Lʉkas 7:47 - Kálara Zyɛ̌m Edwán é mpʉ̌n

⁴⁷ Ebe no, me elɛɛ go ó nɛɛ: é mpʉ nye ndɨ si lɛʼle mpwaʼ kpɛl no e, yé elɛʼle ó, Zyɛm, nyi pɛʼ nye bɨbaa bibyɛh nye a niʼe é lɔb mɨsyem mye e. Myé nteme, myé a be ó é bul buo! No ó, é jɔʼ Zyɛm lé epɛʼ bɨbaa bɨ ebebe ba bim ɨ, mʉr pɛʼɔ bɨbaa byaa ɛ, nye ókpɛl Zyɛm ó ba bim.»

Kálar Nzyɛ̌m : Ejwán é Sáá

⁴⁷ Sá tɨ̂ʼ ó mé dí elɛ́ɛ gó ó: mpʉ nyé mû sí lɛ̂ʼle mpwâʼ kpɛ̌l yé nó yɨ́, yé lɛ́ʼlé ó, Nzyɛ̌m, nyɨ́ pɛʼ nyé bibaa bí ébébe bíbyɛ̂h nyé á niʼe lɨ́ lɔ̌b mísyóm myé bí. Myé ntémé, myé á be ó, ɨ buú buo! Nó ó, ɨ́ jɔ̌ʼ Nzyɛ̌m ópɛʼ bíbaa bí ébébe bá bím yɨ́, mʉr á pɛʼɔɔ bibaa byaá nyá, ókpɛ̌l Nzyɛ̌m ó bá bím.»

Lʉkas 7:47 Iomraidhean Croise

Mataos 10:37

«Waa lé ekpɛl sɔŋ, nkʉ nyɔŋ, laa bim nye ndɨ ekpɛl me e, nye é dwɛhba, ajala e me. Waa lé ekpɛl ma soho we, nkʉ sile we, laa bim nye ndɨ ekpɛl me e, nye é dwɛhba. Nye ajala e me.

Lʉkas 7:39

No ó, é jɔʼ Farizyɛŋ a baŋle Yesʉs ɨ, a bee syɛɛla yaa ɛ, nye ntɔʼ taare lé elwib é leme we tʉŋlʉ ó: «Nkʉ mʉr nwaʼ a be ó be, be ngwiha mɨlɔb cyecye nɛʼɛ, mpa nyi gʉa ó, mʉma lé ekuna e nye nwa, nye ó é bul jwɨ̂ʼlɨ e mɨsyem!»

Lʉkas 7:46

Go baalœm me mulo é lʉ. Nyɛɛ, nyi lœm mokʉ mam labina!

Lʉkas 7:48

Nye ntɔʼ lɛɛ e mʉma ó: «Bɨbaa bɨ ebebe byo, bi pɛʼɔ!»

Mɨlʉmlʉ 5:31

To kœb ó, Zyɛm nyɛɛ, nyi bɨr nye kʉ, dil nye é mbo ejʉm we, cyel nye é dia Cyɛb efoʼ ndwe e Tiʼbʉr é l'efu e bʉr bɨbɛh. Nye a sa no ó, nye nkʉʼ dib bwa b'Ɨzraɛl zi egwɨma mobebe mɔɔ, le edwir mɨleme, ó nye nkʉʼ pɛʼ bɨbaa nye lé eniʼe-niʼe é lɔb mɨsyem myɔɔ ɛ.

Rôm 5:20

Zyɛm a tiile bʉr motie é l'efu ó, bʉr ntaŋa motie é buobuo. Dam be no, é jɔʼ mɨsyem mɨ bʉr, myé a dɨ buo no e, é jɔʼ gwar e gwar yaa nteme ó Zyɛm a bul lɛʼle be ncwɨncwɨa we, laa naa ɛ.

2 Korɛnt 5:14

Sa lé etine bɨh ɨ, yé ó kpɛl Krɨst a gba bɨh é mɨleme e. Bɨh bɨ bee ó, mpʉ mʉr ngwar a dwè, jala e bʉr bɨbɛh ɛ, yé elɛʼle bɨna ga ó, bʉr bɨbɛh, bé a si dwè.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Éfɛsɔs 6:24

Mocyɛʼ mo mpom mo Zyɛm, mé swɨŋɨ é mʉr nyiwɛh lé ekpɛl Tî ga wina Yesʉs-Krɨst kpɛl apurapura ɛ.

Filipi 1:9

Mɨnjwɨʼla me lé ejwɨʼla é l'efu lɨn ɨ, myé ó: kpɛl yin, yé bwaʼa bwaʼa. Kpɛl yin, yé gwɨa é l'ocyoo le pɨʼ.

1 Timotɛ 1:14

Ebe no ó Tî ga wina a sʉ me mocyɛʼ mo mpom, abe e tolɔɔ ɛ. Nye a si gba me nteme buʼo ndwe e kpɛl é leme. Byé ó, é l'efu e bʉr o ndɨ é zyɛŋa wɔɔ boo Yesʉs-Krɨst ɨ.

1 Yʉanes 1:7

Yé be ó, bɨna bé ekœʼ ga mbɨambɨa ebò e cyen é myɛn tʉŋlʉ, du mpʉ Zyɛm nye mʉr tɨʼ ndɨ é myɛn nɛʼɛ, lɛɛ ó, bɨna bé óbe ga é mpaŋ zyɛŋa-mɨleme é jɔʼ yaa. Motié mo Mwan we Yesʉs, mé ópubo bɨna ga, pɛʼ mɨsyem mimyɛh.

1 Yʉanes 3:18

Bwan bam aa! Yé ajala ó, kpɛl ga yina, yé nyinɨ njɨ é mokan mo nʉm bɨna lé elɛɛ ga ɛ. Yé ekʉ jala le ebul nyin ó, é bɨsyɛɛla bɨna lé esa ga é l'ocyecye e.

1 Yʉanes 4:19

No ó, é nko paʼ ga wina, bɨna ga bɛɛ mu ó lé ekpɛla ga ó, ebe, nye a si taare kpɛl bɨna ga.

1 Yʉanes 5:3

Mpʉ mʉr lé ejala le elɛʼle Zyɛm kpɛl ó yi: é zi edu motie me. Motie me, mé abul kɔbla lé edu,