Lʉkas 6:23 - Kálara Zyɛ̌m Edwán é mpʉ̌n

²³ Soha ga é dobo laa. Lyaha ga e bɨsʉhʉ. Myɛna monɨnɨ le embɨa, byé ebono bɨn é jobo kʉ. Bɨmpam byɔɔ, byé a be ó lé etíile ogwiha o mɨlɔb no.»

Kálar Nzyɛ̌m : Ejwán é Sáá

²³ Sohaa gá ɨ́ dʉ́o laá. Lyáháá gá ɨ́ lɔ̌b bísʉhʉʉ, ebě, myɛ́na mɨ́n, mé ɨ́ buo. Mé ó komá ɨ́ jʉ́o kʉ́. Bimpám bi bʉ̂r o dí ebene bɨ́n bá, byé á bɨbe ó lɨ́ esâ bísyɛ́ɛla bimpwár byaá, lɨ́ etíble ógwíha o mílɔ̌b mé Nzyɛ̌m.

Lʉkas 6:23 Iomraidhean Croise

Mataos 5:12

Soha ga! Mɨɨla ga, ebe, myɛna monɨnɨ le embɨa, byé ebono bɨn é jobo kʉ, ebe, bé ó b'a tíile nteme ogwiha o mɨlɔb bé a taare pyal e bɨn ɨ.»

Lʉkas 1:41

Njoʼa Lɨsaber a joʼo moswɨhlɨ me e, mwan ze pɨʼba nye é mo. Cye e cye yaa, Mbɨambɨa Sisim ze loŋlo Lɨsaber é leme.

Lʉkas 1:44

Paʼ bee: jɨh tɨʼ moswɨhlɨ mo kʉ kpahla me é mogwal, mwan ntɔʼ ze pɨʼba me é mo é bɨsʉhʉ!

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Mɨlʉmlʉ 14:10

No ó Pol a lɛɛ nye e twii kʉ kʉ ó: «Mʉŋa si. Cyɛba cɨcyel é nkʉʼʉ.» Nye ntɔʼ mʉa si é bʉ, taare é cyen!

Mɨlʉmlʉ 3:8

Mʉr waa ntɔʼ mʉa si é bʉ, cyɛb cɨcyel, ze taare lé ekœʼ. Bé e mɨlʉmlʉ ze bere é jahla bii mo Zyɛm, nyɛɛ lé ekœʼ, le elyah, le egumlo Zyɛm.

Mɨlʉmlʉ 5:41

No ó mpʉ mɨlʉmlʉ myé a duho é Bʉm Nɨnɨ ɨ, myé ntɔʼ loŋlo e bɨsʉhʉ, ebe, Zyɛm a láa ó, bé ó bʉr o jʉʼa le edihbe pyeh ebe die mo Yesʉs ɨ.

Rôm 5:3

Dam be mɨtuu e mɨndɛl bɨna lé ebɔma ga e mye e, bɨna bé ekʉ bana mɨɨla ga e mye, ebe, bɨna bé egʉa ga ó, baa lé edihbe mɨtuu ɨ, bé ójwɨʼ bihbe tɨ.

2 Korɛnt 12:10

Ebe no ó me ndɨ e bɨsʉhʉ é leme ó, me diʼe cyɛʼ-bol, me lwɨɔ, me sia e mɨtuu, ó me tíilɔ, le ebi mosono é l'efu mo Krɨst ɨ, ebe, é jɔʼ me ndɨ é l'ecyɛʼ ɛ, é jɔʼ gwar e gwar yaa ó me ndɨ e nkul nteme.

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

2 Timotɛ 2:12

ǃBɨna si dihbe ga mɨtuu wa, bɨna bé ódi ga nteme ó ojwɨɨ. ǃBɨna si lɛɛ ga ó, bɨna bé agʉa ga nye wa, nye ólɛɛ nteme ó, nye a baagʉa bɨna ga.

Ebrœ̂ 11:26

Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Ebrœ̂ 11:6

Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

Jacques 1:2

Obɨɔ ga bam aa! É jɔʼ bɨn bé ebɔma e mobʉbla mɨmbi mimyɛh ɛ, bɨn bé à gʉa ó, yé ó bɨn jɔʼ bɨsʉhʉ,

1 Pyɛr 4:13

Soha ga é buobuo, ebe, bɨn bɨ nʉa nkɔb é mɨtuu mo Krɨst. Ebe no ó bɨn bé óbe e buobuo bɨsʉhʉ é jɔʼ moncɛnba me, mé ónyin é kpɛŋlɛm ɨ.

Mɨngwiha 2:17

«No ó, mʉr ndɨ e mogwal mo ejoʼo e, nye joʼa mokan Sisim lé elɛɛ mɨmbɛr mɨ Zyɛm ɨ. Mʉr nyiwɛh óbe si ntaa, bula e l'esaa é koo e, me ódwe nye manne lé edi é l'efo e. Me ódwe nye nteme ekoʼ epumo e tila die le tɨ. Die laa, lé ó die edwan le. Nuu mʉr fih, nye abe e nkul egʉa le, nkʉ yé abe waa lé ebi le e.»

Mɨngwiha 2:26

Mʉr nyiwɛh óbe si ntaa, bula e l'esaa é koo, waa ósea syɛɛ yam, to pyal é l'esie e, me ódil nye é dia taʼa. Nye ójwɨʼ bʉr o bɨkul bibyɛh.

Mɨngwiha 2:7

«No ó, mʉr ndɨ e mogwal mo ejoʼo e, nye joʼa mokan Sisim lé elɛɛ mɨmbɛr mɨ Zyɛm ɨ. Mʉr nyiwɛh óbe si ntaa, bula e l'esaa é koo e, me ódwe nye mpumo lɨ tiʼ ndɨ ɨ Paradis mo Zyɛm ɨ. Nye ó dɔɔ.»

Mɨngwiha 21:7

Mʉr nyiwɛh óbe si ntaa, bula e l'esaa é koo e, nye óbi we nkɔb é bɨsa byaa bibyɛh. Me óbe ó Zyɛm we. Nye óbe me ó mwan.

Mɨngwiha 3:12

Baa bé óbe si ntaa, bula e l'esaa é koo e, me óliŋ be modwii é l'Odia mo Zyɛm, ndɨ Sɔŋ wam ɨ. Bé ócyɛb é nkʉʼʉ. Abe e sa yé ópyɛl be tɨ. Me ótile die mo Zyɛm Sɔŋ wam é monyʉl mɔɔ. Me ótile nteme die e nkana mo Zyɛm Sɔŋ wam, yaa ndɨ edwan e Yerʉsalɛm ɨ. Zyɛm óntɨh nkana yaa kaʼ si, duho é jobo kʉ é ntiii. Me ótile nteme edwan e die lam é monyʉl mo bʉr baa.

Mɨngwiha 3:5

Mʉr nyiwɛh óbe si ntaa, bula e l'esaa é koo e, me óbœr nye kan pumo. Me aŋa cyam die le é kalara tiʼ. Me ólɛɛ Sɔŋ wam, bé e beengles be ó: Waa wam ó nwa!