Lʉkas 8:10 - Kálara Zyɛ̌m Edwán é mpʉ̌n

¹⁰ Yesʉs ntɔʼ bɨha ó: «Bɨn ó Zyɛm a gwih lwib odim lé etiibe e jwɨ̀ʼa ye e, ó bɨn gʉŋa ye é kpɛhla. Sa gwar, bʉr ofih bɛɛ, bé ekʉ ka gʉa joʼo ó njɨ é zi bɨkɨkɛna é l'efu ó, mokan mo Kalara Zyɛm, mé dira. Yé ó tila ó: “Bé ósyɛm mih é jɔʼ yiyɛh; sa gwar, bé aŋa gʉa bee. Bé óceŋle mogwal, abi ba pɨʼ.”

Kálar Nzyɛ̌m : Ejwán é Sáá

¹⁰ Yésʉs ntɔ̂ʼ yala ó: «Bɨ̌n ó Nzyɛ̌m á gwîh bisâ bi dí misolá ɨ́ Mpóʼo nyé bí, ó bɨ̌n gʉ́ŋaa byé ɨ́ pébébé. Sâ gwár, ɨ́ páʼ bʉ̂r oswîh bɨ́ɛ, bé kʉ́ gwá jóʼo ó, njɨ ɨ́ nzɨ̌ bikɨkɛna, lɨ́ esú ó, mekǎn me ngwíha milɔ̌b mé Nzyɛ̌m, mé díraa. Nye á cɛma ó: “Bé lɨ́ edwɛ̂ʼ e mîh mimběʼ, abee. Bé lɨ́ ejôʼlo e megwǎl, ajóʼo, agʉ́a ntémé.”

Lʉkas 8:10 Iomraidhean Croise

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

Mataos 16:17

Yesʉs ntɔʼ lɛɛ e nye ó: «Mocyɛʼ mo mpom, mé ó e go, Simɔn, mwan mo Yʉanes! Ntʉʼ mʉr bɨpuno le motié gwih go sa yaa. Yé be ó Sɔŋ wam ndɨ é jobo kʉ ɨ. Nye ô lɛʼle go ya.

Markus 4:11

Yesʉs ntɔʼ lɛɛ ó: «Bɨn ó Zyɛm a gwih lwib odim lé etiibe e Jwɨ̀ʼa ye e. Sa gwar, é nko paʼ bʉr ofih bɛɛ, bé ekʉ ka gʉa ejoʼo ó njɨ é zi bɨkɨkɛna é l'efu ó, mokan mo ngwiha mɨlɔb, mé dira. Nye a tile ó:

Markus 4:12

“Bé ósyɛm mih é jɔʼ yiyɛh; sa gwar, bé aŋa gʉa bee. Bé óceŋle mogwal; abi ba pɨʼ. Nkʉ bé a be ó be, bi pɨʼ waa nɛʼɛ, mpa bɨ gwɨma ebebe lɔɔ, le edwir mɨleme. Yé a ngbaa be nteme ó, mɛm lé epɛʼ bɨbaa bɨ ebebe me a niʼe be e.”»

Yʉanes 12:40

«Zyɛm a be ó si liŋ be ontim le elɨl be mɨleme, ó bé l'ayi ka bee e mih mɔɔ, nkʉ gʉa é kpɛhla, lé ebene ó, bé amu jaa dwibra, to nko nye ndɨ ɨ, ó nye joma be.»

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

1 Korɛnt 12:11

Yé ó e mʉr ngwar ó ndɨ esa bɨsyɛɛla byaa bibyɛh: Mbɨambɨa Sisim. Nye enol mʉr nyiwɛh bɨntɔɔ ó, mpʉ nye lé ekpɛl ɨ.

Kolosi 2:2

Me ejaʼra e mɨtuu myaa ó, me gbaʼ bɨn nkul é monyʉl, le esa ó, bɨn syɛŋa é leme ncwɨncwɨa. Bɨn nkʉʼ gʉa buʼo ga yina é kpɛhla, sa ndɨ bɨn e buobuo nyɔm ɨ. Bɨn gʉŋa nteme Krɨst, mʉr Zyɛm a fol é lwib odim ɨ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»