Lʉkas 8:7 - Kálara Zyɛ̌m Edwán é mpʉ̌n

⁷ Guu paʼ mompœʼ nteme ze kur é mɨndwinʉ. Mompœʼ ze pah, bé e mɨndwinʉ ze gwɨe sama. Mɨndwinʉ ze kaʼ mɨpɛha mompœʼ myaa, myé ntɔʼ lire.

Kálar Nzyɛ̌m : Ejwán é Sáá

⁷ Gúú pâʼ mémpeʼ ntémé kur ɨ́ mindwínɨ́nɨ́. Mipáhá mémpeʼ myaá, myé e mindwínɨ́nɨ́ nzě gwɨ́ě sɔ́má. Mindwínɨ́nɨ́, myê nzě kâʼ myê, myé ntɔ̂ʼ líre.

Lʉkas 8:7 Iomraidhean Croise

Mataos 13:22

Nuu nteme, nye enwɨɨla ó e mpœʼ yé a kur é mɨndwinʉ ɨ. Nye a si kʉ joʼo lɔɔ Zyɛm. Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle nye, ntɔʼ kaʼ lɔɔ Zyɛm, wé l'aka johlo.

Mataos 13:7

Guu paʼ mompœʼ nteme ze kur é mɨndwinʉ. Mompœʼ ze pah, bé e mɨndwinʉ ze gwɨe sama. Mɨndwinʉ ze kaʼ mɨpɛha mompœʼ myaa, myé ntɔʼ lire.

Markus 4:7

Guu paʼ mompœʼ ze kur é mɨndwinʉ. Mompœʼ ze pah, bé e mɨndwinʉ ze gwɨe sama. Mɨndwinʉ ze kaʼ mɨpɛha mompœʼ myaa, myé ntɔʼ lire, aka gumo mpumo.

Lʉkas 21:34

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

Lʉkas 8:14

Mʉʉ mompœʼ nteme, mé a kur ó, é bwah yé a be e mɨndwinʉ ɨ, sa nɨ lé edweʼle bʉr o b'a joʼo lɔɔ Zyɛm ɨ. Sa gwar, bé a be ó lé eyeʼbe bɨsa bɨ jobo yi, le okum e l'ogbaa ndwe e bɨgwɨma bɨ tiʼ yi. Bɨsa byaa, byé a be ó be é mɨleme é larada, bé l'abe e nkul eka gumo mɨmpaŋ mɨ mpumo é bɨtiʼ byɔɔ.

Lʉkas 8:6

Guu paʼ mompœʼ kur é bah ekoʼ. É jɔʼ mompœʼ maa, mé a pah ɨ, mé ze dwɛhla, ato ká ká, ebe, modibe, mé a baabe tɨ.

Lʉkas 8:8

Dam be no, guu paʼ mompœʼ wɛɛ, wé a si kur é si mocyɛʼ. Mompœʼ maa ze gwɨe le egumo mpumo. Etin egwar gumo mpumo nter.» É jɔʼ Yesʉs a sil lɛɛ be no e, nye ze lwib e be lé eyɨm twii ó: «Mʉr ndɨ e mogwal mo ejoʼo e, nye joʼa naa.»