Lʉkas 8:18 - Kálara Zyɛ̌m Edwán é mpʉ̌n

¹⁸ Ebe no, gʉa dwɛʼ ga mbi bɨn ndɨ ejoʼlo e. Mʉr ndɨ e tɨʼ ɨ, nye óbâʼle bul dweŋɔ. To kœb ó, waa ndɨ tɨtoʼo e, nye ópɛʼɔ ma bim nye ndɨ egʉa ó, nye e tɨʼ ɨ.»

Kálar Nzyɛ̌m : Ejwán é Sáá

¹⁸ «Gwá jôʼlo gá mekǎn mâm: mʉr dí e bisâ nyá, óbáʼǎ dweŋɔɔ byúú. Tó kœb ó, waá dí tʉ̂toʼó nyá, ópɛʼɔɔ mâ bím nyé dí e né nyá.»

Lʉkas 8:18 Iomraidhean Croise

Mataos 13:12

Mʉr ndɨ e tɨʼ ɨ, nye óbâʼle bul dweŋɔ, nye nkʉʼ di e bye é ntuʼ-ntu-ntuʼ. To kœb ó, waa ndɨ tɨtoʼo e, nye ópɛʼɔ ma bim nye ndɨ e tɨʼ ɨ.

Mataos 25:29

ebe, mʉr nyiwɛh ndɨ e guu paʼ bɨsa ɛ, nye óbâʼle dweŋɔ byʉʉ, nye nkʉʼ di e bye é ntuʼ-ntu-ntuʼ. To kœb ó, waa ndɨ tɨtoʼo e, nye ópɛʼɔ ma bim nye ndɨ e tɨʼ ɨ.

Markus 13:14

(Mɛm Markus, me elɛɛ waa lé eláa nwa ó, nye gʉa joʼo sa yi!) No Yesʉs a lɛɛ e be ó: «Mʉr bé lé ejebe-jebe ó, Ambuhlo-modɛɛ ɛ, nye óteʼbe bʉr é mih gumo nye ndɨ ajala le edi ɨ, é jɔʼ bɨn bé óbee mʉr waa ɛ, bʉr o lal Yʉda, bé ejala le ekpɛɛ, toŋɔ é mocwɨʼ!

Lʉkas 19:26

Nye ó: “Me elɛɛ bɨn ó nɛɛ, mʉr nyiwɛh ndɨ e guu paʼ bɨsa ɛ, nye óbâʼle dweŋɔ byʉʉ. To kœb ó, waa ndɨ tɨtoʼo e, nye ópɛʼɔ ma bim nye ndɨ e tɨʼ ɨ.

Lʉkas 9:44

«Bɨn bɛɛ, bɨn bé à kʉ gʉa mɛr ekan me muno ze lɛɛ bɨn é bananaʼ lɨ: Mwan mo Mʉr mu ó kunokuno le ekɛhɔ é mobo mo bʉr.»

Yʉanes 15:2

Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Mɨlʉmlʉ 10:33

No ó me ze kpahbe lomo bʉr é sɔɔlʉ go e. Go be ó si kʉ gʉa esa, lé ebana ze. Bɨh bɨbɛh mu si fwal wâʼ bananaʼ é mih mo Zyɛm ó, lé ejɨ joʼlo lɔɔ wiwɛh Da a lɛɛ e go ó, go ntaʼ, ze ntɛŋ bɨh ɨ.»

Mɨlʉmlʉ 17:11

Bʉr o Bere bé a kœb ɨ, bé a be ó é mbɨa mɨleme, laa oYʉden bé a be Tesalonika ɛ, ebe, mɨleme, myé a be ó be é ntɨɨɨŋ ó, bé jwɨʼɨ sikʉlʉ lé etiibe e Zyɛm ɨ. Dobo lɨlɛh, bé a be ó lé epahle Kalara Zyɛm lé ebee nkʉ sa Pol a lɛɛ-lɛɛ be e, yé a be ó cyecye.

Rôm 12:3

Zyɛm a si lɛʼle me ncwɨncwɨa we. É zi ncwɨncwɨa we waa ó me lé elɛɛ e mʉr nyiwɛh ndɨ é l'esama lɨn ó: mʉr beʼ l'abul láa nye mʉr tɨ. Nye seʼla nye mʉr tɨ, antaa njɨ. Mʉr nyiwɛh, nye pahla nye mʉr tɨ, nye nkʉʼ gʉa mbi mʉr nye ndɨ ɨ, lé edu mbi buʼo Zyɛm a gba nye é leme e.

1 Korɛnt 14:37

ǃƗ mʉr si bee ó, nye ó ngwiha mɨlɔb nɛʼɛ, nkʉ ntɔʼ ó, ǃnye si bee ó, nye ó e mɨndwɛa Mbɨambɨa Sisim a dwe nye wa, nye à gʉa nteme ó, sa me tile bɨn wâʼ kʉ ɨ, yé ó etie Da Yesʉs nye mʉr tɨʼ a tiile bɨna ga ɛ.

1 Korɛnt 3:18

Daʼ kʉa ga bɨn bʉr o tɨ. ǃƗ mʉr esama lɨn si láa ó, nye ó cɨcyoo é nko paʼ bɨsa bɨ mbi jɔʼ yiʼ nɛʼɛ, nye taara di mpʉ gʉ. Nye òka bi mpaŋ ocyoo,

1 Korɛnt 8:2

Mʉr ndɨ ejwɨʼ ó, nye si gʉa sɔʼɔ ɛ, nye apa gʉa bim lé ejala ó, nye gʉŋa ɛ.

Filipi 3:4

Me a be ó si ngbaa jyɛʼ taa buʼo yam é me mʉr tɨ. Yé be ó, yé e nuu mʉr ndɨ ebee ó, nye óbɛm jyɛʼ taa buʼo ye é nye mʉr tɨʼ nɛʼɛ, lɛɛ ó, me ó ndɨ elaa nye.

Ebrœ̂ 2:1

Ebe no ó bɨna lé ejala le egʉa joʼlo sikʉlʉ bé a taare ntɛŋ bɨna ga ɛ, é l'efu ó, bɨna beʼ ga l'aka lɨŋa é buʼo.