Lʉkas 5:24 - Kálara Zyɛ̌m Edwán é mpʉ̌n

²⁴ Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ze lɛɛ e mbʉmbʉʼ ó: «Me lɛɛ e go ó: Mʉŋa, nkɛŋɨ tɔɔ go. Go à to kwar go.»

Kálar Nzyɛ̌m : Ejwán é Sáá

²⁴ Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr ó dí e nkul jwɨ́ɨ ɨ́ sí yɨ̂ʼ lɨ́ esú ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye ntɔ̂ʼ lɛ́ɛ e mbʉ́mbʉ́ʼ ó: «Mě lɛ́ɛ́ gó ó, gbɔlwáa. Go e nkɛ́ɛ́ joó yô. Go e tó kwár nyǒ.»

Lʉkas 5:24 Iomraidhean Croise

Mataos 16:13

Yesʉs ntɔʼ to pyal é lal Sezare mo Filip. Nye ze dî e l'ompʉn be ó: «Bʉr, bé epa kʉ lɛɛ naa ó, Mwan mo Mʉr, nye zé?»

Mataos 25:31

«É jɔʼ Mwan mo Mʉr óze é moncɛnba me, bé e beengles bɨbɛh ɛ, nye ódi é dia taʼa ye, yaa ndɨ é ncyɛn-nti-ncyɛn ɨ.

Mataos 26:64

Yesʉs ntɔʼ bɨha e nye ó: «Yé ó mpʉ go lɛɛ nɨ. Me elɛɛ bɨn, pie jɔʼ yi, bɨn bé óbee Mwan mo Mʉr, “ndindil é nko paʼ mbo ejʉm mo Zyɛm Nkul nyiwɛh”. Bɨn bé óbee nye lé eze é nkur tʉŋlʉ.»

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Mataos 4:24

No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.

Mataos 9:6

Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ntɔʼ ze lɛɛ e mbʉmbʉʼ ó: «Me lɛɛ e go ó: Mʉŋa. Nkɛŋɨ tɔɔ go. Go toʼ kwar go.»

Lʉkas 5:13

Yesʉs ntɔʼ syɛm mbo, ntɔʼ kuna e nye. Nye e nye ó: «Mɨ mɛʼle! Sa ndɨ elœʼ go é mih mo Zyɛm ɨ, yi pʉʼa go.» Cye e cye yaa, zam ntɔʼ sie nye é nyʉl!

Lʉkas 5:18

No ó bʉʉ bʉrʉm, bé a ka ze pyal nye e mbʉmbʉʼ mʉr, wé ndɨ mbwamle é tɔɔ. Bé ze jwɨʼla saa ekpahla e syoblʉ wɔɔ é mih mo Yesʉs, é saa saa, abee.

Lʉkas 5:23

Yé ndɨ é kunbo lé esa? Zê yé é kunbo ó, go lɛŋɨ mʉr ó: “Bɨbaa bɨ ebebe byo, bi pɛʼɔ” ɛ? Zê yé é kunbo ó, go lɛŋɨ nye ó: “Mʉŋa si, laŋa” ɛ?

Lʉkas 7:14

Nye ntɔʼ dihle, ze kuna e zimɨ é mbo. Tina, yé ó, yé a baapa diblɔ. Onkɛa ntɔʼ cyɛb. Nye e muu ó: «Ma soho, me lɛɛ e go ó: mʉŋa.»

Lʉkas 8:54

Yesʉs ntɔʼ mɛr mwan waa é mbo, ndwe le elwib e nye lé eyɨm twii ó: «Ma esehe, mʉŋa si.»

Yʉanes 11:43

É jɔʼ nye a sil lwib no e, nye ntɔʼ ze behe. «Lazar ɔɔ! Pyala kʉl ɔɔ!»

Yʉanes 17:2

ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

Yʉanes 3:13

Abe e mʉr ngwar ndɨ si pa bere, to pyal é jobo kʉ, pie Mwan mo Mʉr, mʉr a duho é jobo kʉ, ze kaʼ é si nwaʼ ɛ.

Yʉanes 5:27

Nye nteme a si ntɛŋ Mwan we nkul mojwɨ̀ʼa ndɨ ó, nye tiʼa bʉr mɨlɔb ɨ, ebe, nyɛɛ ó ndɨ Mwan mo Mʉr.

Mɨlʉmlʉ 14:10

No ó Pol a lɛɛ nye e twii kʉ kʉ ó: «Mʉŋa si. Cyɛba cɨcyel é nkʉʼʉ.» Nye ntɔʼ mʉa si é bʉ, taare é cyen!

Mɨlʉmlʉ 5:31

To kœb ó, Zyɛm nyɛɛ, nyi bɨr nye kʉ, dil nye é mbo ejʉm we, cyel nye é dia Cyɛb efoʼ ndwe e Tiʼbʉr é l'efu e bʉr bɨbɛh. Nye a sa no ó, nye nkʉʼ dib bwa b'Ɨzraɛl zi egwɨma mobebe mɔɔ, le edwir mɨleme, ó nye nkʉʼ pɛʼ bɨbaa nye lé eniʼe-niʼe é lɔb mɨsyem myɔɔ ɛ.

Mɨlʉmlʉ 9:34

No ó Pyɛr a lɛɛ e nye ó: «Ayɨneas! Yesʉs-Krɨst, nyi tiʼ go. Mʉŋa si. Bâʼa tɔɔ go.» Cye e cye yaa, Ayɨneas ntɔʼ mʉa si.

Mɨlʉmlʉ 9:40

No ó, Pyɛr ntɔʼ pyɛl bʉr bɨbɛh kʉl, kur moboo si, ze jwɨʼla e Zyɛm. Nye ntɔʼ dwibra nko muu, wé a be e, ze lɛɛ ó: «Tabita! Mʉŋa si.» Nye ntɔʼ bɛɛ mih, bee Pyɛr, ntɔʼ di ndindil!

Mɨngwiha 1:13

Teme bɨcye molama byaa, me ze bee yʉʉ sɔʼɔ lé enwɨɨla e mamʉr. Nye a bwar ó, dur é jaa jaa, to pyal é mokʉ si. Nye a be nteme ó e kana gol tiila é kubo.