁶ Yésʉs ntɔ̂ʼ nʉa bíblêr bitɛ̂n le osú óbá, bɨ̂n mîh kʉ́, nzě dwě Nzyɛ̌m nzyǒo ɨ́ lɔ̌b méde maá, nzě pɛ̂ʼ mê, tímle ómpʉ́n bé, ó bé káa dwe bʉ̂r mǎ.

Lʉkas 9:16 Iomraidhean Croise

Mataos 14:19

Pie tɨ, nye ze lɛɛ e ntuntuma bʉr ó, yé diʼe si é bwaʼbwaʼ jahla yaa. Tɨʼ yé a be ó e bwa bɨka ajaa kʉ. Nye ntɔʼ nʉa bɨbler bɨtɛn e l'ofu oba baa, ze bɨn mih kʉ, dwe Zyɛm ekiba, ze pɛ̂ʼ bɨbler byaa bɨpeh, bɨpeh, ze dwe ompʉn be bya. Bé ntɔʼ kab ntuntuma bʉr bɨbler byaa.

Mataos 15:36

Nye ntɔʼ nʉa bɨbler tambɛl byaa le bwa ofu baa, dwe Zyɛm ekiba, ntɔʼ pɛ̂ʼ bye bɨpeh, to le edwe ompʉn be bya. Bé ze nʉa, kab bʉr bɨbɛh.

Markus 7:34

Nye ntɔʼ dwɛʼ kʉ, fil mɨswɨh. Nye e mʉr waa ó: «Efata.» (No, yé ó Bɔa.)

Lʉkas 22:19

Nye ze nʉa bler, ntɔʼ dwe Zyɛm ekiba é lɔb we, ze pɛ̂ʼ ye bɨpeh, dwe be bya. Nye e be ó: «Nyʉl wam ó nwa, waa mu si dweŋɔ, jala e bɨn ɨ. Bɨn bé óto le esa syɛɛla yiʼ bɨjɔʼ bibyɛh, lé etoŋlo me.»

Lʉkas 24:30

ǃBé mu é teble lé ejɨ puhba mobo nɛʼɛ, Yesʉs ze nʉa bler, ntɔʼ dwe Zyɛm ekiba. Nye ntɔʼ pɛ̂ʼ ye, dwe be ya.

Lʉkas 9:15

Bé ntɔʼ sa nteme no. Bʉr ze di si, montumo montumo.

Lʉkas 9:17

Bʉr bɨbɛh ze de, é de de, díle. Bé ze syɛŋ mode mé a kur si ɨ, bé ntɔʼ loŋlo bɨkar ewʉm e bɨba.

Yʉanes 6:11

Yesʉs ze nʉa bɨbler byaa. É jɔʼ nye a be si dwe Zyɛm ekiba é lɔb bɨbler byaa ɛ, nye ntɔʼ ze kab bʉr bɨbɛh bé a be ondindil ɨ. Nye ze dwe be nteme ofu, bim yiyɛh bé a gwɨm de e.

Yʉanes 6:23

Mʉʉ mɛl ntɔʼ pyal, duho nkana Tiberias. Mɨ ze pyal kunokuno e gumo bé a de bler pie jɔʼ Da Yesʉs a dwe Zyɛm ekiba ɛ.

Mɨlʉmlʉ 27:35

Jɔʼ Pol a sil lɛɛ be no e, nye ze nʉa bler, ntɔʼ dwe Zyɛm ekiba, mʉr nyiwɛh lé ebee. Nye ze pɛ̂ʼ ye bɨpeh, ntɔʼ taare lé ede.

Rôm 14:6

Mʉr lé ebee ó, guu moho, wé ó nye sa ndɨ ti ɨ, nye esa no ó, nye gumla Da Yesʉs tɨ. Mʉr lé ede sa yiyɛh ɛ, nye egumlo Da Yesʉs tɨ, ebe, nye edwe Zyɛm ekiba é lɔb sa nye lé ede e. Waa lé eti yʉʉ sa ede e, nye esa no ó, nye nkʉʼ gumlo Da Yesʉs é zi bɨti byaa. Nye nteme, nye edwe nye ekiba é lɔb sa ede nyɛɛ lé emɛʼle de e.

1 Korɛnt 10:30

ǃMe si dwe Zyɛm ekiba é lɔb sa me lé ede nɛʼɛ, bʉr bé ajala le efœʼ me é lɔb ndɨa mode waa, mɛm yɛɛ si kʉ dwe Zyɛm ekiba tɨ!

1 Korɛnt 11:24

dwe Zyɛm ekiba, ntɔʼ pɛ̂ʼ ye bɨpeh. Nye ó: «Nyʉl wam ó nwa, waa mu si dweŋɔ é l'efu lɨn ɨ. Bɨn bé ódɨ sa syɛɛla yiʼ bɨjɔʼ bibyɛh, lé etoŋlo me.»