Lʉkas 5:30 - Kálara Zyɛ̌m Edwán é mpʉ̌n

³⁰ OFarizyɛŋ bé e l'oyeʼle o motie bé e boo nɔɔ, bé a be nkɔm ngwar ɨ, bé ze taare lé etooro ompʉn mo Yesʉs, le elɛɛ ó: «Ebe yé bɨn lé emɛʼle lé ede mode le enyʉl monwoʼ, bɨn lé epuhba mobo e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»

Kálar Nzyɛ̌m : Ejwán é Sáá

³⁰ OFarizyɛ̂n, bé le olɛ̂ʼla o métié bé e boo nɔ́ɔ́ bé á be nkɔ̌m mpwár bá, bê nzě gɔ́na le elwib ɨ́ bébe bébe dumo le ompʉ́n mé Yésʉs, le elɛ́ɛ ó: «Bɨ̌n bé lɨ́ ede méde le menyoʼ, bɨ̌n le onwɨa ó mɔnɨ́ tœ́a le osyɛ̂l o mísyóm ɨ́ yé?»

Lʉkas 5:30 Iomraidhean Croise

Mataos 5:46

Yé be ó, bɨn bé ekpɛl ó, njɨ baa lé ekpɛl bɨn nɛʼɛ, a bɨn bé óbono myɛna mo Zyɛm naa yáa gumo? Onwɨa o tœa, bé esa nteme ó, jwɨʼ gwar yaa!

Mataos 9:11

Mpʉ oFarizyɛŋ, bé a bee sa yaa ɛ, bé ze dî e l'ompʉn be ó: «Ebe yé yeʼle win lé emɛʼle lé epuhba mobo bé e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»

Markus 2:16

Oyeʼle o motie, bé a be é nkɔm oFarizyɛŋ ɨ, mpʉ bé a bee nye lé ede fua gwar e l'osyɛl o mɨsyem ndwe e l'onwɨa o tœa ɛ, bé ntɔʼ dî e l'ompʉn be ó: «Ebe yé nye lé emɛʼle lé epuhba mobo, bé e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»

Markus 7:3

To kœb ó, oFarizyɛŋ ndwe e bʉʉ oYʉden bɨbɛh, bé abe lé ede, apa taare jwɨ̀ɨ mobo lé edu mpʉ buʼo yɔɔ lé elɛɛ ɛ. Bé esa no ó, lé edu mɨnjwɨr bɨmpam byɔɔ, byé a liʼe e.

Markus 9:16

Nye ze dî e be ó: «Bɨn e boo nɔɔ, bé epɨra mokan é wáa lɔb?»

Lʉkas 18:11

Farizyɛŋ waa ntɔʼ cyɛb, ze taare lé ejwɨʼla é leme we tʉŋlʉ é mbi wi: “Zyoo e Da Zyɛm, ebe, me abe mpʉ bʉʉ bʉr. Baʼ, bé edɛʼ bɨmɔn byoonkan; bʉʉ, bé ekœʼ é l'ozyɛhozyɛh; bʉʉ nteme, osyɛl o bɨmala. Me edwe go ekiba tɨ, ebe, me abe mpʉ nwɨa tœa nwa.

Lʉkas 19:7

Bʉr bɨbɛh bé a bee syɛɛla yaa ɛ, bé a si to le etʉʼra. Bé ó: «Mʉr nwa, nyi to ja é mbɛr mo mʉr ndɨ é bul jwɨ̂ʼlɨ e mɨsyem ɨ!»

Lʉkas 5:17

É lʉʉ dobo, Yesʉs a be ó lé eyeʼle ntuntuma bʉr. OFarizyɛŋ bé e l'oyeʼle o motie, bé a be ó tɨʼ nteme é ntuntuma bʉr yaa, ondindil. Bʉr onɨ, bé a duho ó, é mokwar mɨmɛh mo Galɨle le Yʉda; baʼ duho nteme Yerʉsalɛm. Yesʉs a be ó e nkul mo Da é l'efu ó, nye tiʼɨ mɨsyoblʉ.

Lʉkas 5:21

No ó, oyeʼle o motie bé e l'oFarizyɛŋ ze taare lé elwibla é mɨleme myɔɔ ó: «Mʉr waa lé ekʉ pyeh Zyɛm nwa, nye zé? Zé ndɨ e nkul epɛʼ bɨbaa Zyɛm lé eniʼe bʉr é lɔb mɨsyem myɔɔ ɛ? Njɨ Zyɛm nye ome!»

Lʉkas 7:34

É jɔʼ yi, Mwan mo Mʉr, nyi ka pyal: nye ede mode le enyʉl monwoʼ. Bɨn bé ó: “Dwɛʼa ga. Nwaʼ mʉr, nye ó kʉ be ancyadoʼ, fufwɔʼ monwoʼ, fo onwɨa o tœa, fo bʉr o ndɨ é bul jwɨ̂ʼlɨ e mɨsyem ɨ!”

Lʉkas 7:39

No ó, é jɔʼ Farizyɛŋ a baŋle Yesʉs ɨ, a bee syɛɛla yaa ɛ, nye ntɔʼ taare lé elwib é leme we tʉŋlʉ ó: «Nkʉ mʉr nwaʼ a be ó be, be ngwiha mɨlɔb cyecye nɛʼɛ, mpa nyi gʉa ó, mʉma lé ekuna e nye nwa, nye ó é bul jwɨ̂ʼlɨ e mɨsyem!»

Mɨlʉmlʉ 23:9

Bé a be ó si bul bɨn motwii kʉ e nkul. No ó bʉʉ oyeʼle o motie é nkɔm oFarizyɛŋ, bé a cyɛb cɨcyel, ntɔʼ bɛʼ ó: «Bɨh bɛɛ, bé abee sa ebebe é mʉr nwa! Yé ó, go tiŋa ó, sisim, nkʉ ntɔʼ engles ó b'a lwib e nye!»