Lʉkas 6:12 - Kálara Zyɛ̌m Edwán é mpʉ̌n

¹² É jɔʼ yaa, Yesʉs ntɔʼ bere é l'ecwɨʼ kʉ, lé eto jwɨʼla e Zyɛm. Pum waa wiwɛh ntinɨ, wé a sie ó, njɨ nye lé ejwɨʼla e Zyɛm.

Kálar Nzyɛ̌m : Ejwán é Sáá

¹² Jɔʼ yaá, Yésʉs ntɔ̂ʼ bére lɨ́ ecwɨ̂ʼ kʉ́, lɨ́ etó jɨʼla e Nzyɛ̌m. Nye á si lɛŋ pum ntinɨ̂ gʉ̂, njɨ lɨ́ ejɨʼla.

Lʉkas 6:12 Iomraidhean Croise

Mataos 5:1

Mbea Yesʉs a bee ntuntuma bʉr ɨ, nye ntɔʼ bere é l'ecwɨʼ kʉ, di si. Ompʉn be ze dihle gumo nye a be e.

Mataos 6:6

Sa gwar, gwɔɔ, é jɔʼ go lé ejɨ kpɛl sa Sɔŋ go mɨnjwɨʼla ɛ, niʼe é tiʼe yo, dible ebe, jwɨʼla e Sɔŋ go ndɨ é l'efo tʉŋlʉ ɨ. No ó, waa ndɨ ebee sa go lé esa é l'efo e, nye ódwe go mpaŋ myɛna.

Markus 1:35

É dwine mɛn ntuʼkolo, Yesʉs ze mʉa si, pyal kʉl, to é lʉn. Tɨʼ ó nye a jwɨʼla e Zyɛm ɨ.

Markus 3:13

Yesʉs ze bere é l'ecwɨʼ kʉ, ntɔʼ jebe bʉr, baa nye mʉr tɨʼ a gwɨm ó, bé toʼ nko nye a be e. Bé ntɔʼ bere, to kœb nye gʉ.

Markus 6:46

É jɔʼ nye a be si buulo be e, nye ntɔʼ ze bere é l'ecwɨʼ kʉ, lé eto jwɨʼla e Zyɛm.

Lʉkas 5:16

Sa gwar, Yesʉs a be ó si dulo nyʉl we, ze to é lʉn, to jwɨʼla e Zyɛm.

Lʉkas 6:11

Bʉʉ bʉr é bʉr o b'a bee no e, kʉ ze kpaa empime. Bé ntɔʼ lwibla lé epahle mbi ebebe bé a jala le esa Yesʉs ɨ.

Lʉkas 6:17

É jɔʼ Yesʉs bé e l'ompʉn be, bé a fulo ecwɨʼ, pyalɔ gumo yé a be si e si ɨ, bé ze bɔma e l'ompʉn be ofih é buobuo. Yé a be nteme ó e ntuntuma bʉr. Baʼ, bé a duho ó, é nkana Yerʉsalɛm, bʉʉ, duho é lal Yʉda, bʉʉ nteme é nkɔra yé a be é nkpah maŋ ɨ. Nkɔra yaa, yé ó yaa ndɨ e nkana Tir e nkana Sidɔn ɨ.

Lʉkas 9:18

É lʉʉ dobo, Yesʉs a be ó lé ejwɨʼla e Zyɛm nye ome é l'empàh. Ompʉn be ze pyal. Nye ntɔʼ dî e be ó: «Bʉr, bé epa kʉ lɛɛ wâʼ ó, me zé?»

Lʉkas 9:28

Yesʉs ze nʉa Pyɛr bé e Yʉanes ndwe e Jacques, ntɔʼ bere é l'ecwɨʼ kʉ, lé eto jwɨʼla e Zyɛm, é jɔʼ yaa, nye osi lwib mokan monɨ e molu mwom.

Lʉkas 9:29

É jɔʼ Yesʉs a be, nye mu lé ejwɨʼla e Zyɛm ɨ, mpom we ndwe e mɨkan mye ntɔʼ siila. Bibyɛh mu kʉ be njɨ é pan-pan mpʉ ndweh mpie.

Yʉanes 6:3

Yesʉs ze to bere é l'ecwɨʼ, bé e l'ompʉn be, ze diŋɔ si.

Kolosi 4:2

Diʼe ga nkehe, lé esa Zyɛm mɨnjwɨʼla é jɔʼ yiyɛh, le edwe nye ekiba.

Ebrœ̂ 5:7

Jyɛm Yesʉs a tiʼe é si nwaʼ ɛ, nye a be-be lé ejwɨʼla e waa a be e nkul epɛʼ nye é l'efie e. Nye a si bʉ tim, jɨ kʉ kʉ, lé eto le edî le ejaʼ Zyɛm ngula. Zyɛm nyɛɛ ntɔʼ joʼo nye é lɔb mojoʼo Yesʉs a sa nye e.