Lʉkas 5:22 - Kálara Zyɛ̌m Edwán é mpʉ̌n

²² Sa gwar, Yesʉs a be ó lé edweʼe bɨjwɨʼ bé a be e bye é mɨmo si ɨ. No ó nye a nʉa lwib, ze dî e be ó: «Wáa mbi mosono ndɨ bɨn é mɨleme bim yiʼ mpʉʼ ɨ?

Kálar Nzyɛ̌m : Ejwán é Sáá

²² Sâ gwár, Yésʉs á be ɨ́ gʉ́a mésónó bé á sóŋlo nye má. Nó nyé á yala e bé ó: «Bɨ̌n bé lɨ́ esóŋlo ɨ́ milémé mín ɨ́ yé?

Lʉkas 5:22 Iomraidhean Croise

Mataos 12:15

Mpʉ Yesʉs a be si gʉa jwɨʼ yaa ɛ, nye ntɔʼ mʉa ɨ gumo yaa, buobuo bʉr ze du nye é koo pihe. Nye ze tiʼ mɨsyoblʉ mimyɛh myé a be tɨʼ ɨ.

Mataos 12:25

Mpʉ Yesʉs a be si gʉa mɨpɛhla bé a be e mye é mɨleme e, nye e be ó: «Jwɨ̀ʼa yiyɛh bʉr o tɨʼ lé elwimla paʼra wɔɔ ɛ, yé efuʼla ó, é siilʉ, aka be e bʉr. Nkʉ nkana, nkʉ mbɛr bʉr, ǃɨ bʉr o tɨʼ lwimla paʼra wɔɔ nɛʼɛ, yé abe e nkul ejohlo.

Mataos 9:4

Mpʉ Yesʉs a be si dweʼe bɨjwɨʼ bé a be e bye é mɨmo si ɨ, no ó nye a ze dî e be ó: «Ebe yé bɨn ndɨ e bɨbebebebe mɨpɛhla mɨnɨ é mɨleme min ɨ?

Markus 8:17

To kœb ó, Yesʉs a be ó si gʉa sa bé a be lé etimle paʼra wɔɔ ɛ. No ó nye a ze dî e be ó: «Ebe yé bɨn lé etimle lɔb bler yé a liʼ bɨn pihe e? Zê bɨn l'apa cyeble, nkʉ joʼo ba sa me lé elɛɛ bɨn ɨ? Zê mɨleme min, myé é lele lé ejoʼo ɛ?

Lʉkas 24:38

Nye ntɔʼ dî e be ó: «Yé lé eba tɨ bɨn mokʉ si mpʉnʉ nɨ? Ebe yé bɨn ndɨ e mosono é mɨleme e?

Lʉkas 5:21

No ó, oyeʼle o motie bé e l'oFarizyɛŋ ze taare lé elwibla é mɨleme myɔɔ ó: «Mʉr waa lé ekʉ pyeh Zyɛm nwa, nye zé? Zé ndɨ e nkul epɛʼ bɨbaa Zyɛm lé eniʼe bʉr é lɔb mɨsyem myɔɔ ɛ? Njɨ Zyɛm nye ome!»

Lʉkas 5:23

Yé ndɨ é kunbo lé esa? Zê yé é kunbo ó, go lɛŋɨ mʉr ó: “Bɨbaa bɨ ebebe byo, bi pɛʼɔ” ɛ? Zê yé é kunbo ó, go lɛŋɨ nye ó: “Mʉŋa si, laŋa” ɛ?

Mɨlʉmlʉ 5:3

No ó Pyɛr a ze lɛɛ e nye ó: «Ananias, ebe yé Satan bana cyɛb go é leme, ze sa ó, go lɛŋɨ Mbɨambɨa Sisim mpʉl mpʉnʉ nɨ ɨ? Ebe, gɨ nara e guu paʼ mɔn Mbɛr-Zyɛm go a nʉa é l'ebom e peme yo e, komo é l'empàh!

Ebrœ̂ 4:12

Lwib mo Zyɛm, yé ó sa ndɨ kublakubla ɛ. Yé ó e nkul. Yé nteme, yé é bɛbla, laa fòŋ ndɨ njèba mii mɨpaʼ mɨmba ɛ. É jɔʼ Zyɛm lé elwib ɨ, lwib ye, yé ekʉ bana syɛh mɨsʉn, to pyal é mobɨl, ntɔʼ pin bɨpeh bɨ nyʉl e mobʉo. Yé ekpahla gumo leme ndwe e sisim lé edira ɛ. Yé epahle le egba mbɛʼ paʼra mɨpɛhla ndwe e bɨjwɨʼ ga bina.

Mɨngwiha 2:23

Me nteme, me ójʉ nye bwan. Ebe no ó mɨmbɛr mɨ Zyɛm mimyɛh, myé óka gʉa ó, mɛm ó ndɨ egʉa mɨpɛhla ndwe e bɨgwɨma bɨ bʉr ɨ. É mbɛr Zyɛm win, mʉr nyiwɛh ósa yiʼ syɛɛla nkʉ yʉʉ ɨ, me ójɛna nye syɛɛla ye ó, du mpʉ ye ndɨ ɨ.”