Lʉkas 8:2 - Kálara Zyɛ̌m Edwán é mpʉ̌n

² Esama e bʉr ewʉm e l'oba, bé e bʉba nye a dwih moleme ba ó nye a be-be. Bʉʉ, bé a be-be ó mɨsyoblʉ, nye ntɔʼ tiʼ be. É sama bʉba baa, yé a be ó e Maaria, sile Magdala, waa a dwihɔ moleme tambɛl ɨ,

Kálar Nzyɛ̌m : Ejwán é Sáá

² Ompʉ́n bé kám le obá ti e bʉ́ʉ́ bʉ́bá nyé á pa tiʼ lɨ́ eso méleme bá, le mimbêl nyé á tiʼ mí, bé e boo nɔ́ɔ́ ó b'á tʉ̂to. Bʉbá baá, bé á be ó Maria mʉmá Magdalâ, waá á dwihɔɔ meleme nzaangbá nyá,

Lʉkas 8:2 Iomraidhean Croise

Mataos 4:24

No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.

Markus 16:1

É jɔʼ moho saba, wé a be si laa ɛ, Maaria, sile Magdala, e Salʉma ndwe e Maaria, nyɔŋ mo Jacques, bé a be ó si to bwam labina ó, bé to ó lœm muu mo Yesʉs.

Markus 16:9

[É mpʉ Yesʉs a be, nye mu si pàh é foo é dobo e sono egwar laa ɛ, nye a taare lé enyin ó, boo Maaria, sile Magdala, mʉma nye a dwih moleme tambɛl ɨ.

Lʉkas 23:27

Mpampaʼ bʉr nɨnɨ, yé a be ó lé edu nye. Yé a be nteme ó e bʉba lé eze le ejɨ modwe é lʉ we e.

Lʉkas 23:49

Jyɛɛ Yesʉs bé e bʉba bé a du nye é koo pihe, taare é lal Galɨle, to kumo ɨ Yerʉsalɛm ɨ, bé a dɨ cyɛb ó, ba pɨnʉ, lé ebeɔ bɨsyɛɛla byaa bibyɛh.

Lʉkas 23:55

É jɔʼ Yoseb a to dɨl muu mo Yesʉs ɨ, bʉʉ bʉba ntɔʼ bee, ze duŋɔ nye, lé eto beɔ foo, beɔ nteme mpʉ muu, wé a ka jyɛʼɔ é foo e. Bʉba baa ó b'a bɛa be é mpampaʼ bʉr yé a du Yesʉs ɨ, taare é lal Galɨle, to kumo ɨ Yerʉsalɛm.

Lʉkas 8:30

Yesʉs ntɔʼ dî e nye ó: «Die lo, lé zé?» Nye ntɔʼ bɨha e nye ó: «Daa-e-moleme!» (Nye a lwib no ó, ebe, moleme é buobuo, mé a si bɛa ni nye é nyʉl.)

Yʉanes 19:25

Kunokuno e klos mo Yesʉs, nyɔŋ we a be ó tɨ, bé e mɨɔ mo nyɔŋ we, ndwe e Maaria, mʉma mo Kleopas, ka kɛl Maaria, sile Magdala.

Mɨlʉmlʉ 1:14

Mɨleme, myé a be ó be é ntɨɨɨŋ ó, bé gbaʼ monyʉl é syɛɛ mɨnjwɨʼla. Tɨʼ yé a be ó le obuʼla o bʉba, le Maaria, nyɔŋ mo Yesʉs, ndwe e l'obɨɔ mo Yesʉs.