Lʉkas 6:21 - Kálara Zyɛ̌m Edwán é mpʉ̌n

²¹ Mocyɛʼ mo mpom, mé e bɨn, bʉr o ndɨ ejoʼo moza é bananaʼ ɛ, ebe, bɨn bé óde é de de, díle. Mocyɛʼ mo mpom, mé e bɨn, bʉr o ndɨ ejɨ é bananaʼ ɛ, ebe, modwe mɨn, mé óka fuʼla ó, bɨsʉhʉ.»

Kálar Nzyɛ̌m : Ejwán é Sáá

²¹ Metyɛʼ me mpóm, mé díʼee e bɨ̌n, bʉr o dí ejóʼo ménza ɨ́ báánâʼ bá, ebě, bɨ̌n bé óde, díle. Metyɛʼ me mpóm, mé díʼee e bɨ̌n, bʉr o dí ejɨ ɨ́ báánâʼ bá, ebě, medwé mɨ́n, mé ókǎ sûʼla ó bisʉhʉʉ.

Lʉkas 6:21 Iomraidhean Croise

Mataos 5:4

Mocyɛʼ mo mpom e bʉr o ndɨ ejɨ modwe e, ebe, Zyɛm ódila modwe mɔɔ ó e bɨsʉhʉ!

Mataos 5:6

Mocyɛʼ mo mpom e bʉr o ndɨ ejoʼo dweh le egwɨm sa mɨmpaŋ bɨsyɛɛla ɛ, ebe, Zyɛm óloŋlo be mya!

Lʉkas 1:53

Nye a si kaale bʉr o moza e bɨsa bɨ embɨa. Obil o bɨsa bɛɛ, nye a buulo be ó, mobo mobo.

Lʉkas 6:20

No ó nye a ze dwɛʼ nko ompʉn be, bé a be e, ze lɛɛ e be ó: «Mocyɛʼ mo mpom, mé e bɨn, baanteʼenteʼe. Jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bɨn ɨ.

Lʉkas 6:22

Yesʉs ze ko tɨʼ ó «Bɨn bé e mocyɛʼ mo mpom é jɔʼ bʉr lé enwim bɨn ɨ, le é jɔʼ bé lé epem bɨn, lwɨɨ bɨn, le enʉa bɨn mpʉ osyɛl be ebebe é lɔb taa buʼo bɨn lé ejyɛʼ boo Mwan mo Mʉr ɨ.

Lʉkas 6:25

A vwaʼ e bɨn, bʉr mu si díle e, ebe, bɨn bé ódi é za. A vwaʼ e bɨn, bʉr o ndɨ edwo é bananaʼ ɛ, ebe, bɨn bé óbʉ modwe mpʉ mɨkuho. Bɨn bé ótime.»

Yʉanes 11:35

Yesʉs ntɔʼ jɨ.

Yʉanes 4:10

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Yʉanes 6:35

Yesʉs, nye e be ó: «Me ó ndɨ mode lé etiʼ bʉr ɨ. Mʉr nyiwɛh lé eze boo me e, nye abe e nkul eka joʼo za. Mʉr nyiwɛh lé ejyɛʼ taa buʼo ye boo me e, nye abe e nkul eka joʼo dweh modibe.

1 Korɛnt 4:11

Ze pyal é banana, bɨh bé edwè é za ndwe e dweh modibe. Yé esaa bɨh mompor. Bé ebî bɨh le epɛʼ bɨh é yiʼ gumo, cen é yʉʉ.

2 Korɛnt 11:27

Me a si jaʼra e mɨtuutuu bɨsyɛɛ le mokɔbla. Me a si di é dia nkehe zɔʼ e zɔʼ, e za ndwe e dweh modibe. Me a si ja za zɔʼ e zɔʼ. Me a si joʼo ejyoo, le edi fufwah.

2 Korɛnt 12:10

Ebe no ó me ndɨ e bɨsʉhʉ é leme ó, me diʼe cyɛʼ-bol, me lwɨɔ, me sia e mɨtuu, ó me tíilɔ, le ebi mosono é l'efu mo Krɨst ɨ, ebe, é jɔʼ me ndɨ é l'ecyɛʼ ɛ, é jɔʼ gwar e gwar yaa ó me ndɨ e nkul nteme.

2 Korɛnt 6:10

é jɔʼ bé sa ó, bɨh liʼɨ é gœʼra-gœʼra e mocyɛʼ mo nyʉl ɨ, bɨh bé eto dolo lé esoho é jɔʼ yiyɛh, é jɔʼ bɨh ndɨ é l'enteʼe, bɨh bɛɛ lé ekab buobuo bʉr mopoʼ e, é jɔʼ bɨh ndɨ é l'enteʼe e, bɨh bɛɛ yɛɛ lé entuʼba ɛ.

Jacques 1:12

Zyɛm sʉʼo mocyɛʼ mo mpom me é mʉr lé entaa mobʉbla e bihbe e. Pim ndɨ é buʼo ye e, nye ókʉ nyin. Nye óbœrɔ epʉʼlʉ e tiʼ molu mo mpoʼ mɨmɛh é lʉ, yaa Zyɛm a kɛʼ bʉr o ndɨ ekpɛl nye e.

Mɨngwiha 21:3

Me ze joʼo bwaʼbwaʼ twii a duho é dia taʼa ɛ. Nye ó: «Zyɛm mu ó lé ekomlo odia we paʼra bʉr e bʉr. Nye ódi ó e be. Bé óbe ó bʉr o jwɨ̀ʼa ye. Zyɛm nye mʉr tɨʼ ódi paʼra wɔɔ.

Mɨngwiha 7:16

Bé aŋa ka joʼo za. Bé aŋa ka joʼo nteme dweh modibe. Siʼe dwehe, yé aŋa ka ŋmɛha be é monyʉl, aka kah gumo bé ódi ɨ,