Lʉkas 7:2 - Kálara Zyɛ̌m Edwán é mpʉ̌n

² Ɨ gʉ, yé a be ó e nuu njwɨɨ nter bɨzima bɨ Rom. Nye a be ó e nuu syɛl mosa nye a be é bul kpɛl ɨ. Syɛl mosa we waa a be ó lé esyɛb, nye mu tiʼ le efie.

Kálar Nzyɛ̌m : Ejwán é Sáá

² Ɨ́ gúmo yaá, yé á be ó e nyʉ́ʉ́ kapitɛ̂n bisója bí Rôm. Nye á be ó e nyʉ́ʉ́ syɛ̂l mesâ nyé á be ɨ́ buú kpɛl nyá. Syɛ̂l mesâ wé waá á be ó mbêl. Wé á be ó, wé mû kúno edwe.

Lʉkas 7:2 Iomraidhean Croise

Mataos 27:54

Njwɨɨ nter bɨzima bé e bʉʉ bʉr o b'a be lé ebaʼle Yesʉs ɨ, mbea bé a bee mpʉ si a ncyeŋa ɛ, le byʉʉ bɨsa bibyɛh, byé a syɛɛlɨ ɨ, bé ntɔʼ kʉ ze bil ekɛn. Bé ó: «Mʉr nwaʼ a bana kʉ be ó Mwan mo Zyɛm!»

Lʉkas 23:47

Njwɨɨ nter bɨzima a be tɨʼ ɨ, mbea nye a bee sa yiyɛh yé a syɛɛlɨ ɨ, nye ntɔʼ dwe Zyɛm kum. Nye ó: «Mʉr nwaʼ a bana kʉ be ó cɨcyel mʉr!»

Lʉkas 7:1

Jɔʼ Yesʉs a sil lɛɛ bʉr bɨsa byaa bibyɛh ɛ, nye ntɔʼ ze mʉa, ni Kapernaʉm.

Lʉkas 7:3

É jɔʼ njwɨɨ nter bɨzima waa a joʼo bʉr lé elab-lab lɔb mo Yesʉs ɨ, nye ntɔʼ lomo bʉʉ otamabʉr be oYʉden ó, bé toʼ, to dî e Yesʉs nkʉ nye óbɛm ze tiʼ syɛl mosa we waa.

Lʉkas 8:42

ebe, esehe le, mɨmbu ewʉm e mɨmba, lé a be nye etiʼe e mwan ɨ, lé a be ó, lé mu tiʼ le efie. Bé e Yesʉs mu lé eto nɛʼɛ, ntuntuma bʉr, yé kʉ ze mana nye é mompàh mo nyʉl.

Mɨlʉmlʉ 10:1

Nuu mʉr a be ó ɨ Sezare, die le Kɔrnɛl. Nye a be ó njwɨɨ nter bɨzima. Nye ó b'a be njwɨɨ é ntoo bɨzima ndɨ ejebɔ ó, Ntoo lal Italia ɛ.

Mɨlʉmlʉ 10:7

É jɔʼ engles a laa ɛ, Kɔrnɛl ntɔʼ jebe bʉʉ osyɛl o mosa be, oba, ndwe e yʉʉ zima é l'esama e bɨzima byé a sea-sea e nye e. Zima yaa nteme, yé a be ó lé edwaabe Zyɛm.

Mɨlʉmlʉ 22:26

É jɔʼ njwɨɨ nter bɨzima waa a joʼo no e, nye ntɔʼ lɛɛ e njwɨɨ bɨzima nɨnɨ ó: «Go sa nyá ɛ? Mʉr nwa, nye ó mʉr Rom!»

Mɨlʉmlʉ 23:17

Pol nyɛɛ ze jebe nuu njwɨɨ nter bɨzima. Nye e nye ó: «Toʼ e ma soho nwaʼ nko njwɨɨ bɨzima nɨnɨ win ndɨ ɨ, ebe, nye e yʉʉ sa nye lé egwɨm lɛɛ nye e!»

Mɨlʉmlʉ 27:1

É jɔʼ Fɛstwis a lɛɛ ó, bɨh e Pol tɨʼe cyen é titima lé eto Italia ɛ, bé a si cen Pol bé e myʉʉ mɨmbʉʼ mɨfih, e nuu njwɨɨ nter bɨzima, die le Yʉlios. Ntoo bɨzima bɨ Rom ye, yé a jebɔ ó, Ntoo bɨzima mo Kɛɛza.

Mɨlʉmlʉ 27:3

É mɛn tɨ, bɨh bé a be ó si to pyal Sidɔn. No ó, Yʉlios a be ó si nʉa Pol mbɨmbɨa. Nye e nye ó, nye toʼ boo ofo be, to bee be, diŋa ó, bé ódwe nye mɨngula.

Mɨlʉmlʉ 27:43

No ó njwɨɨ nter bɨzima a tiʼe é leme we ó, nye kamle ó e tiʼ mo Pol. Nye ze kamle be lé esa mpʉ bɛɛ, bé a jwɨʼ ó, bé sa ó mye e. No ó nye a lɛɛ e be ó, baa bɨbɛh bé a be e nkul edwaʼ ɛ, bé lyaha é modibe efoʼ, toŋɔ tin.

Kolosi 3:22

Bɨn molʉa, bɨn bé ejala le esa ojwɨʼa bɨn, baa ndɨ bʉr o si nwaʼ ɛ, mojoʼo é nko paʼ wiwɛh. Asa ga be mojoʼo njɨ é jɔʼ bé lé edwɛʼ bɨn ɨ. Mbi syɛɛla nɨ, yé ekʉ lɛʼle ó, bɨn bé ekolo be ó kola. Bɨn bʉr o ndɨ edwaabe Da Yesʉs ɨ, saʼ ga be mojoʼo ndɨ eduho bɨn é mɨmo si ɨ.