Lʉkas 8:31 - Kálara Zyɛ̌m Edwán é mpʉ̌n

³¹ Moleme maa ze jwɨʼla e Yesʉs ó, nye l'aka gba twii mojwɨʼa, ó mé kaʼ to ó é Bɨ-siʼe.

Kálar Nzyɛ̌m : Ejwán é Sáá

³¹ Meleme maá nzě jɨʼla e Yésʉs ó, nye ayɨ́ tyen mé ɨ́ bɨ́ dí sí ɨ́ kœ́ʼlɛ́ yɨ́.

Lʉkas 8:31 Iomraidhean Croise

Mataos 25:41

«Pie tɨ, nye ólɛɛ e baa ndɨ nye é mbo emyɛl ó: “Pʉʼa ga gumo me ndɨ ɨ, bʉr o Zyɛm a bɛa káale e. Toʼ ga é siʼe lé eduo njʉmdia e njʉmdia ɛ, siʼe Zyɛm a bɛa tira é l'efu mo Njwɨɨ moleme bé e beengles be e,

Lʉkas 8:28

No ó mbea nye a bee Yesʉs ɨ, nye ntɔʼ bahle nkœme, to bɨʼ mpom we si é mih me, ntɔʼ behe Yesʉs. Nye ó: «Yesʉs, Mwan mo Zyɛm ndɨ Lʉ bɨsa bibyɛh nya ɔɔ! Go esaa yé e me ɛɛ? Me ejwɨʼla e go: adwe me ntɨʼa ɔɔ!»

Lʉkas 8:32

Naa yé a be ó e daa le onkʉ, lé a be lé eto le ede mode mɔɔ é l'ecwɨʼ ɨ. Moleme maa ntɔʼ jwɨʼla e Yesʉs ó, nye mɛʼla ó, mé toʼ, to ni é monyʉl mo onkʉ baa tʉŋlʉ. Nye ntɔʼ mɛʼle ó, mé saʼ no.

Rôm 10:7

Bé a tile nteme ó: «Daʼ dî é leme go tʉŋlʉ ó: “Zé ófulo, to pyal é Bɨ-siʼe?”» (No yé elɛɛ ó, mʉr ayi pahle ó, nuu mʉr óka to kœb Krɨst kwar odwè, ntɔʼ bula e nye.)

Mɨngwiha 11:7

No ó, é jɔʼ bé ósil sa mboʼla wɔɔ ɛ, tir monyan óduho é Bɨ-siʼe. Tir waa ólʉo dɔm e be, ntaa be é nkul, le ejʉ be.

Mɨngwiha 17:8

Tir go a bee e, a bɛa ó be é jɔʼ mya. To kœb ó, nye aka be. Yi ka liʼ titia, nye ópàh, ze pʉʼa é Bɨ-siʼe. ǃNye si pʉʼa tɨʼ nɛʼɛ, nye òdwè. Zyɛm a si tile mie mo bʉr é kalara tiʼ tʉŋlʉ, duho é l'etɛɛrɨ e si nwa. No ó, bʉr o mie mɔɔ ndɨ l'anyin é kalara tiʼ waa ɛ, bé óbul jehe tir waa, ebe, bé óbee ó, nye a be ó si taare tiʼe. Nye ze dwè. Bé óbee nye nteme lé ebula pàh.

Mɨngwiha 19:20

Tir waa bé e mpʉmpʉl ngwiha mɨlɔb we, bé ntɔʼ mɛrɔ. Mpʉmpʉl ngwiha mɨlɔb waa ó b'a sa-sa bɨdweʼle bɨ nkul we é mih mo tir waa. Nye a be ó si gomlo bʉr é bebebebe zi lé elɛʼle be bɨdweʼle bye byaa. Ebe no ó bé a cɨma bɨtwii bye é monyʉl mɔɔ ɛ. Bé a be ó si dwiibɨ nteme baŋabaŋa dweʼle ye. Jɔʼ bé a mɛr tir waa bé e mpʉmpʉl ngwiha mɨlɔb we e, bé ze guho be é Bɨ-siʼe mɨkublakubla. Siʼe e pir, byé eduo tɨʼ ó moho e pum mɨcye.

Mɨngwiha 9:11

Tî wɔɔ, nye ó engles ndɨ e nkul mojwɨ̀ʼa é Bɨ-siʼe e. Bé ejebe nye é lwib ebrœ ó, Abadɔn. Yé be ó é lwib grɛk yɛɛ nɛʼɛ, lɛɛ ó, yé ó Apolion.