Lʉkas 6:13 - Kálara Zyɛ̌m Edwán é mpʉ̌n

¹³ No ó, é jɔʼ mɛn, wé a lama ɛ, nye ze jebe ompʉn be, ntɔʼ pɛh bʉʉ o tɨ. Bim nye a pɛh ɛ, bʉr ewʉm e l'oba. Nye ntɔʼ cyel be é dia mɨlʉmlʉ mye.

Kálar Nzyɛ̌m : Ejwán é Sáá

¹³ Nó ɨ́ jɔ̌ʼ mɛ́n wé á lɔ́ma yɨ́, nye ntɔ̂ʼ jébe ómpʉ́n bé, ntɔ̂ʼ twâr bʉ́ʉ́. Bím nyé á twâr yɨ́, bʉr kám le obá. Nye ntɔ̂ʼ jɨ̂jebe bé ó, bʉr o mílʉ́mlʉ́ bé.

Lʉkas 6:13 Iomraidhean Croise

Mataos 10:2

Mɨlʉmlʉ mo Yesʉs ewʉm e mɨmba myaa ó mi: waa efoʼ, Simɔn ndɨ ejebɔ ó, Pyɛr ɨ, bé e ncyom we Andreas, Jacques, mwan mo Zebede, le ncyom we Yʉanes;

Mataos 19:28

Yesʉs ze bɨha e be ó: «Me elɛɛ bɨn cyecye ó nɛɛ: bɨn bʉr o b'a du me é koo pihe e, é jɔʼ Mwan mo Mʉr ódi é dia taʼa ye é jɔʼ dɔnwa bɨsa bibyɛh ɛ, bɨn bé ódi é bɨdia bɨ taʼa bin ewʉm e bɨba. Bɨn bé ótiʼe moveh mo bwa b'Ɨzraɛl ewʉm e moba mɨlɔb.

Mataos 9:36

Ebee nye a bee mpampaʼ bʉr ɨ, leme we kʉ ze jwɨʼ be nkoo, ebe, bé a be ó si bul ntɨʼɔ, monyʉl si cyɛʼ. Bé a be ó mpʉ bɨntœme ndɨ abe e kobla ɛ.

Markus 6:30

Mɨlʉmlʉ, myé ntɔʼ syɛŋa boo Yesʉs, ntɔʼ taŋle nye sa yiyɛh mʉr nyiwɛh a sa ɛ, ndwe e sikʉlʉ nye a dwe bʉr ɨ.

Markus 6:7

No ó nye a ze jebe Esama le ompʉn ewʉm e l'oba, ntɔʼ lomo be oba oba, nye osi dwe be nkul ó, bé dwihɨ bʉr bɨbɨbla mɨsisim.

Lʉkas 11:49

Ebe no ó Zyɛm lé elɛɛ é l'ocyoo we ó: “Me ólomlo be ogwiha o mɨlɔb ndwe e mɨlʉmlʉ myam. Baʼ bʉr, bɨn bé ójʉ jʉʼo. Bʉʉ, bé ótíile.”

Lʉkas 22:30

é l'efu ó, bɨn deʼ mode le monwoʼ é teble wam, é jwɨ̀ʼa me ójwɨɨ ɨ. Bɨn bé ódi é bɨdia bɨ taʼa bin, lé etiʼe moveh mo bwa b'Ɨzraɛl ewʉm e moba mɨlɔb.»

Lʉkas 6:14

Nye a pɛh ó, Simɔn, mʉr nye a jwɨr njɨblɨ Pyɛr ɨ, bé e ncyom we Andreas, ndwe e Jacques, Yʉanes, Filip, Bartelemi,

Yʉanes 4:33

Ebe no ó ompʉn, bé a to le edîila paʼra wɔɔ ó: «Zê nuu mʉr be ó si ze nye e mode ɛ?»

Mɨlʉmlʉ 1:13

É jɔʼ bé a pyal gʉʼ ɨ, bé ze bere é tiʼe toloŋo mbɛr bé a di ɨ. Bé a be ó: Pyɛr, Yʉanes, Jacques ndwe e Andreas, Filip ndwe e Tomas, Bartelemi ndwe e Mataos, Jacques, mwan mo Alfe, Simɔn, mʉr a jebɔ ó, Mʉr ndɨ ekamle e bʉr o lal ɨ, ndwe e Yʉdas, mwan mo Jacques.

Éfɛsɔs 2:20

Bɨn bé ó mpʉ obrik bé a bɨr pab mbɛr e be e. Nkan mbɛr nyɛɛ ó ndɨ mɨlʉmlʉ, bé e l'ogwiha o mɨlɔb. Yesʉs-Krɨst nye mʉr tɨʼ ó ndɨ ekoʼ lé esa ó bɨpab bɨ mbɛr, byé diʼe ocɨcyel ɨ.

Éfɛsɔs 4:11

Nye ó b'a dwe bʉr mɨndwɛa mɨmbi mɨmbi. Nye a sa ó, baʼ bʉr, bé diʼe mɨlʉmlʉ; baʼ, ogwiha o mɨlɔb; bʉʉ, olɛa o Mbɨambɨa Lɔɔ; bʉʉ bʉr nteme, okobla o mɨmbɛr mɨ Zyɛm; bʉʉ, oyeʼle o mɨlɔb mo Zyɛm.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

2 Pyɛr 3:2

Me egwɨm ó, bɨn toŋla mɨsaŋ mɨ ogwiha o mɨlɔb, le mokan bé a bɛa lɛɛ molu pihe e, ndwe e mɨtiʼa Tî ga wina le Tiʼbʉr ga wina a nʉa ɛ. Mɨtiʼa myaa ó bɨn bé a joʼo é zi mɨlʉmlʉ mye e.

Mɨngwiha 12:1

Pie tɨ, bwaʼbwaʼ dweʼle nkul mo Zyɛm, yé a si nyin é jobo kʉ. Me a bee ó, mʉma lé ebwar dobo mpʉ kan! Alomo ó b'a be cyela mokʉ ye! Nye a be ó e baatwitwɛn ewʉm e l'oba lé ebʉmra lʉ we é nka, bɛɛ lé enwɨɨla e l'epʉʼlʉ.

Mɨngwiha 18:20

«Bʉr o kʉ ndwe e mɨsaŋ mɨ bʉr, soha ga etɨʼla le. Mɨlʉmlʉ mye, ogwiha o mɨlɔb be, soha ga, bɨn bɨbɛh, ebe, Zyɛm, nyi tiʼe lɔb, dwe bɨn mokebe, dwe be mobe.»

Mɨngwiha 21:14

Bé a si gba mokoʼ ewʉm e moba é pɨpɨm yaa tʉŋlʉ. Bé a be ó si tile mie mɨlʉmlʉ ewʉm e mɨmba Ma Ntœme a kœʼ e mye e, é mokoʼ maa.