Lʉkas 7:16 - Kálara Zyɛ̌m Edwán é mpʉ̌n

¹⁶ Bʉr bɨbɛh ze joʼo bʉa. Bé ntɔʼ dwe Zyɛm kum. Bé ó: «Sa nɨnɨ ngwiha mɨlɔb, yi pyal é bɨna ga!» Lɛɔ nteme ó: «Zyɛm, nyi ze gba kul bʉr ye nkul é monyʉl!»

Kálar Nzyɛ̌m : Ejwán é Sáá

¹⁶ Ekɛ̂n kʉ́ nzě swɨɨ bʉ̂r bɨ́bɛ̂h ɨ́ menyʉ̂l, bé ntɔ̂ʼ dwě Nzyɛ̌m kûm. Bé ó: «Ánɨ̂nɨ̂n ngwíha milɔ̌b, nyɨ́ pyâl ɨ́ mɨná gâ.» Le elɛ́ɔɔ ntémé ó: «Nzyɛ̌m, nyɨ́ nze bʉ̂r bé ɨ́ menɔɔlʉ.»

Lʉkas 7:16 Iomraidhean Croise

Mataos 15:31

Ntuntuma bʉr, yé ze jehe lé ebee bɨgʉ́ʼ mu lé elwib; baa b'a be e bɨjyɛm ɨ, mu mbɨmbɨa; baa b'a be lé etɨa ɛ, mu ó lé ekœʼ mbɨmbɨa nteme; ontim mu ó lé ebee. Bé ntɔʼ dwiibɨ Zyɛm mpoʼo Ɨzraɛl.

Mataos 21:11

No ntuntuma bʉr, yé a bɨha e be ó: «Yé ó Yesʉs, ngwiha mɨlɔb, mʉr nkana Nazarɛt, é lal Galɨle!»

Mataos 28:8

Bé ntɔʼ mʉa é foo, ntɔʼ kpɛɛ gumo yaa, bʉa ndwe e bɨsʉhʉ, byé mu be é mɨleme lwɨŋla. Bé nteme ntɔʼ kpahbe to, lé eto cen ompʉn mo Yesʉs mpaŋla waa.

Mataos 9:8

Jɔʼ ntuntuma bʉr, yé a bee syɛɛla yaa ɛ, yé ze bil ekɛn, ntɔʼ dwiibɨ Zyɛm, ebe, nye a be ó si bana dwe bʉr mbi nkul mojwɨ̀ʼa waa.

Lʉkas 1:65

Ekɛn ze swɨɨ bʉr o lal waa bɨbɛh é monyʉl. Bʉr o lal Yʉda, si mocwɨʼ, bé a kʉ ka taŋle-taŋle ó njɨ lɔɔ waa.

Lʉkas 1:68

«Bɨna dwiibɨ ga Da, Zyɛm mpoʼo Ɨzraɛl, ebe, nye mu ó si fulo, lé eze kʉr kul bʉr ye.

Lʉkas 19:44

Yerʉsalɛm aa! Bé ógbɛɛ go, le egbah bwan bo bɨbɛh ndɨ é bɨpɨpɨm byo tʉŋlʉ ɨ. Bé óliʼe go abe e l'ekoʼ egwar kɛla é lʉʉ kʉ, ebe, go baadweʼe jɔʼ Zyɛm a ze ó, nye jwɨʼ ó bɨn nkoo e.»

Lʉkas 2:20

Pie tɨ, okobla o bɨntœme ze mʉa, fiʼɔ. Bé a si to le edwiibɨ Zyɛm é buobuo ebe bɨsa bé a joʼo le ebee e. Bɨsyɛɛla byaa bibyɛh, byé a kʉ be ó mpʉ beengles, bé a lɛɛ be e.

Lʉkas 24:19

Yesʉs ntɔʼ dî e be ó: «Yé ba syɛɛ gʉʼ ɨ?» Bé ntɔʼ bɨha e nye ó: «Lɔb mo Yesʉs, mʉr Nazarɛt ó bɨh lé elwib wi. Nye be ó ngwiha mɨlɔb wih, e nkul nɨnɨ é bɨlwib bye ndwe e bɨsyɛɛla nye dɨ sa ɛ. Dam be Zyɛm, nkʉ nteme bʉr, bé a si bee no, bɨbɛh.

Lʉkas 5:26

Bʉr bɨbɛh, bé a si jehe syɛɛla yaa, ntɔʼ dwiibɨ Zyɛm, le ebil ekɛn. Bé ó: «Bɨna bɨ bee ga bɨsa bɨ jehe muh!»

Lʉkas 5:8

É jɔʼ Simɔn Pyɛr a bee syɛɛla yaa ɛ, nye ntɔʼ kur moboo si é mih mo Yesʉs. Nye e nye ó: «Da, diʼe é ncɛra e me, ebe, me ó mʉrʉm ndɨ syɛl mɨsyem ɨ.»

Lʉkas 7:15

Ndwè ntɔʼ mʉa si, di ndindil, ze taare lé elwib. Yesʉs ze timle nye nyɔŋ.

Lʉkas 7:39

No ó, é jɔʼ Farizyɛŋ a baŋle Yesʉs ɨ, a bee syɛɛla yaa ɛ, nye ntɔʼ taare lé elwib é leme we tʉŋlʉ ó: «Nkʉ mʉr nwaʼ a be ó be, be ngwiha mɨlɔb cyecye nɛʼɛ, mpa nyi gʉa ó, mʉma lé ekuna e nye nwa, nye ó é bul jwɨ̂ʼlɨ e mɨsyem!»

Lʉkas 8:37

No ó, bʉr o lal Gerazen bɨbɛh ze jwɨʼla e Yesʉs ó, nye duha é fum bé a be e, ebe, bɨbɛh, bé a be ó si bil ekɛn é syɛɛla yaa. Yesʉs ntɔʼ kable é byɛl, ó nye fiʼ be.

Lʉkas 9:19

Ompʉn, bé ntɔʼ bɨha ó: «Baʼ, bé elɛɛ ó, go ó Yʉanes Ndubʉr. Bʉʉ, bé ó, go ó Élie. Bʉʉ nteme, bé elɛɛ ó, go ó nuu ngwiha mɨlɔb a bɛa dwè, ntɔʼ bula pàh ɛ.»

Yʉanes 1:21

No ó bʉr baa, bé a bâʼle dî e nye ó: «Yé be no nɛʼɛ, gwɔɔ, go zé ɛ? Zê go ó ndɨ Élie ɛ?» Nye ó: «Hɨʼɨ, me abe Élie.» Bé ntɔʼ dî ó: «Zê go ó ngwiha mɨlɔb, waa Moyiz a bɛa tile, tiibe e nye nwa ɛ?» Nye ó: «Hɨʼɨ, me abe nye.»

Yʉanes 1:25

No ó bé a ze dî e nye ó: «No, yé ó, go abe Lœma mulo mo Zyɛm, abe Élie, abe nteme ngwiha mɨlɔb waa. Yé be no nɛʼɛ, ebe yé go lé edù bʉr ɨ?»

Yʉanes 4:19

Mʉma, nye e nye ó: «Da, go ó kʉ be ngwiha mɨlɔb! Mɨ bee no.

Yʉanes 6:14

Ebe no, é jɔʼ bʉr, bé a bee dweʼle nkul Yesʉs a sa ɛ, bé ntɔʼ lɛɔ ó: «E! Mʉr nwa, nye ó bana kʉ be ngwiha mɨlɔb cyecye, waa a jala le eze kaʼ é si nwaʼ ɛ!»

Yʉanes 9:17

Pie tɨʼ ó oFarizyɛŋ, bé a ka dî mʉr a tiʼɔ ó: «Gwɔɔ lɛɛ é yé, tiibe e mʉr bɛɛ go mih ɨ?» Nye ó: «Ngwiha mɨlɔb ó nɨ ʉʉ!»

Mɨlʉmlʉ 5:5

Jɨh tɨʼ Ananias a kʉ joʼo mokan maa, nye ntɔʼ kʉ nɔʼa nɔʼa, dwè. Bʉr bɨbɛh bé a joʼo lɔɔ waa ɛ, ze laŋle joʼɔ bʉa.

Mɨlʉmlʉ 7:37

«Moyiz waa nteme ó b'a lɛɛ e bwa b'Ɨzraɛl ó: “Zyɛm, nye ólomlo bɨn ngwiha mɨlɔb mpʉ mo me, lé epɛh é l'esama le obɨɔ bɨn tʉŋlʉ.”

Galásia 1:24

No ó mɨmbɛr mɨ Zyɛm myaa, myé a ze dwe Zyɛm kum é lɔb wam ɨ.