Lʉkas 6:8 - Kálara Zyɛ̌m Edwán é mpʉ̌n

⁸ To kœb ó, Yesʉs a be ó lé ekʉ gʉa bɨjwɨʼ byɔɔ. Nye e mʉrʉm a be e mbo é fwam-fwam nɨ ó: «Mʉŋa si, cyɛba teme bʉr ba.» Nye ntɔʼ mʉa si, cyɛb cɨcyel.

Kálar Nzyɛ̌m : Ejwán é Sáá

⁸ Tó kœb ó, Yésʉs á be ó lɨ́ ekʉ́ gʉ́a bíjwɨʼ byɔ́ɔ́ bíbyɛ̂h. Nye e mʉrʉ̂m á be e mbô ɨ́ swâm swâm nyá ó: «Gbɔlwaa sí. Tyɛ́bɨ́ɨ́ tîtyěl témé bʉr bâ.» Nye ntɔ̂ʼ gbɔlwa sí, tyɛ̂b tîtyěl.

Lʉkas 6:8 Iomraidhean Croise

Mataos 9:4

Mpʉ Yesʉs a be si dweʼe bɨjwɨʼ bé a be e bye é mɨmo si ɨ, no ó nye a ze dî e be ó: «Ebe yé bɨn ndɨ e bɨbebebebe mɨpɛhla mɨnɨ é mɨleme min ɨ?

Markus 3:3

Yesʉs ze lwib e mʉr a be e mbo é fwam-fwam nɨ ó: «Cyɛba teme bʉr ba.»

Lʉkas 13:12

É jɔʼ Yesʉs a bee nye no e, nye ntɔʼ jebe nye. Nye e nye ó: «Mʉma! Esyɛb lo, lɨ sie!»

Lʉkas 5:22

Sa gwar, Yesʉs a be ó lé edweʼe bɨjwɨʼ bé a be e bye é mɨmo si ɨ. No ó nye a nʉa lwib, ze dî e be ó: «Wáa mbi mosono ndɨ bɨn é mɨleme bim yiʼ mpʉʼ ɨ?

Lʉkas 6:9

Yesʉs ze lɛɛ e be ó: «Me edî bɨn ó: Zê embɨa ɛ? Zê ebebe ɛ? Etie ga lɨna, lé lé ekamle yé é moho saba ɛ? Zê etiʼ mʉr ɛ? Zê edimle mʉr ɛ? Yé ndɨ kɔmlʉ ɛ?»

Yʉanes 2:25

Nye a baagwɨm ó, mʉr tɨa nye sɔʼɔ, tiibe e mʉr, ebe, nye mʉr tɨʼ a be ó si gʉa sa ndɨ ɨ leme mo mʉr ɨ, é kpɛhla.

Yʉanes 21:17

Pie tɨ, nye ze bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Pyɛr ntɔʼ liʼ é gœʼra-gœʼra e mocyɛʼ mo nyʉl, ebe, Yesʉs a si bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Nye e nye ó: «Da, go egʉa sa yiyɛh! Go ekʉ gʉa nteme ó, me ekpɛl go!» Yesʉs, nye e nye ó: «Kobla daa e bɨntœme lam.

Yʉanes 9:4

Cye yiyɛh moho dina ɛ, bɨna saʼ ga syɛɛla mo Mʉr a ntɨh me e, ebe, pum, wé mu ó lé eze dwine, jɔʼ mʉr ndɨ, abe e nkul eka sea ɛ.

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

Mɨlʉmlʉ 26:26

Njwɨɨbʉr Agripa a si lɛɔ bɨsa bi. No ó me e nkul elwib é kpɛŋlɛm, abe e bʉa é mih me. Mɨ kʉ gʉa ó, nye ajeʼe sa gwar tɨ, ebe, bɨsyɛɛla bɨ tɨ, byé a baasyɛɛ é l'efo.

Filipi 1:28

Me ekpɛl joʼo ó, bɨn bé aka joʼo bʉa é mih mo bʉr o dɔm bɨn. Mpʉ bé lé esa bɨn mongan, bɨn l'akpɛɛ be e, sa yaa, yé ó bɨdim byɔɔ, sa lé elɛʼle be ó, bé ódim ɨ. é nko paʼ win wɛɛ, yé elɛʼle ó, bɨn bé óbi tiʼ molu mo mpoʼ mɨmɛh, tiʼ yaa, lé eduho boo Zyɛm.

Ebrœ̂ 4:13

Abe e guu mbi cyea sɔʼɔ ndɨ fela é mih mo Zyɛm. Sa yiyɛh nye a cye e, yé é pono é mih me. Bibyɛh, byé ókar mɨnkar myɔɔ ó, é mih me.

1 Pyɛr 4:1

Ebe no ó Krɨst a sia e mɨtuu é nko paʼ nyʉl ɨ. Bɨn bɛɛ, bé ejala le ebɛa bi mbi pɛhla ngwar we, ebe, mʉr mu si sia e mɨtuu é bɨpuno bye e, nyi gwaʼ lé eka sa syem.

Mɨngwiha 2:23

Me nteme, me ójʉ nye bwan. Ebe no ó mɨmbɛr mɨ Zyɛm mimyɛh, myé óka gʉa ó, mɛm ó ndɨ egʉa mɨpɛhla ndwe e bɨgwɨma bɨ bʉr ɨ. É mbɛr Zyɛm win, mʉr nyiwɛh ósa yiʼ syɛɛla nkʉ yʉʉ ɨ, me ójɛna nye syɛɛla ye ó, du mpʉ ye ndɨ ɨ.”