Lʉkas 7:41 - Kálara Zyɛ̌m Edwán é mpʉ̌n

⁴¹ Yesʉs ntɔʼ lɛɛ ó: «Yé a ze be ó, bʉr oba e mpɔla mɔn boo nuu mʉr a kʉl-kʉl bʉr mɔn ɨ. Nwaʼ, mɨsaŋ mɨ odenie mɨnter mɨtɛn; nuu, mɨsaŋ mɨ odenie mowʉm motɛn.

Kálar Nzyɛ̌m : Ejwán é Sáá

⁴¹ Yésʉs ntɔ̂ʼ lɛ́ɛ ó: «Bʉr obá, bé á be ó e mpʉ́lá mɔnɨ́ kwá nyʉ́ʉ́ mʉ̂r á kʉkʉl bʉr mɔnɨ́ nyá. Nyâʼ, minzaŋ mí mɔnɨ́ minter mitɛ̂n; nyʉ́ʉ́, minzaŋ mekám métɛ̂n.

Lʉkas 7:41 Iomraidhean Croise

Mataos 18:28

«Pyala syɛl mosa nɨ a kʉ pyal kʉl ɨ, ze fuuba e mʉr nduo we a be nye e mpɔla mɨsaŋ mɨ odenie nter ɨ. No ó nye a ze mɛr nye, ze fuʼo nye etam é twii. Nye e nye ó: “Go jɛna ó, me bim mɔn go ndɨ me e ya wâʼ bɨjyɛn afwâh!”

Mataos 6:12

Pɛʼɛ bɨbaa bɨ ebebe bɨh go di eniʼe é lɔb mɨsyem mɨh ɨ, mpʉ bɨh lé epɛʼ byaa bɨ bʉr o ndɨ esa bɨh ebebe e.

Markus 6:37

No ó Yesʉs a lɛɛ be ó: «Bɨn bʉr o tɨ, dweʼ ga be mode.» Bé ntɔʼ dî e nye ó: «Gwɔɔ lɛɛ ó, bɨh dweʼ be mode. Zê go agʉa ó, mode mé ójala e bim bʉr yiʼ ɨ, mé etwe mɨsaŋ mɨ odenie mɨnter mɨmba ɛ?»

Lʉkas 11:4

Pɛʼɛ bɨbaa bɨ ebebe bɨh, mpʉ bɨh lé epɛʼ byaa bɨ bʉr o ndɨ esa bɨh ebebe e. Ato e bɨh é mobʉbla tʉŋlʉ.»

Lʉkas 12:48

Syɛl mosa fih, waa a baagʉa bɨgwɨma bɨ sɔŋ we e, dam be ó, mpʉ nye lé esa syɛɛla ndɨ ejala e ntɨʼa ɛ, nye aŋa bul bîŋɔ. Mʉr a bul dweŋɔ ɛ, nye ódîŋɔ ó, nye dɨʼe dwe nteme é buobuo. Mʉr a bul buʼlɔ, ntɔʼ dweŋɔ ekʉm ɨ, nye ódîŋɔ ó, nye bula ntɨh, laa bim nye a taare dweŋɔ ɛ.»

Lʉkas 13:4

Zê bɨn bé lé ejwɨʼ ó, bʉr ewʉm e mwom toloŋo mbɛr mo Siloe, wé a bila ɛ, ó b'a bul bebe, laa bʉr o Yerʉsalɛm bɨbɛh ɛ?

Lʉkas 7:40

Yesʉs ze nʉa lwib. Nye e Farizyɛŋ nɨ ó: «Simɔn, me e sa elɛɛ go.» Simɔn, nye e nye ó: «Yeʼle, lwibɨ, me ejoʼo.»

Lʉkas 7:47

Ebe no, me elɛɛ go ó nɛɛ: é mpʉ nye ndɨ si lɛʼle mpwaʼ kpɛl no e, yé elɛʼle ó, Zyɛm, nyi pɛʼ nye bɨbaa bibyɛh nye a niʼe é lɔb mɨsyem mye e. Myé nteme, myé a be ó é bul buo! No ó, é jɔʼ Zyɛm lé epɛʼ bɨbaa bɨ ebebe ba bim ɨ, mʉr pɛʼɔ bɨbaa byaa ɛ, nye ókpɛl Zyɛm ó ba bim.»

Rôm 3:23

Bɨbɛh bé a be ó si sa syem. Kum mo Zyɛm mu ó si cɛra e be.

Rôm 5:20

Zyɛm a tiile bʉr motie é l'efu ó, bʉr ntaŋa motie é buobuo. Dam be no, é jɔʼ mɨsyem mɨ bʉr, myé a dɨ buo no e, é jɔʼ gwar e gwar yaa nteme ó Zyɛm a bul lɛʼle be ncwɨncwɨa we, laa naa ɛ.