Lʉkas 8:13 - Kálara Zyɛ̌m Edwán é mpʉ̌n

¹³ Mʉʉ mompœʼ, mé a kur ó, é bwah yé a be é bah ekoʼ kʉ ɨ, sa nɨ lé edweʼle bʉr o b'a joʼo lɔɔ Zyɛm e bɨsʉhʉ é jɔʼ bé a jà we e. Sa gwar, bé a baadib lɔɔ waa zi ó, wé niʼe be é mɨleme tʉŋlʉ. Bé a kʉ ka buʼla we ó njɨ é ma jɔʼ, bʉr, bé ze tíile be é lɔb buʼo yɔɔ, bé ntɔʼ kaŋa e lɔɔ waa.

Kálar Nzyɛ̌m : Ejwán é Sáá

¹³ Bʉ́ʉ́ bʉ̂r, bé ó mpʉ̌ mpeʼ dí mbeá ɨ́ sí mékóʼ yɨ́. Bé lɨ́ enʉǎ lɔ́ɔ waá jɔʼ bé dí ejóʼo wé yɨ́. Sâ gwár, bé abîr ó, lɔ́ɔ waá, wé páhaa mikaalé ɨ́ milémé myɔ́ɔ́. Bé jaá bûʼla wé ó, njɨ ɨ́ mâ jɔʼ. Bé ntɔ̂ʼ gbɔba e búʼó yaá ɨ́ jɔʼ bʉ̂r mû lɨ́ etíble bé lɨ́ esú é búʼó yaá yɨ́.

Lʉkas 8:13 Iomraidhean Croise

Markus 6:20

ebe, Erod a be ó lé edwaabe Yʉanes. Nye a be ó lé egʉa, tiibe e Yʉanes ó, nye a be ó cɨcyel, ndwe e saŋ mʉr é mih mo Zyɛm. Ebe no ó nye a kamle-kamle e tiʼ ye e. Jɔʼ nye a joʼo Yʉanes lé elwib ɨ, nye a be ó leme é mo é zaaama. Nye a be-be ó, lé egwɨm joʼlo nye.

Lʉkas 8:12

Maʼ mompœʼ, mé a kur ó, é l'empàh e zi, sa nɨ lé edweʼle bʉr o b'a joʼo lɔɔ Zyɛm ɨ. Njwɨɨ moleme ntɔʼ ze, ze pɛʼ be wa é mɨleme, lé ekamle be lé ebuʼla we, nkʉ bi tiʼ molu mo mpoʼ mɨmɛh.

Lʉkas 8:14

Mʉʉ mompœʼ nteme, mé a kur ó, é bwah yé a be e mɨndwinʉ ɨ, sa nɨ lé edweʼle bʉr o b'a joʼo lɔɔ Zyɛm ɨ. Sa gwar, bé a be ó lé eyeʼbe bɨsa bɨ jobo yi, le okum e l'ogbaa ndwe e bɨgwɨma bɨ tiʼ yi. Bɨsa byaa, byé a be ó be é mɨleme é larada, bé l'abe e nkul eka gumo mɨmpaŋ mɨ mpumo é bɨtiʼ byɔɔ.

Yʉanes 15:2

Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Yʉanes 15:6

Mʉr bɨh e nɔɔ ndɨ abe é zyɛŋa ɛ, nye ómyahɔ kʉl mpʉ lɔɔ rezɛŋ ndɨ agumo e, wé lé emyahɔ ɛ. Wé efwâh. Bé ntɔʼ syɛŋ mɨlɔɔ myaa, é syɛŋ, syɛŋ, guho mye é l'ebeʼe e siʼe. Myé ntɔʼ sie lé ediʼe.

Yʉanes 5:35

Yʉanes a be ó mpʉ twima elama lé ekʉn bɨn zi ɨ. Bɨn ze kpɛl ó, bɨn soha tɔɔ ma jɔʼ, cye yiyɛh myɛn elama laa, lé a be lé epɛn myɛn ɨ.

1 Korɛnt 13:2

Me óbɛm nolɔ bɨntɔɔ bɨ egwih mɨlɔb myé ósyɛɛlɨ ɨ, le byaa bɨ epɛʼle lwib odim yiyɛh, le byaa bɨ egʉa sa yiyɛh. Me óbɛm be e buʼo é mbi ndɨ ó, me pɛʼɛ mocwɨʼ é bɨcye byɔɔ ɛ. Sa gwar, ǃme baabe e kpɛl nɛʼɛ, gʉa ó, me abe sɔʼɔ.

1 Korɛnt 15:2

ǃBɨn bé óbaʼle lɔɔ waa mbɨmbɨa é mɨleme min mpʉ me a tuno bɨn nɛʼɛ, wé ódwe bɨn tiʼ molu mo mpoʼ mɨmɛh. Yé be, yé abe no nɛʼɛ, lɛɛ ó, buʼo yin, yé ó kʉ be mbɛh.

Galásia 3:1

Bɨn bʉr o Galat, bé ó kʉ be bɨgʉ. Zé a pa kʉ gomlo bɨn é bebebebe buʼo yɔɔ? Me a si kʉ gʉa lɛʼle bɨn, bɨn ze bee é sʉlʉlʉ mpʉ Lœma mulo mo Zyɛm, Yesʉs, a si bomlɔ e mosen, le ebɨnɔ é klos kʉ ɨ.

Galásia 3:4

Zê bɨn bé a si sia e buobuo mɨtuu mbɛh ɛ? Me abuʼla ó, myé ó mbɛh e mbɛh.

Éfɛsɔs 3:17

Me ejwɨʼla nteme e nye ó, Krɨst komla odia we é mɨleme min tʉŋlʉ, ebe buʼo yin. Me ejwɨʼla nteme e nye ó, bɨn cyɛba é nkʉʼʉ ebe leme ncwɨncwɨa win.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

Kolosi 2:7

Buʼo bɨn ndɨ e ye e, yé paha mɨkaale. Yé toʼ dolo lé egwɨe le ebwaʼ. Jyɛʼɛ ga taa buʼo yin boo nye, mpʉ bé a dwe bɨn sikʉlʉ tɨʼ ɨ. Toʼ ga dolo lé edwe Zyɛm kum.

1 Tesalonika 3:5

Ebe no, é mpʉ me a baaka be e nkul edihbe e, yé ó me a fuo lomo Timote ó, nye ntaʼ gʉʼ bɨn ye, ó nye gʉŋa cye buʼo yin mu ɨ. Leme, wé a si kolo me é lɔb win, ó yʉʉ jɔʼ, mpʉ Satan lé eboblo bɨn ɨ, bɨn bé a si to gʉmla é yʉʉ bebebebe zi. Me a dɨ syɛl ba e bɨn, mɛm lé etoŋlo ó, syɛɛ bɨh bé a sea bɨn ye e, yi dwè ntuʼ.

1 Timotɛ 1:19

Go óbaʼle buʼo yo e mɨpɛhla mɨ leme ndɨ é pyɛɛɛ ɛ. Bʉʉ bʉr, bé a si tine buʼo yina, buʼo yɔɔ yaa ntɔʼ lɨra, mpʉ titima lé edɨ é modibe, dim ɨ.

Ebrœ̂ 10:39

Sa gwar, bɨna ga bɛɛ, bé abe bʉr o ndɨ ebuulo ntuʼo, ntɔʼ pɔhba, to dim ɨ. Bɨna ga bé ó bʉr o ndɨ e buʼo, baa bé óbi tiʼ molu mo mpoʼ mɨmɛh ɛ.

Jacques 2:26

Yé ó jwɨʼ gwar e gwar yaa nteme e nyʉl mʉr: é jɔʼ mʉr ndɨ si pʉʼa sisim e nyʉl ɨ, nye mu ó muu. Buʼo ndɨ anyin bɨsyɛɛla ɛ, yé nteme, yé ó muu.

2 Pyɛr 2:20

ǃƗ mʉr si gʉa Tî ga wina le Tiʼbʉr ga wina Yesʉs-Krɨst, le esyɛhle bɨbol bɨ si nwaʼ nɛʼɛ, ǃnye si bâʼle kʉ bir pie tɨʼ ó, ebebe laa, lé bâʼla mara nye wa, tiʼ ye, yé óka bebe, ntaa njɨ, laa mpʉ yé a taare be e,

2 Pyɛr 2:22

Sa yé a pyal be e, yé ebɔma e mokan bɨntuntu moba ma. Mé elɛɛ é l'ocyecye ó: «Mpye, nye efiʼ ó, bula to de bɨjʉʉlʉ bye.» Lʉʉ ekan e tɨ, lé elɛɛ ó: «Pie bɨ sil jwɨ̀ɨ nkʉ, nye ntɔʼ laa, bula to biila é bɨjyɛn.»

1 Yʉanes 2:19

Bʉr baa, bé a si kaŋa e Krɨst, mʉa é l'esama ga lɨna, toŋɔ kʉl. Bé a baabe yɛɛ obɨɔ ga bɨna. Nkʉ bé a be ó be, be bʉr be esama ga lɨna nɛʼɛ, mpa bɨna ga e boo nɔɔ, bé dina ó sama, ze pyal é muh é dobo lɨ. To kœb ó, yé a kʉ jala ó, bé laŋa, to yɔɔ, yé nkʉʼ nyin é kpɛŋlɛm ó, abe e mʉr é sama yɔɔ a be é zyɛŋa ga wina.

Yʉ̂d 1:12

Jwɨʼ yɔɔ, yé entɨʼ nteme é nko paʼ win. Bé eze e mbʉl é mbɛr Zyɛm é jɔʼ bɨn, obuʼla, mu lé epuhba mobo e. Baʼ bʉr, bé ede-de ó, lɔʼba-lɔʼba, ajoʼɔ ba fwon. Bé ekʉ ka kaale ó njɨ myɔɔ mɨmo. Bé enwɨɨla ó e mɨnkur lé edwine é dwine dwine, l'anwɨɨ mpie e. Pubo ntɔʼ cen be é paʼ fih. Bé enwɨɨla nteme ó e bɨlɨ bɨ ndɨ esam, é sam, sam, agumo yɛɛ mpumo e, dam be ó é jɔʼ nkono. Byé edwè ó, zɔʼ ba, ebe, byé eka munɔ si.