Lʉkas 8:21 - Kálara Zyɛ̌m Edwán é mpʉ̌n

²¹ Yesʉs ntɔʼ lɛɛ e bʉr bɨbɛh ó: «Nyɔŋ wam bé e l'obɨɔ bam, bé ó baa lé ejoʼo lɔɔ Zyɛm le edu we e.»

Kálar Nzyɛ̌m : Ejwán é Sáá

²¹ Yésʉs ntɔ̂ʼ lɛ́ɛ e bʉr bɨ́bɛ̂h ó: «Nyɔ̌ŋ wǎm, bɨ́ɔɔ́ bâm le okɛ́l bâm, bé ó baá o dí ejóʼǒ lɔ́ɔ́ mé Nzyɛ̌m, le esâ wé mejóʼo bá.»

Lʉkas 8:21 Iomraidhean Croise

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

Mataos 25:40

«No ó, njwɨɨbʉr, wé óka bɨha e be ó: “Me elɛɛ bɨn cyecye ó nɛɛ: gumo bɨn bé a sa mʉr ngwar é sama obɨɔ bam baʼ no e, dam be ó, waa ndɨ agbaŋɔ é nkɔb ɨ, gumo yaa, bɨn bé a sa nteme ó me.”

Mataos 25:45

«No ó, njwɨɨbʉr, wé óka bɨha e be ó: “Me elɛɛ bɨn cyecye ó nɛɛ: gumo bɨn bé a baasa mʉr ngwar é sama bʉr baʼ embɨa ɛ, dam be ó, nye a be ó waa ndɨ agbaŋɔ é nkɔb ɨ, gumo yaa nteme ó bɨn bé a baasa me embɨa ɛ.”

Mataos 28:10

No ó Yesʉs a lɛɛ e bʉba baa ó: «Ajoʼo ga bʉa. Toʼ, to lɛɛ ga yɛɛ obɨɔ bam ó, bé toʼ Galɨle, ebe, gʉʼ ó bé óbee me e.»

Lʉkas 8:15

No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»

Lʉkas 8:20

Bʉr ntɔʼ lɛɛ Yesʉs ó: «Mbe: nyʉŋ le obɨʉ, bé ó kaʼ kʉl lé egwɨm bee go.»

Yʉanes 13:17

Banana, bɨn mu ó si gʉa bɨsa byaa. ǃBɨn si ka sa bye nɛʼɛ, gʉŋa ga ó, bɨn bé óbe ó mbɨmbɨa.

Yʉanes 20:17

Yesʉs, nye e nye ó: «Daʼ nara e me, ebe, me dina ó apa to é jobo kʉ, boo Sɔŋ. Toʼ, to lɛɛ obɨɔ bam ó: “Me mu ó lé ebere, bula to nko Sɔŋ wam ndɨ ɨ. Nye nteme, nye ó sɔŋ win. Nye ó Zyɛm wam. Nye ó Zyɛm win nteme.”»

2 Korɛnt 5:16

Ebe no, banana, bɨh e bʉr o si nwa, bé aka bee mʉr mbea ngwar. Dam be mpʉ bɨh bé a taare bee Krɨst wɔɔ mbi mbea ɛ, banana, bɨh bé aka gʉa nye é mbi waa.

2 Korɛnt 6:18

Me óbe ó Sɔŋ win; bɨn bé óbe me ó bwan, mɨsile ndwe e mɨsoho. No ó Zyɛm Nkul nyiwɛh ndɨ elɛɛ ɛ.»

Jacques 1:22

Mokan Zyɛm lé elɛɛ bɨna ga ɛ, bɨn bé à du me. Ajoʼo ga njɨ e mogwal. ǃBɨn si joʼo njɨ e mogwal nɛʼɛ, lɛɛ ó, bɨn bé ekʉa ó bɨn bʉr o tɨ.

1 Yʉanes 2:29

Bɨna bé egʉa ga ó, Krɨst, nye ó cɨcyel mʉr. Bɨn bé ejala le egʉa nteme ó, mʉr nyiwɛh lé esa mɨmpaŋ bɨsyɛɛla ɛ, nye ó ndɨ mbyɛla mo Zyɛm.

3 Yʉanes 1:11

Mɨɔ kpɛl wam, abaŋa sa ndɨ é bebe e, njɨ yaa ndɨ é mbɨa ɛ. Mʉr lé esa bɨsyɛɛla bɨ ncwɨncwɨa ɛ, nye ó waa mo Zyɛm. Syɛl ebebe nyɛɛ, nye apa bee Zyɛm.