Lʉkas 5:17 - Kálara Zyɛ̌m Edwán é mpʉ̌n

¹⁷ É lʉʉ dobo, Yesʉs a be ó lé eyeʼle ntuntuma bʉr. OFarizyɛŋ bé e l'oyeʼle o motie, bé a be ó tɨʼ nteme é ntuntuma bʉr yaa, ondindil. Bʉr onɨ, bé a duho ó, é mokwar mɨmɛh mo Galɨle le Yʉda; baʼ duho nteme Yerʉsalɛm. Yesʉs a be ó e nkul mo Da é l'efu ó, nye tiʼɨ mɨsyoblʉ.

Kálar Nzyɛ̌m : Ejwán é Sáá

¹⁷ Ɨ́ lʉ́ʉ́ dʉ́o, Yésʉs á be ó lɨ́ edwe éntumo e bʉ̂r milɛ́ʼlá. OFarizyɛ̂n, le olɛ̂ʼla o métié, bé á be ó tɨ̂ʼ ɨ́ sɔ́má yaá mindîndǐl. Bé á duho ó ɨ́ mekwár mɨ́mɛ̂h mé sí Galilê le maá mé sí Yʉ́da; bâʼ duho ntémé Yerʉ́zalɛm. Nkul mé Nzyɛ̌m á be lɨ́ enyɨ̂n ɨ́ nye ɨ́ tiʼá nyé á titiʼ bʉr wɨ́.

Lʉkas 5:17 Iomraidhean Croise

Mataos 11:5

Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé epɛʼɔ sa ndɨ elœʼ be é mih mo Zyɛm ɨ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Mataos 15:1

É til molu yaa, oFarizyɛŋ bé e l'oyeʼle o motie, bé ze duho Yerʉsalɛm, ntɔʼ pyal gumo Yesʉs a be e. Bé ze dî e nye ó:

Markus 1:45

Dam be mpʉ Yesʉs a si lɛɛ nye no e, mʉr waa a kʉ ka sa ó njɨ to le emyɛʼ lɔɔ waa é gumo yiyɛh. Ebe no ó Yesʉs a baabe e nkul eka ni é bɨnkana é pono e. Nye a fuo ka di-di ó, njɨ é bɨlʉn. Bʉr, bé a be lé eto boo nye ó, duho-duho é bɨgumo bibyɛh.

Markus 16:18

Bé ótœʼ onyʉa. ǃBé si fuuba de dwoʼo nɛʼɛ, yé aŋa jʉ be. Bé ókɛl mɨsyoblʉ mobo, mɨsyoblʉ myaa ntɔʼ tiʼe.»

Markus 3:22

Bʉʉ oyeʼle o motie, bé a duho Yerʉsalɛm ɨ, bɛɛ, bé a lɛɛ ó: «Nye esia e Belzebul!» Bé nteme, bé a lɛɛ ó: «Nye e nkul edwih bʉr moleme monɨ ó, dumo e Njwɨɨ moleme!»

Markus 5:30

É cye gwar yaa, Yesʉs ntɔʼ jʉʼra ó, nkul a be ó si duho nye é nyʉl. Nye ze dwibra teme bʉr, ntɔʼ dî ó: «Eʼ! Zé kuna e mɨkan myam ɛ?»

Markus 7:1

OFarizyɛŋ bé e bʉʉ oyeʼle o motie bé a duho Yerʉsalɛm ɨ, ze fwal é gumo Yesʉs a be e.

Lʉkas 15:2

No ó oFarizyɛŋ bé e l'oyeʼle o motie, bé a be ó lé eto le etʉʼra paʼra wɔɔ. Bé ó: «Mbe ga: mʉr nwa, nye ebɨlan e l'osyɛl o mɨsyem! Bé e boo nɔɔ bana de fua gwar!»

Lʉkas 2:46

Molu molɛl, mé osi laa nɛʼɛ, bé ntɔʼ bee nye é jahla bii mo Zyɛm. Nye a be ó ndindil, teme oyeʼle o motie, nyɛɛ lé ejoʼlo be, ndwe le edî be motia.

Lʉkas 5:21

No ó, oyeʼle o motie bé e l'oFarizyɛŋ ze taare lé elwibla é mɨleme myɔɔ ó: «Mʉr waa lé ekʉ pyeh Zyɛm nwa, nye zé? Zé ndɨ e nkul epɛʼ bɨbaa Zyɛm lé eniʼe bʉr é lɔb mɨsyem myɔɔ ɛ? Njɨ Zyɛm nye ome!»

Lʉkas 5:30

OFarizyɛŋ bé e l'oyeʼle o motie bé e boo nɔɔ, bé a be nkɔm ngwar ɨ, bé ze taare lé etooro ompʉn mo Yesʉs, le elɛɛ ó: «Ebe yé bɨn lé emɛʼle lé ede mode le enyʉl monwoʼ, bɨn lé epuhba mobo e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»

Lʉkas 6:19

Bʉr bɨbɛh é mpampaʼ bʉr yaa, bé a be ó lé esaa ó, bé dɨʼe kuna e nye, diŋa ó, bé ótiʼe. Nkul a be ó si duho é Yesʉs, nye ntɔʼ tiʼ mɨsyoblʉ mimyɛh myé a be tɨʼ ɨ.

Lʉkas 7:30

Sa gwar, oFarizyɛŋ bé e l'oyeʼle o motie, bé a si kʉ bene bɨsa Zyɛm a bɛa tiʼe é leme we nɨ. Ebe no ó bé a baamɛʼle ó, Yʉanes dùʼo be e.)

Lʉkas 8:46

Yesʉs ntɔʼ lɛɛ ó: «Nuu mʉr be ó si kʉ kuna e me, ebe, mɨ jʉʼra nkul lé eduho me é nyʉl.»

Yʉanes 3:10

Yesʉs, nye e nye ó: «Gwɔɔ yɛɛ njwɨʼ yeʼle motie é bwa b'Ɨzraɛl, zê yé abana go lé egʉa mɨlɔb mɨnɨ ɛ?

Yʉanes 3:21

Waa nyiwɛh lé ekœʼ ebò e cyen é l'ocyecye e, nye ekpɛl to nko myɛn lé epan ɨ, bʉr nkʉʼ bee ó, bɨsyɛɛla bye, byé eduho ó, é gwɨma mo Zyɛm.»

Mɨlʉmlʉ 19:11

No ó, Zyɛm a sa-sa bɨbwaʼbwaʼ mosima ó, é zi mo Pol.

Mɨlʉmlʉ 4:30

Lɛʼla nkul go é zi waa. Go à tiʼ mɨsyoblʉ é die e syɛl mosa go Yesʉs, Mʉr ndɨ ti ɨ. Saʼ nteme bɨdweʼle bɨ nkul we ndwe e bɨsa bɨ jehe é die le.»

Mɨlʉmlʉ 5:34

Nuu Farizyɛŋ a be ó tɨ, die le Gamalyɛl. É sama oyeʼle o motie bɨbɛh, nye ó b'a be waa bʉr, bé a be lé edwaabe e. Nye ze cyɛb teme bʉr o Bʉm Nɨnɨ. Nye ó, bé paʼ pyɛl mɨlʉmlʉ kʉl é ma jɔʼ.