Lʉkas 7:29 - Kálara Zyɛ̌m Edwán é mpʉ̌n

²⁹ (Mɨzɨze mɨ bʉr mimyɛh, dam be ó, onwɨa o tœa, bé a be ó lé egʉa kʉ joʼlo sa Yʉanes a lɛɛ-lɛɛ ɛ. Bé a be ó si gʉa ó, Zyɛm ó ndɨ e l'ocɨcyel. No ó bé a ze sa ó, Yʉanes dùʼo be.

Kálar Nzyɛ̌m : Ejwán é Sáá

²⁹ «Minzɨnzɨ mi bʉ̂r mímyɛ̂h, damá jóʼo ónwɨa ó mɔnɨ́ tœ́a, myé á be lɨ́ egwá kʉ́ jôʼlǒ sá Yʉánɛs á lɨlɛ́ɛ yɨ́. Bé á be ɨ́ gʉ́a ó, Nzyɛ̌m ó dí e nkam. Nó ó bé á nze sâ ó, Yʉánɛs dúʼoo bê.

Lʉkas 7:29 Iomraidhean Croise

Mataos 5:46

Yé be ó, bɨn bé ekpɛl ó, njɨ baa lé ekpɛl bɨn nɛʼɛ, a bɨn bé óbono myɛna mo Zyɛm naa yáa gumo? Onwɨa o tœa, bé esa nteme ó, jwɨʼ gwar yaa!

Lʉkas 20:6

ǃBɨna si bɨha ga ó: “Bʉr o b'a lomo nye” nɛʼɛ, bʉr bɨbɛh, bé ólumo bɨna ga mokoʼ, ebe, bɛɛ bɨ kʉ gʉa ó, Yʉanes a be ó ngwiha mɨlɔb.»

Lʉkas 3:12

Onwɨa o tœa nteme, bé a si ze, lé eze nʉa ndubo. Bé ze dî e Yʉanes ó: «Yeʼle, bɨh bɛɛ, bé ejala le esa nyá ɛ?»

Lʉkas 7:28

Yesʉs, nye e be ó: «Me elɛɛ bɨn ó nɛɛ: é sa yiyɛh yé a nya sʉ ɨ, abe e mʉr ngwar ndɨ é bwaʼ le buo kum mpʉ mo Yʉanes. To kœb ó, mʉr ndɨ é twaʼbe é jwɨ̀ʼa mo Zyɛm ɨ, nye é bul bwaʼ, laa nye.»

Lʉkas 7:35

Sa gwar, ocyoo mo Zyɛm wɛɛ, wi bi mokebe é bʉr bɨbɛh lé edu we e.»

Mɨlʉmlʉ 18:25

Nye a si bul dweŋɔ sikʉlʉ é mpʉ mʉr lé edu zi mo Da Yesʉs ɨ. Sikʉlʉ yaa, yé a si kʉ kubla nye é leme. Nye a be nteme ó, lé elɛɛ bʉr lɔɔ lé etiibe e Yesʉs ɨ, le edwe bʉr sikʉlʉ tɨʼ é l'ocɨcyel. Sa gwar, cye yaa yiyɛh, nye a kʉ ka gʉa ó, njɨ yé ó e ndubo mo Yʉanes wé ome.

Mɨlʉmlʉ 19:3

No ó Pol a dî e be ó: «Yé be no nɛʼɛ, bɨn bé a pa kʉ nʉa wáa mbi ndubo?» Bé ntɔʼ bɨha e nye ó: «Bɨh bé a nʉa ó ndubo mo Yʉanes.»

Rôm 10:3

É mpʉ bé a be ó si jeʼe mbi Zyɛm lé edwe bʉr mokebe e, bé a kʉ ka saa ó, njɨ bé biʼe mokebe é lɔb ocɨcyel wɔɔ, benɔ lé efil bé bʉr o tɨʼ si e Zyɛm ó, nye nkʉʼ dwe be mokebe edwɛna.

Mɨngwiha 15:3

jɛɔ jɛɛ mo Moyiz, syɛl mosa mo Zyɛm. Jɛɛ yaa nteme, yé ó yaa mo Ma Ntœme. Bé a jɛɛ ó: «Da Zyɛm Nkul nyiwɛh! Bɨsyɛɛla byo, byé é laŋle bwaʼ. Ndwe nteme, byé ó bɨsa bɨ jehe. Mozi mo mɨmɛh, mé ó ocɨcyel. Mé ó maa mo ocyecye. Ndwe nteme, go ó Njwɨɨbʉr lé ekœʼ e bɨkul bibyɛh ɛ.

Mɨngwiha 16:5

Me ze joʼo engles lé ejwɨʼ montibe e maŋ ɨ, lé elɛɛ ó: «Da, go a bɛa ó be. Go nteme ó ndɨ. Go ó Waa ndɨ ti ɨ. Go ó cɨcyel mʉr, ebe, go a si tiʼe mɨlɔb myɔɔ mbi tiʼa winɨ,