Lʉkas 5:10 - Kálara Zyɛ̌m Edwán é mpʉ̌n

¹⁰ Jacques bé e Yʉanes, bwan mo Zebede, ndwe e Simɔn, bé a be ó e mpaʼra wɔɔ. Bé nteme, bé a be ó é jehe. Yesʉs ze lɛɛ e Simɔn ó: «Ajoʼo bʉa. Taare é banana, go óka dulo ó bʉr.»

Kálar Nzyɛ̌m : Ejwán é Sáá

¹⁰ Jacques, bé e Yʉánɛs, bwán mé Zebedê, bé ntémé á be lɨ́ ejóʼo ékɛ̂n laá. Bé e Pétrus ó b'á syɛŋa mebô lɨ́ ebwâm byɛ̂l waá. Yésʉs nzě lɛ́ɛ e Simon ó: «Sá akpɛ́ɛ. Táare ɨ́ báánâ, go óbe ó ndul bʉr.»

Lʉkas 5:10 Iomraidhean Croise

Mataos 13:47

«Jwɨ̀ʼa mo Da, yé ebâʼle nwɨɨla ó e kʉa bé a la é modibe maŋ ɨ. Bé a be ó lé egwɨm mɛr ofu bé ókwɨa tɨʼ ɨ, mɨmbi mimyɛh.

Mataos 14:27

Cye e cye yaa, Yesʉs, nye e be ó: «Tʉmɨ ga monyʉl. Yé ó me! Ajoʼo ga bʉa.»

Mataos 20:20

No ó nyɔŋ bwan mo Zebede a ze to nko Yesʉs a be e, e bwan be, bɨʼ mpom we si é mih me, ó bé jaʼ ó nye sɔʼɔ.

Mataos 4:19

Nye ntɔʼ lɛɛ e be ó: «Duʼo ga me. Me ósa ó, bɨn diʼe ogohla o bʉr.»

Mataos 4:21

Nye ze laa naa, ntɔʼ bee bʉʉ obɨɔ ofih oba, bwan mo Zebede, Jacques bé e ncyom we Yʉanes. Bé a be ó si syel byɛl wɔɔ. Bé e sɔŋ wɔɔ Zebede, bé a be ó tɨʼ lé ekomlo okʉa bɔɔ. Nye ntɔʼ jebe be.

Markus 1:17

Yesʉs ntɔʼ lɛɛ e be ó: «Duʼo ga me. Me ósa ó, bɨn diʼe ogohla o bʉr.»

Lʉkas 5:7

Bé ntɔʼ kwab bʉr o nduo yɔɔ bé a be é guu byɛl ɨ, ó bé ntaʼ, ze kœb be lé edulo okʉa é modibe maŋ. Bé ze pyal, kœbɔ be. Ofu bé a pɛʼ é l'okʉa ɛ, bé a be ó si loŋlo mɛl moba maa. Mé ntɔʼ taare lé edɨ e modile mo mpuo ofu.

Lʉkas 5:9

Simɔn a be ó lé ejehe bim ofu bé a jʉ ɨ, bé e bʉr o bé e boo nɔɔ, bé a be e.

Lʉkas 6:14

Nye a pɛh ó, Simɔn, mʉr nye a jwɨr njɨblɨ Pyɛr ɨ, bé e ncyom we Andreas, ndwe e Jacques, Yʉanes, Filip, Bartelemi,

Yʉanes 21:2

Yé a be ó, bʉʉ bʉr é l'esama le ompʉn be, bé osi to é nkpah maŋ. Tɨʼ é sama yaa, yé a be ó Simɔn Pyɛr e Tomas (waa bé ejebe-jebe ó, Egbah ɛ), bé e Natanaɛl (mʉr Kana, lal Galɨle), ndwe e mɨsoho mo Zebede, ka kɛl bʉʉ ompʉn oba.

Mɨlʉmlʉ 2:4

Bɨbɛh, bé a be ó, bé mu lwɨŋla e Mbɨambɨa Sisim. Bé ntɔʼ taare lé elwib bɨlwib bɨfih, byaa Sisim waa, wé a dwe be nkul ó, bé lwibɨ ɨ.

2 Korɛnt 8:23

É nko paʼ mo Tit, nye ó mʉr nduo wam, mʉr bɨh e nɔɔ ndɨ é l'empomo e syɛɛ egwar ɨ. É nko paʼ bʉʉ obɨɔ oba bé e boo nɔɔ lé eze e, mɨmbɛr mɨ Zyɛm, myé ó lé elomlo bɨn ba. É jɔʼ bʉr lé ebee syɛɛ yɔɔ ɛ, bé edwiibɨ Yesʉs-Krɨst tɨ.

2 Timotɛ 2:26

Bʉr o ndɨ mɨmɛra é mpila mo Njwɨɨ moleme e, bé é mpila ó, bé saʼ mpʉ nyɛɛ lé egwɨm ɨ. Sa gwar, ocyecye mo Zyɛm, wé óbɛm sa ó, bé duho é mpila yaa é pololo.