Lʉkas 7:13 - Kálara Zyɛ̌m Edwán é mpʉ̌n

¹³ Mbea Da a bee kuho waa ɛ, nye ntɔʼ kʉ ze jwɨʼ we nkoo, ntɔʼ lɛɛ e we ó: «Gwaʼ edwe.»

Kálar Nzyɛ̌m : Ejwán é Sáá

¹³ Mbeá Yésʉs á bee kúho yɨ́, nye kʉ́ nzě jɨ̂ʼ wé nkoó, ntɔ̂ʼ lɛ́ɛ e wé ó: «Sá akǎ jɨ.»

Lʉkas 7:13 Iomraidhean Croise

Markus 8:2

«Me ejwɨʼ bʉr baʼ nkoo, ebe, bɨna ga e boo nɔɔ bɨ di molu molɛl. Bé aka be e sa ede.

Lʉkas 10:1

Pie tɨ, Da ze pɛh bʉʉ bʉr, tɔɔ mowʉm tambɛl [e l'oba], ntɔʼ cen be zi dolo oba oba. Bé ntɔʼ to bɨnkana e bɨnkana byɛh, é bɨfum bibyɛh nye a be ó, nye kuma ɛ.

Lʉkas 11:1

É lʉʉ dobo, Yesʉs a be ó yʉʉ gumo lé ejwɨʼla e Zyɛm. É jɔʼ nye a sil jwɨʼla ɛ, nuu mpʉn we ntɔʼ lɛɛ e nye ó: «Da, yeʼla bɨh esa mɨnjwɨʼla é mpʉ Yʉanes a yeʼle ompʉn be e.»

Lʉkas 11:39

No ó Da a ze lɛɛ e nye ó: «Bɨn oFarizyɛŋ ba! É jɔʼ bɨn lé ejɨ pub bɨfua e l'okob ɨ, bɨn bé efuʼro bye njɨ é nko paʼ kʉl. To kœb ó, bɨfua byaa, byé ó lwɨŋla e bɨsa ndɨ é bebe e. Bɨn bé é bul kpɛl dɛn bɨsa bɨ bʉr, bɨn nteme e l'ebebe é leme.

Lʉkas 12:42

Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ.

Lʉkas 13:15

Da, nye e njwɨɨ mpah mɨnjwɨʼla ó: «Bɨn baanya-bɨkʉʉŋʉ ba! É moho saba, bɨn bɨbɛh bé etii bɨntɛɛ ndwe e bɨtab bin, lé eto e bye é montibe. Zê yé abe no ɛ?

Lʉkas 17:5

Mɨlʉmlʉ mo Da, myé a lɛɛ e nye ó: «Bulɨ bɨh buʼo yih.»

Lʉkas 17:6

Da ntɔʼ bɨha ó: «ǃBɨn si be e ma peh buʼo titia, dam be bim boho nʉo nɛʼɛ, bɨn bé óbɛm kʉ lɛɛ e lɨ sikomɔr yiʼ ó: “Muna wâʼ e mɨkaale myo mimyɛh. Go à to cyɛb é maŋ!” Yé nteme ntɔʼ sa bɨn mojoʼo.»

Lʉkas 18:6

No ó Da a lɛɛ ó: «Gʉa pahle ga sa bɨbla tiʼà mɨlɔb lé elɛɛ é leme we e.

Lʉkas 19:8

No ó, Zachée a ze cyɛb, lɛɛ e Da ó: «Da, paʼ bee: Me óbɛʼ bɨsa byam, nʉa peh, jala e nkɔb ngwar é monkɔb moba, to dwe baanteʼenteʼe. Yé be ó, me a be ó si kʉa nuu mʉr, nʉa nye mɔn nɛʼɛ, me óbuulo nye ya, ntɔʼ ko bim mɔn yaa zɔʼ nâ tɨʼ kʉ.»

Lʉkas 22:61

No ó Da a ze dwibra, to le edeŋle. Bé e Pyɛr ntɔʼ bɔma mih. Pyɛr ntɔʼ toŋlo mokan Da a lɛɛ nye ó: «Muh, zʉm kuo l'apa kwaʼle, go ókɛla bɨjɔʼ bɨlɛl ó, go agʉa me!»

Lʉkas 24:3

Bé ntɔʼ ni é foo tʉŋlʉ, deŋle. Sa gwar, bé a baakœb muu mo Da Yesʉs tɨ.

Lʉkas 24:34

Bé dina kʉ pyal nɛʼɛ, bé ntɔʼ kœb ó, bʉʉ ompʉn lé elɛɛla paʼra wɔɔ ó: «Yé cyecye ó, Da, nyi pàh! Simɔn be ó si bee nye!»

Lʉkas 7:12

É jɔʼ nye a be, nye mu kunokuno e l'eniŋlɨ e nkana ɛ, nye ntɔʼ bee bʉr lé enkɛɛ muu é zimɨ, lé eto dɨlɔ. Yé a be ó muu etiʼe e mwan mo guu kuho mʉma. Buobuo bʉr o nkana yaa nteme, bé a be ó lé eto mbaa mofoo nko muu wé a be lé etoŋɔ e we e.

Lʉkas 7:14

Nye ntɔʼ dihle, ze kuna e zimɨ é mbo. Tina, yé ó, yé a baapa diblɔ. Onkɛa ntɔʼ cyɛb. Nye e muu ó: «Ma soho, me lɛɛ e go ó: mʉŋa.»

Lʉkas 7:19

Yʉanes ze jebe bʉʉ ompʉn be oba, lomo be ó, bé dîʼe e Da ó: «Zê go ó mʉr bɨh lé ebono ó, nye óze e? Zê bɨh bâʼla bono fih ɛ?»

Lʉkas 8:52

Bʉʉ bʉr bɛɛ, bé a be ó lé ebʉ modwe le ebʉ bɨtim é l'efie laa. Yesʉs ntɔʼ lɛɛ e be ó: «Daʼ jɨ ga, ebe, nye adwè. Nye é dwo.»

Yʉanes 11:2

(Maaria waa ó ngo lœm mokʉ mo Da Yesʉs labina, pim me e mpuo lʉ we e.) No ó, mpʉ ntʉm we Lazar, a be lé esyɛb ɨ,

Yʉanes 11:3

bʉba oba onɨ ze lomɔ mʉr ó, nye toʼ, to lɛɛ Yesʉs ó: «Da, fo go, nye ekʉ syɛb!»

Yʉanes 20:13

Beengles onɨ, bé ze dî e nye ó: «Mʉma! Ebe yé go lé ejɨ ɨ?» Nye ó: «Bɨ pɛʼ Tî wam wâ. No ó, me agʉa nko bé to e nye e.»

Yʉanes 20:15

Yesʉs ze dî e nye ó: «Mʉma, ebe yé go lé ejɨ ɨ? Zé go lé esaa wâʼ ɛ?» Maaria a jwɨʼ ó, yé a be ó mbɔʼlʉ peme. Nye e nye ó: «Da! Yé be ó, go ô nkɛɛ muu we, to e we nɛʼɛ, lɛŋɨ me. Me óto nʉa we.»

Yʉanes 4:1

OFarizyɛŋ, bé a be ó si joʼo lɔɔ ó, Yesʉs a be ó lé edulo ompʉn le edù bʉr é buobuo, laa Yʉanes.

Yʉanes 6:23

Mʉʉ mɛl ntɔʼ pyal, duho nkana Tiberias. Mɨ ze pyal kunokuno e gumo bé a de bler pie jɔʼ Da Yesʉs a dwe Zyɛm ekiba ɛ.

1 Korɛnt 7:30

Bʉr o lé ejɨ modwe e, di mpʉ sa lɛɛ ó, bé ajoʼo mompime. Baa lé edwo e, di mpʉ sa lɛɛ ó, bé abe é bɨsʉhʉ. Bʉr o lé ebwam bɨsa ɛ, baʼle bye mpʉ sa lɛɛ ó, bɨsa bé a bwam ɨ, byé ajoʼo e be.

1 Tesalonika 4:13

No ó, obɨɔ ga bam aa! Me ekpɛl ó, bɨn gʉŋa efehle e bʉr mu si dwè e, é kpɛhla. Me akpɛl ó, bɨn bilɨ myoo mpʉ bʉʉ bʉr, bé lé ebil-bil myoo e, bɛɛ l'abe e buʼo é mɨleme.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Ebrœ̂ 4:15

Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.