Lʉkas 8:43 - Kálara Zyɛ̌m Edwán é mpʉ̌n

⁴³ ǃBé mu zi e zi nɛʼɛ, nuu mʉma ntɔʼ pyal. Nye a be ó syoblʉ, motié lé esolo-solo nye é nyʉl. Yé a be ó, nye osi baran e l'esyɛb laa tɔɔ mɨmbu ewʉm e mɨmba ɛ, si sil mobi me mɨmɛh é pe lé esaa dʉm, akœb mʉr tiʼ nye.

Kálar Nzyɛ̌m : Ejwán é Sáá

⁴³ Tó kœb ó, é bʉr baá, nyʉ́ʉ́ mʉ́má á be ó tɨ̂, metié lɨ́ esʉsolo nyé ɨ́ nyʉ̂l. Nye á si jâ le ekpaa laá mimbû kám e mimbá, sîl mɔnɨ́ yé yɨ́yɛ̂h ɨ́ pé lɨ́ esáa dʉ̂m, akœb mʉ̂r tíʼ nyê.

Lʉkas 8:43 Iomraidhean Croise

Markus 12:44

ebe, bʉʉ bʉr bɨbɛh, mpʉ bé ndɨ é twiha bɨsa ɛ, bé gba ó, paʼ mɔn ndɨ abe be e nyɔm é l'ekʉm lɔɔ ɛ. Nyɛɛ, dam be é l'enteʼe le tʉŋlʉ, nye gba ó, bim yiyɛh nye be e ye e, mobi me mɨmɛh.»

Markus 9:18

No ó gumo yiyɛh sisim waa lé emɛr nye e, wé enkɛŋ-nkɛŋ nye si, mogul dɨ pyal nye é nʉm é ntomo-ntomo, nye dɨ lwaare moje, nye mu é sʉnʉnʉ. No ó, me be ó lé ejwɨʼla e l'ompʉn bo ó, bé dwihɨ nye wa, bɛɛ l'akoʼo!»

Lʉkas 13:11

Nuu zyoo mʉma a be ó tɨ. Bɨbla sisim, yé a dil nye zyoo é nyʉl. Nye a kʉ ka di-di ó, njɨ kukur, tɔɔ mɨmbu ewʉm e mwom, aswɨʼa-swɨʼa.

Lʉkas 13:16

Mʉma nwa, nye ó ma nta mo Abraham. Satan nyɛɛ, nyi bɛa kaʼ nye monkara. Nye mu kɛʼa mbi waa ó, tɔɔ mɨmbu ewʉm e mwom. Bɨntɛɛ pa taare tiɔ é moho saba, a dwɛʼra e mʉr!»

Lʉkas 8:27

Pie Yesʉs a kʉ fulo é byɛl, cyɛb é pɨn, nuu mʉr nkana yaa ntɔʼ to bɔma e nye, mʉr waa e moleme. Nyɛɛ a di-di ó, abe e kan nkʉ ndwe, adi nteme é mɨmbɛr mɨ bʉr. Nye a di-di ó, njɨ mbaa mofoo.

Lʉkas 8:42

ebe, esehe le, mɨmbu ewʉm e mɨmba, lé a be nye etiʼe e mwan ɨ, lé a be ó, lé mu tiʼ le efie. Bé e Yesʉs mu lé eto nɛʼɛ, ntuntuma bʉr, yé kʉ ze mana nye é mompàh mo nyʉl.

Lʉkas 8:44

Nye ntɔʼ pyal Yesʉs pie koo, ze dihle kunokuno e nye, cen mbo, kuna e mozeʼle mo kan we. Cye e cye yaa, esyɛb laa, lé ntɔʼ sie lɨlɛh é jɔʼ gwar.

Yʉanes 9:1

Yesʉs lé eka laa yʉʉ gumo nɛʼɛ, nyi ze bee nuu mʉr a byɛl ntim ɨ.

Yʉanes 9:21

Sa gwar, bɨh bé agʉa sa sa ó, nye beŋɨ ɨ. Bɨh bɛɛ, bé apa kʉ gʉa mʉr bɛɛ nye mih ɨ. Dîʼe ga nye mʉr tɨ. Nye mu ó soho. Nye ejala le ebɨha mɨlɔb lé edwɛʼ nye e.»

Mɨlʉmlʉ 3:2

Yé ó e lʉʉ ebe lé ndɨ ejebɔ ó, Jaa ebe e. É nkpah ebe laa, yé a be ó e nuu mʉr a byɛl e mokʉ é fwam-fwam ɨ. Dobo lɨlɛh, nye a be ó lé enkɛɔ-nkɛɔ, to jyɛʼɔ-jyɛʼɔ é nkpah ebe laa ó, nye dɨʼe bono bʉr o b'a to dɨ bere é jahla bii mo Zyɛm ɨ. Nye a dɨ sa ó, pyɛh-pyɛh be mobo.

Mɨlʉmlʉ 4:22

ebe, mʉr a tiʼe é zi dweʼle nkul waa ɛ, a be ó e mɨmbu mowʉm monâ e mpuʼ.