Lʉkas 7:8 - Kálara Zyɛ̌m Edwán é mpʉ̌n

⁸ Me egʉa ó, go e nkul esa no, ebe, me ó e bʉr o ndɨ ejwɨʼ me e. Me nteme, me e bɨzima é mojwɨ̀ʼa mam. Me elɛɛ e yiʼ ó: “Toʼ”, yé ntɔʼ to. Me e yʉʉ ó: “Ntaʼ”, yiha ze. Me eka lɛɛ e syɛl mosa wam ó: “Saʼ sa yiʼ”, nyɛɛ sa-sa saʼ.»

Kálar Nzyɛ̌m : Ejwán é Sáá

⁸ Me lɨ́ egʉ́a ó, go e nkul esâ nó, ebě, me ó e bʉr o dí ejwɨ́ɨ mé bá. Mɛm ntémé, mé e bisója ɨ́ jwɨ́ɨ́ yâm. Mě jaá lɛ́ɛ e yɨ̂ʼ ó: “Tóʼ”, yê ntɔ̂ʼ tô. Me e yʉ́ʉ́ ó: “Ntáʼ”, yɨ́haá nze. Me kǎ lɛ́ɛ e syɛ̂l mesâ wǎm ó: “Sáʼ sɨ̂ʼ yɨ̂”, nye sâ.»

Lʉkas 7:8 Iomraidhean Croise

Lʉkas 7:7

Ebe no ó me bee ó, yé ajala nteme ó, me mʉr tɨʼ soha go e. Lɛŋɨ njɨ ekan egwar, syɛl mosa wam tiʼa!

Lʉkas 7:9

Ejoʼo Yesʉs a joʼo mokan maa ɛ, nye kʉ ze jehe nye, ze dwibra, dwɛʼ mpampaʼ bʉr yé a du nye é koo pihe e. Nye ó: «Me elɛɛ bɨn ó nɛɛ: Ebee me lé ebee buobuo buʼo e, lé ó lɨ. Abe e mʉr Ɨzraɛl ndɨ esa no.»

Mɨlʉmlʉ 23:17

Pol nyɛɛ ze jebe nuu njwɨɨ nter bɨzima. Nye e nye ó: «Toʼ e ma soho nwaʼ nko njwɨɨ bɨzima nɨnɨ win ndɨ ɨ, ebe, nye e yʉʉ sa nye lé egwɨm lɛɛ nye e!»

Mɨlʉmlʉ 23:23

Pie tɨ, njwɨɨ bɨzima nɨnɨ ze jebe bʉʉ ojwɨɨ o nter bɨzima oba. Nye e be ó: «Syɛŋɨ ga bɨzima mɨnter mɨmba, ndwe e bʉr mowʉm tambɛl ndɨ okœʼa o bɨkabala ɛ, kɛl obil o mokʉa mɨnter mɨmba. Kʉmsa ga ó, bɨn toʼ Sezare é mowala bu mo pum.

Mɨlʉmlʉ 23:26

Yé ó mɛm, Klodiʉs Lisyas, ó lé etile go, Tamamʉr Felik, Ngoman wih. Me esoho go.

Mɨlʉmlʉ 23:31

Bɨzima ntɔʼ sa mpʉ nye a lɛɛ ó, byé saʼ ɛ. Byé ntɔʼ nʉa Pol, to liʼle nye é pum e pum, to pyal Antipatris.

Mɨlʉmlʉ 24:23

No ó nye a liʼe nʉm e njwɨɨ nter bɨzima a baʼle Pol ó, nye paʼ pɨr nye é mbɛr mɨmbʉʼ tʉŋlʉ. Sa gwar, nye à bir-bir nye ɨ byʉʉ bɨjɔʼ. Nye a mɛʼle nteme ó, ofo be, bé ntaʼ, ze dɨ tʉŋ nye.

Mɨlʉmlʉ 25:26

Me abe e simsim sɔʼɔ me ndɨ e nkul etile tî wam é lʉ mo Pol. Ebe no ó me ze e nye kaʼ é mih mɨn ɨ. Me kʉ bul ze e nye wâʼ ó, é mih mo, Tamamʉr Agripa, é l'efu ó, é jɔʼ bɨna bé ósil pahle lɔb we e, me nkʉʼ gʉa sa me tila tî wam ɨ.

Kolosi 3:22

Bɨn molʉa, bɨn bé ejala le esa ojwɨʼa bɨn, baa ndɨ bʉr o si nwaʼ ɛ, mojoʼo é nko paʼ wiwɛh. Asa ga be mojoʼo njɨ é jɔʼ bé lé edwɛʼ bɨn ɨ. Mbi syɛɛla nɨ, yé ekʉ lɛʼle ó, bɨn bé ekolo be ó kola. Bɨn bʉr o ndɨ edwaabe Da Yesʉs ɨ, saʼ ga be mojoʼo ndɨ eduho bɨn é mɨmo si ɨ.