Lʉkas 8:35 - Kálara Zyɛ̌m Edwán é mpʉ̌n

³⁵ Bʉr ntɔʼ tɨbla é mokwar mɔɔ, lé eze beɔ sa syɛɛlɨ ɨ. É jɔʼ bé a pyal gumo Yesʉs a be e, bé a kʉ kœb ó, mʉr a dwihɔ moleme e, nye mu ndindil e mɨkan é nyʉl, e pɨʼ we nyiwɛh. Nye a be ó é nkpah mokʉ mo Yesʉs. Bʉr o b'a ze e, kʉ ze jehɔ nye.

Kálar Nzyɛ̌m : Ejwán é Sáá

³⁵ Bʉr nzě dua ɨ́ mekwár mɔ́ɔ́, lɨ́ enzě beɔɔ̌ sâ syɛ́ɛ́ yɨ́. Jɔʼ bé á pyâl gúmó Yésʉs á be yɨ́, bé kǎ kœb ó, mʉr á dwihɔɔ meleme nyá, nye mû ndîndǐl le mikán ɨ́ nyʉ̂l, le pɨʼ nyé nyɨnyɛ̂h. Nye á be ó bǎʼ e mekʉ̌ mé Yésʉs. Bʉr o b'á nze bá, kʉ́ nzě kámɔɔ nyê.

Lʉkas 8:35 Iomraidhean Croise

Mataos 4:24

No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.

Markus 5:15

É jɔʼ bé a pyal gumo Yesʉs a be e, bé ze bee mʉr a sia e moleme e, nye mu tina ndindil é nkwɨblʉ, e mɨmpaŋ mɨkan é nyʉl, e pɨʼ we nyiwɛh. Bʉr o b'a ze e, kʉ ze jehɔ nye.

Lʉkas 10:39

No ó, Marta waa a be nteme ó e ncyom we, die le Maaria. Mpʉ Da a be lé elwib ɨ, Maaria waa a be ó ndindil kunokuno e mokʉ me, lé ejoʼlo sa nye a lɛɛ-lɛɛ ɛ.

Lʉkas 15:17

«Pie tɨ, ogʉ, wé osi sie nye é lʉ nɛʼɛ, nye ntɔʼ ze bula bi pɨʼ. Nye ó: “Osyɛl o mosa mo sɔŋ wam, bé entuʼba e mode, mɛm lé eze dwè za wâ!

Lʉkas 2:46

Molu molɛl, mé osi laa nɛʼɛ, bé ntɔʼ bee nye é jahla bii mo Zyɛm. Nye a be ó ndindil, teme oyeʼle o motie, nyɛɛ lé ejoʼlo be, ndwe le edî be motia.

Lʉkas 8:27

Pie Yesʉs a kʉ fulo é byɛl, cyɛb é pɨn, nuu mʉr nkana yaa ntɔʼ to bɔma e nye, mʉr waa e moleme. Nyɛɛ a di-di ó, abe e kan nkʉ ndwe, adi nteme é mɨmbɛr mɨ bʉr. Nye a di-di ó, njɨ mbaa mofoo.

Lʉkas 8:34

É jɔʼ obɔʼlʉ be onkʉ, bé a bee syɛɛla yaa ɛ, bé ntɔʼ kpɛɛ, to e lɔɔ waa nkana, e mompɔ́ɔ́ e mompɔ́ɔ́ mɛh.

Mɨlʉmlʉ 22:3

«Me ó Yʉden. Me a byɛl ó, Tarsʉs é lal Silisia. Me a ka ze lele mʉrʉm ó wâ. Me a be ó mwa sikʉlʉ mo Gamalyɛl. Nye ó b'a dwe me sikʉlʉ é mpʉ bɨna lé ejala le edu motie bɨmpam ga bina, byé a liʼe e. Leme wam, wé ó me é ntɨɨɨŋ ó, me dwiibɨ Zyɛm, jwɨʼ gwar e gwar mpʉ bɨn ndɨ nɨ, ze pyal é muh é dobo lɨ.

1 Yʉanes 3:8

Mʉr lé eto dolo lé esa mɨsyem ɨ, nyiha, nye ó waa mo Njwɨɨ moleme, ebe, Njwɨɨ moleme ó ndɨ etin e mɨsyem, duho é l'etɔɔrʉ. To kœb ó, Mwan mo Zyɛm a ze é si nwaʼ ó, nye nkʉʼ gbɛɛ bɨsyɛɛla mo Njwɨɨ moleme.