Lʉkas 5:32 - Kálara Zyɛ̌m Edwán é mpʉ̌n

³² Me a baaze jebe ocɨcyel o bʉr. Me a ze jebe ó osyɛl o mɨsyem, ó bé gwɨma mobebe mɔɔ, le edwir mɨleme.»

Kálar Nzyɛ̌m : Ejwán é Sáá

³² Me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm, ó bé túmaa mikoo e misyóm myɔ́ɔ́, le edwira míléme.»

Lʉkas 5:32 Iomraidhean Croise

Mataos 18:10

«Gʉa di ga ncye! Apyeh mwan ngwar é bwan ba, ebe, me elɛɛ bɨn ó nɛɛ: beengles bɔɔ ndɨ é jobo kʉ ɨ, bé ebee mpom mo Sɔŋ wam ndɨ é jobo kʉ ɨ, é sʉlʉlʉ jɔʼ yiyɛh. [

Mataos 9:13

Toʼ, to jwɨʼ ga sa Kalara Zyɛm ndɨ elɛɛ ɛ. Yé ó tila ó: “Me egwɨm ó, bɨn lɛʼla bʉr ncwɨncwɨa, abe ó, bɨn dweʼ me motwina.”» Yesʉs ze ko tɨʼ ó: «Ebe, me a baaze jebe ocɨcyel o bʉr. Me a ze jebe ó osyɛl o mɨsyem.»

Markus 15:10

Nye a lwib no ó, ebe, nye a be ó si bee ó, ojwɨɨ be opara, bé a pur Yesʉs ó, ebe zii.

Markus 15:7

To kœb ó, yé a be é mbɛr mɨmbʉʼ we ó, e mɨmbʉʼ myé a mɛrɔ é lɔb bɨntʉ ɨ. Mʉr a si laa muu é bɨntʉ byaa. É l'esama e mɨmbʉʼ minɨ tʉŋlʉ, mʉr a bul jwɨ̂ʼlɨ e lɔb bɨntʉ ɨ, a be die ó Barabas.

Markus 2:17

Yesʉs ntɔʼ joʼo be lé elwib no. Nye ó: «Mɨnjɨh, myé ajɨ ejʉmba boo dɔbra. Mɨsyoblʉ myé ome ó lé ejɨ dʉm. Me a baaze jebe ocɨcyel o bʉr. Me a ze jebe ó osyɛl o mɨsyem.»

Lʉkas 15:10

Me elɛɛ bɨn ó, jwɨʼ gwar yaa nteme ó bé lé esoho é mih beengles mo Zyɛm é jɔʼ syɛl mɨsyem ngwar ndɨ si gwɨma mobebe me, le edwir leme e.»

Lʉkas 15:7

Me elɛɛ bɨn ó, jwɨʼ gwar yaa nteme ó bé óbul soho é jobo kʉ é jɔʼ syɛl mɨsyem ngwar óbe si gwɨma mobebe me, le edwir leme e. Bé óbul soho é lɔb we, laa mpʉ bé ngbaa soho é lɔb “ocɨcyel o bʉr” mowʉm bu e bu ndɨ amɛʼle ó, bé lé ejala le egwɨma mobebe mɔɔ, le edwir mɨleme e.»

Lʉkas 19:10

Mwan mo Mʉr a ze ó, ze saa baa mu si pɔhba ɛ, ó nye ódwe be tiʼ molu mo mpoʼ mɨmɛh.»

Lʉkas 24:47

Yé a bɛa be tila nteme ó, bʉr, bé óto le elɛɛ Mbɨambɨa Lɔɔ é die le, lé eto le elɛɛ bʉr ó, bé gwɨma mobebe mɔɔ, le edwir mɨleme, Zyɛm pɛʼɛ be bɨbaa bɨ ebebe byɔɔ. Lɔb waa, wé ótunɔ ó, taare ɨ Yerʉsalɛm, to pyal é bɨkul bibyɛh.

Lʉkas 5:31

Yesʉs, nye e be ó: «Mɨnjɨh, myé ajɨ ejʉmba boo dɔbra. Mɨsyoblʉ myé ome ó lé ejɨ dʉm.

Lʉkas 5:33

Bʉʉ bʉr, bé a si dî e Yesʉs ó: «Ompʉn mo Yʉanes bé e l'oFarizyɛŋ, bé etil-ti mode ndwe le ejwɨʼla e Zyɛm. Sa gwar, baa bo, bé ede mode le monwoʼ, ati mode.»

Mɨlʉmlʉ 17:30

«É jɔʼ mya, bɨmpam bin, byé a be-be ó, lé ejeʼe Zyɛm. Nye a baabul gba ebɨh laa é nkɔb. No ó, banana, nyi ka lɛɛ e bʉr bɨbɛh é bɨgumo bibyɛh ó, bé gwɨma mobebe mɔɔ le edwir mɨleme.

Mɨlʉmlʉ 2:38

No ó Pyɛr a bɨha e be ó: «Gwɨma ga mobebe mɨn. Bɨn bé à dwir mɨleme. Mʉr nyiwɛh é sama yin, nye nʉŋa ndubo é nkul die mo Yesʉs-Krɨst, ó Zyɛm pɛʼɛ nye bɨbaa nye lé eniʼe é lɔb mɨsyem mye e. No ó bɨn bé òka ntɨhɔ Mbɨambɨa Sisim, sa Zyɛm a bɛa kɛʼ bɨn ɨ,

Mɨlʉmlʉ 20:21

Me a si boʼlo boo oYʉden, ndwe e bʉr o bɨkul bɨfih ó, bé gwɨma mobebe mɔɔ le edwir mɨleme, lé esa Zyɛm mojoʼo. Bé jyɛʼɛ taa buʼo yɔɔ boo Tî ga wina Yesʉs.

Mɨlʉmlʉ 3:19

No ó, gwɨma ga mobebe mɨn. Bɨn bé à dwibra nko Zyɛm ndɨ ɨ, nye nkʉʼ pɛʼ bɨbaa bɨ ebebe nye a niʼe é lɔb mɨsyem min ɨ.

Mɨlʉmlʉ 3:26

No ó, é jɔʼ Zyɛm a ka lomo syɛl mosa we e, nye a taare lomo nye ó, bɨn ye, ó nye sʉʼo bɨn mocyɛʼ mo mpom me, le esa ó, mʉr nyiwɛh é sama yin, nye gwaʼa bɨsyɛɛla bɨ ebebe bye bibyɛh.»

Mɨlʉmlʉ 5:31

To kœb ó, Zyɛm nyɛɛ, nyi bɨr nye kʉ, dil nye é mbo ejʉm we, cyel nye é dia Cyɛb efoʼ ndwe e Tiʼbʉr é l'efu e bʉr bɨbɛh. Nye a sa no ó, nye nkʉʼ dib bwa b'Ɨzraɛl zi egwɨma mobebe mɔɔ, le edwir mɨleme, ó nye nkʉʼ pɛʼ bɨbaa nye lé eniʼe-niʼe é lɔb mɨsyem myɔɔ ɛ.

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.